USD
EUR
RUB

Կոմիտասի երաժշտությունը՝ ֆրանսիացի դաշնակահարի կատարմամբ

 
 

«Նարեկացի» արվեստի միության համերգասրահում դաշնամուրային երաժշտության ուշագրավ երեկո էր, Կոմիտաս վարդապետի երաժշտությունը հնչեց ֆրանսիացի երիտասարդ դաշնակահար, միջազգային մրցույթների դափնեկիր Քվենտին Մորիեի կատարմամբ: Համերգային ծրագրի ընթացքում հնչեցին Կոմիտասի, Ա. Բաբաջանյանի, Ս. Ռախմանինովի, Գ. Ֆորեի ստեղծագործություններից:

Ինչպե՞ս ծնվեց պատանի ֆրանսիացու սերը հայկական երաժշտության հանդեպ: Քվենտին Մորիեն ծնվել է Ֆրանսիայում: Երաժշտական կրթությունը ստացել է Ռոմանի երաժշտական դպրոցում, որից հետո ընդունվել է Բրյուսելի կոնսերվատորիան՝ ավարտելով դաշնամուրի եւ սիմֆոնիկ դիրիժորության բաժինները: Երբ հայ-ֆրանսիական մանկական երգչախմբում ընդգրկված Երեւանի Չայկովսկու անվան երաժշտական մասնագիտական դպրոցի եւ Ֆրանսիայի Ռոմանի կոնսերվատորիայի սաները համերգներով հանդես եկան Ֆրանսիայի եւ Շվեյցարիայի մի շարք քաղաքներում, հյուրախաղերի ընթացքում Հայաստանից մեկնած մասնագետները վարպետության դասեր անցկացրեցին ֆրանսիացի պատանիների հետ: Հայ-ֆրանսիական մանկական երգչախմբի երգացանկում ընդգրկված Կոմիտասի, Արամ Խաչատրյանի, Էդվարդ Միրզոյանի, Ալեքսանդր Հարությունյանի ստեղծագործությունները հետաքրքրեցին Ռոմանի երաժշտական դպրոցի սան Քվենտին Մորիեին, նա սիրահարվեց հայ երաժշտության մոգական հնչյուններին եւ սովորեց նվագել Կոմիտասի, Ա. Բաբաջանյանի ստեղծագործութունները:

Սա Քվենտին Մորիեի առաջին այցը չէր Հայաստան: Առնո Բաբաջանյանի անվան պետական-մանկավարժական ուսումնարանի՝ Գիտության եւ մշակույթի ռուսական կենտրոնի եւ Հայաստանի կոմպոզիտորների միության աջակցությամբ կազմակերպած Առնո Բաբաջանյանի անվան պատանի եւ երիտասարդ դաշնակահարների Երեւանում կայացած միջազգային մրցույթ-փառատոնի ընթացքում, որի նպատակը մեծ կոմպոզիտորի թողած ժառանգությունը ողջ աշխարհում ճանաչելի դարձնելն էր, իրենց ստեղծագործական կարողությունները ներկայացրեցին աշխարհի տարբեր երկրներից Հայաստան ժամանած դաշնակահարները, որոնց տարիքը չէր գերազանցում 18-ը: Հայ ժողովրդի ցուցաբերած ջերմ ընդունելությունը Քվենտին Մորիեին կրկին վերադարձրեց Հայաստան: Նա շնորհակալություն հայտնեց բուռն ծափերի, լավ վերաբերմունքի համար եւ հրաժեշտ տվեց՝ կրկին վերադառնալու ակնկալիքով: Օտարազգի պատանու ինքնաբուխ սերը դեպի մեր ազգային երաժշտությունը ուսանելի է, ոգեշնչող օրինակ այն հայ պատանիների համար, ովքեր խորթացել են ազգային արժեքներից՝ տուրք տալով արեւելյան ապազգային ելեւէջներին:

ՎԱՐԴԻՆԵ ԻՍԱՀԱԿՅԱՆ

Լրահոս
Ձայն է գալիս Ով հրեղեն փայլն է կրում իմ կարոտի… Կինոյի պատմության մեջ լավագույն չարագործները Տեսնել իրականությունը․ երազանքները և մենք Մհեր Մկրտչյանի նոր ֆիլմի թրեյլերն արդեն պատրաստ է Եգիպտոսում բացել են ամենախոշոր չվնասված սարկոֆագը Չորս կամերային վոկալ-սիմֆոնիկ ստեղծագործություններ առաջին անգամ ներկայացվեցին հայ ունկնդրին Բրիտանացի պատմաբանը գիրք է գրել, թե ինչպես խորհրդային զինվորներին թույլ չտվեցին ուտել ձիերին Արմեն Սարգսյանն այցելել է նկարիչ Հովհաննես Զարդարյանի արվեստանոց Երևանում առաջին անգամ կանցկացվի ժամանակակից արվեստի միջազգային ցուցահանդես Արմեն Սարգսյանն այցելել է նկարիչ Ռոբերտ Էլիբեկյանի արվեստանոց Լատվիան սկսել է իր «Նոր ալիքը» Մոլլա Մասրադնի պղինձը Վահեի նամակները Մոցարտին Գրչընկերներիս ի հիշատակ Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ Արմեն Սարգսյանն այցելել է Մինաս Ավետիսյանի արվեստանոց «.. Նա անսպառ էր իր գործի և իր անհատի պատվախնդրությամբ» «Սփյուռքի հայ համայնքների մշակութային օրերը Հայաստանում»«Սփյուռքի հայ համայնքների մշակութային օրերը Հայաստանում» Երախտագիտության համերգ՝ հայրենյաց պաշտպանին Խաչատուր Աբովյան․ Պարապ վախտի խաղալիք Գրիգոր Նարեկացի «Մատյան Ողբերգության» - մաս 10 Դու զսպում ես, որ չթրջես երջանկության այս կատարյալ ցամաքը Ֆրանսահայ ռեժիսոր. «Ծնված լինելով Ֆրանսիայում՝ ես խորապես կապված եմ Հայաստանի հետ» Լեոնարդո դի Կապրիոն և Բրեդ Փիթը հրաժարավել են նկարահանվել «Սապատավոր լեռը» ֆիլմում Նոր փոստային բացիկ՝ նվիրված «Արշակ Բ» հայկական առաջին օպերայի 150-ամյակը» թեմային Անահիտ Բախշյանը բարձրաձայնել է զորակոչված բալետի պարողի մասին «Մեղադրական նամակի և սխալ վերագրումների համար ներողություն է խնդրել» պարզաբանում Այս էր գարունը Ռոզենբաումը արձագանքել է քաղցկեղի մասին Կոբզոնի հայտարարությանը Լոռըցիք Էս գրքի ճամփի խրատը Շների երկիրը Էդգար Հակոբյան․ Ծիծեռնակ Բոլոր ծառերը խարշափում են Ինչպես ճապոնացի վարպետի ֆիլմը Կաննից Երեւան հասավ Ի հիշատակ Նոբելյան մրցանակի դափնեկիր Մանդելայի Ամեն Հայր Սուրբ Հետհամագումարյան մտորումներ Հանիր մատանիդ․․․
website by Sargssyan