USD
EUR
RUB

Խորամանկ քահանան

 
 

Պատահում է, շատ անգամ մարդիկ իրար հետ համաձյն չեն լինում, տարբեր կարծիքներ են լինում: Դրա համար էլ հաճախ դժվար է լինում կատարել նրանց բոլորի ցանկությունները:

Պատահում է, շատ անգամ մարդիկ իրար հետ համաձյն չեն լինում, տարբեր կարծիքներ են լինում: Դրա համար էլ հաճախ դժվար է լինում կատարել նրանց բոլորի ցանկությունները:

Ժամանակով Ֆրանսիայի գյուղերից մեկում մի քահանա էր ապրում: Քահանան այնքան ճարպիկ ու խորամանկ էր, որ բոլորին խաբում էր, բայց այնպես էր խաբում, որ ոչ մեկը գլխի չէր ընկնում: Հա, հա, մի զարմացեք, այդպես էլ է պատահում:

Մի օր քահանայի մոտ են գալիս գյուղացիներն ու ասում են.

- Բարև, տեր հայր:

- Աստծու բարին, - պատասխանում է քահանան, - ասեք տեսնեմ, ի՞նչ եք ուզում:

- Տեր հայր, - ասում են գյուղացիները, - երաշտը ամբողջ բերքը փչացնում է: Խնդրում ենք մի ճար անես, մի քիչ անձրև գա, բերքն ափսոս է, կփչանա:

- Կանեմ, զավակներս, - պատասխանում է քահանան: - Ձեր ուզածը հասարակ բան է: Ես մի աղոթք գիտեմ, որ օրը աղոթեմ, էն օրն էլ անձրև կգա: Բայց տեսեք ձեզ ինչ եմ ասում: Հարկավոր է, որ գյուղում բոլորը համաձայն լինեն, որ անձրև գա: Էսօր կիրակի է, իմ աղոթքի օրն է: Պատարագի վերջում ես կխոսեմ ժողովրդի հետ, եթե մի մարդու պես համաձայն լինեն, որ անձրև գա, ուրեմն՝ կգա:

- Տեր հայր, մենք շնորհակալ կլինենք:

- Ինչե՜ր եք ասում, բա ամո՞թ չէ: Զավակներս, իմ գործը ձեզ օգնելն է, հանգիստ գնացեք:

Գյուղացիներն ուրախ-ուրախ հեռանում են: Կիրակի օրվա պատարագը որ վերջանում է, քահանան դիմում է եկեղեցում հավաքված մարդկանց.

- Ժողովուրդ, քիչ առաջ ինձ մոտ էին եկել մի քանի գյուղացի և բողոքում էին, որ երաշտը ամբողջ բերքը փչացնում է: Ասում էին՝ մեղք ենք, աստծուն ասա, թող մի քիչ անձրև տա, բերքը ափսոս է, չփչանա: Դա ինձ համար հասարակ բան է: Ես մի աղոթք գիտեմ, որ օրը աղոթեմ, էն օրն էլ անձրև կգա: Բայց դրա համար հարկավոր է, որ բոլորը մի մարդու պես կանգնեն ու ինձ խնդրեն, որ այսինչ կամ այնինչ օրը անձրև լինի: Հիմա ձեզ եմ հարցնում, ուզո՞ւմ եք, որ այսօր անձրև գա:

- Չէ՜, տեր հայր, այսօր չենք ուզում: Այսօր կիրակի է, որոշել ենք մի քիչ ման գալ, ուրախանալ, - վրա են բերում գյուղի ջահելները:

- Լավ, որ էդպես է, - շարունակում է քահանան, - ուրեմն կաղոթեմ, որ անձրևը էգուց գա:

Մի քանի կին դժգոհում են.

- Չէ՜, տեր հայր, մենք էլ էգուց չենք ուզում: Լվացք ենք անելու, մինչև լվացքը չչորանա, մեզ անձրև հարկավոր չէ:

- Շատ լավ, - ասում է քահանան, - որ էգուց չեք ուզում, աղոթեմ, թող երեքշաբթի անձրև գա:

- Չէ՜, տեր հայր, երեքշաբթի հարմար չէ, որոշել ենք տոնավաճառ գնալ, - ասում են գյուղի աղջիկները:

- Լավ, որ երեքշաբթի հարմար չէ, չորեքշաբթի օրվա վրա կաղոթեմ, ասում է քահանան:

- Չէ՜, տեր հայր, չորեքշաբթի չի լինի: Չորեքշաբթի որոշել ենք խոտ հնձել, ասում են հնձվորները:

- Լավ, - պատասխանում է քահանան, - խոտհունձն էլ է կարևոր գործ: Ուրեմն, հինգշաբթի օրը կաղոթեմ:

- Չէ՜, տեր հայր, հինգշաբթի չենք ուզում, - դժգոհում են գյուղի երեխաները: - Հինգշաբթի օրը դպրոցը փակ է, ուզում ենք դաշտում մի քիչ վազվզել:

- Ախր ես ո՞նց մերժեմ երեխաներին, ասում է քահանան: - Լավ, եթե հնգշաբթի էլ չի լինում, ուրբաթ օրվա համար կթողնեմ:

- Չէ՜, տեր հայր, - բողոքում են կղմինդրագործները, - ուրբաթ օրն էլ մենք ենք զբաղված: Կղմինդրը սարքել ենք, դրել արևին, դրել արևին, որ չորանա: Մինչև ուրբաթ հազիվ չորանա: Էդ մի օրն էլ մեզ բաշխեք:

- Զավակներս, ի՞նչ ասում, մնաց շաբաթ օրը, - ասում է քահանան:

- Էդ մեկը չեղավ, տեր հայր, - բողոքում է գյուղի քյոխվեն: - Շաբաթ ճրը ես գյուղերն եմ ման գալիս, շաբաթ չի լինի:

- Դե որ շաբաթ էլ չեք ուզում, - ասում է խորամանկ քահանան, - ուրեմն, էլ օր չմնաց:

Ես ձեզ ասի, չէ՞, որ իմ իմացած աղոթքը օգնում է միայն այն ժամանակ, երբ բոլորդ միասին, մի մարդու պես ինձ ասեք, որ անձրև եք ուզում: Ուրեմն, գնացեք, իրար հետ լեզու գտեք: Եվ քանի դեռ դուք մի կարծիքի չեք, թող առայժմ աստված ինքը որոշի, թե որ օրը անձրև լինի, որ օրը՝ արև:

Ֆրանսիական ժողովրդական հեքիաթ
աղբյուր՝ heqiat.am:

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan