USD
EUR
RUB

«Եթե չլիներ քաղաքապետը, վաղուց փախել էի…»

 

Ռեժիսոր, դերասան Արմեն Սարգսյանը կհիմնավորվի Աբովյանում 1930-ականներից պետական թատրոններ հիմնվեցին Հայաստանի շրջաններում, որոնք իրենց գործունեության ընթացքում տարբեր ճակատագրեր ունեցան: Օրինակ՝ Կոտայքի շրջանային թատրոնը գործել է մինչեւ 1940թ., ապա լուծարվել, փոխարենը՝ ստեղծվել թատերախումբ: Թատրոնը վերականգնելու նպատակով տարիներ անց՝ 1951թ., որպես ղեկավար է հրավիրվում այսօր ՀՀ մշակույթի վաստակավոր գործիչ Սերգեյ Առաքելյանը եւ մինչեւ 1981թ. իր ղեկավարության օրոք իրականացնում 100-ից ավելի ներկայացումներ: Այդ տարիներին թատրոնում հրավիրյալի կարգավիճակով բեմ են բարձրացել Վահրամ Փափազյանը, Գուրգեն Ջանիբեկյանը, Հրաչյա Ներսիսյանը, Օլգա Գուլազյանը, Դանզաս ամուսինները, Թաթիկ Սարյանը, Կարպ Խաչվանքյանը եւ այլ անվանի դերասաններ: 1964թ. Պարույր Սեւակի խորհրդով Առաքելյանն իր սցենարով իրականացնում է «Սայաթ-Նովա» բեմադրությունը, որի պրեմիերան կայանում է Հաղպատի վանքում՝ մեծանուն աշուղի ծոռների ներկայությամբ: Այն տարիների համար բարձրագույն պարգեւ էր «Ժողովրդական թատրոն» պատվավոր կոչումը, որին արժանանում է շրջանային այս թատրոնը:

Մինչ օրս էլ Աբովյանի թատրոնը «ապրում» է, բայց արդարության դեմ չմեղանչելու համար նշենք միայն, որ ոչ բուռն ստեղծագործական կյանքով, ինչին նպատակահարմար չենք գտնում անդրադառնալ:

2017թ. հոկտեմբերին Աբովյանի դրամատիկական թատրոնին նոր շունչ հաղորդելու նպատակով՝ Հայաստանի թատերական գործիչների միության նախագահ Հակոբ Ղազանչյանը Աբովյանի քաղաքապետ Վահագն Գեւորգյանին առաջարկել է երիտասարդ ռեժիսոր, դերասան Արմեն Սարգսյանին:

«Առավոտի» հետ զրույցում Արմեն Սարգսյանն ասաց, որ անցած մի քանի ամիսների ընթացքում մասնակի վերանորոգվել է թատրոնի փոքր դահլիճը (թատրոնն ունի երկու դահլիճ, մեծը՝ 600, փոքրը՝ շուրջ 100 տեղանոց), բեմադրել է Հովհաննես Թումանյանի «Պոչատ աղվեսը», պատրաստվում է նոր ներկայացում արցախյան պատերազմի թեմայով՝ Արսեն Ղազարյանի «Կարոտել եմ» դրաման, որը աբովյանցիներին «կհանձնի» մայիսի 9-ին եւ 10-ին, իսկ առաջին հանրապետության 100-ամյակին նվիրված՝ Աբովյան քաղաքում մայիսի 28-ին կկայանա թատերականացված մեծ միջոցառում, Երեւանի 2800-ամյակին նվիրված, Կոստան Զարյանի բանաստեղծությունների մոտիվներով բեմադրությունը կխաղան նաեւ Աբովյանում: Հավելեց նաեւ, որ թատրոնին կից շուրջ երեք ամիս է՝ գործում է ստուդիա: «Հանդիպել եմ քաղաքի դպրոցների տնօրենների հետ, զրույցի ընթացքում նրանք ողջունեցին այն առաջարկը, որ բացի ներկայացումներ դիտելուց, աշակերտները նաեւ հանդիպեն դերասանների հետ, նրանց հետ տարվի, կարճ ասած՝ կրթական զրույցներ եւ այլն»,- նշեց ռեժիսորը: Հետաքրքրությանը՝ ի՞նչ կարգավիճակով է աշխատում եւ ովքե՞ր են ընդգրկված թատրոնի դերասանական կազմում, մեր զրուցակիցն ասաց. «Դերասանական կազմն առայժմ իմ ղեկավարած «Էպսիդոն» թատերախումբն է, պատրաստ եմ ներգրավել նաեւ շնորհալի արտիստների նույնպես: Ինչ վերաբերում է իմ կարգավիճակին, կարծում եմ՝ մոտ ժամանակներս քաղաքապետարանի հետ կկնքվի համագործակցության հուշագիր, ինչը ենթադրում է, որ ես արդեն պաշտոնապես կդառնամ թատրոնի տնօրենն ու գեղարվեստական ղեկավարը»: Հարցին՝ Աբովյանի քաղաքապետարանից անցած շուրջ 5 ամիսների ընթացքում ստացե՞լ են լուրջ աջակցություն, մեր զրուցակցի պատասխանը հետեւյալն էր. «Եթե չլիներ այս քաղաքապետը, ես վաղուց փախել էի այնտեղից…»:

«Էպսիդոն» թատերախմբի գործունեությանը «Առավոտը» անդրադարձել է 20.05.2017թ.: Հիշեցնենք, որ 2012թ. հիմնված պետական կարգավիճակ չունեցող թատերախումբը ոչ միայն ակտիվ գործունեություն է ծավալում, այլեւ ժամանակին նախաձեռնել եւ անցկացրել է վարպետության դասեր. 2012թ. ամերիկացի ճանաչված արվեստագետ Ռիչարդ Նայի, ապա իտալացի Մարգիթ Մարտինուիի մասնակցությամբ: Արմեն Սարգսյանը անցյալ տարի մեր հանդիպման ժամանակ հավաստիացրել էր, թե պատրաստվում է իտալական «Terepia» թատերախմբի հետ Երեւանում ներառական բեմադրություններ իրականացնել: Այս առիթով մեր զրուցակիցն ասաց, որ իր թատերախմբի դերասաններ Լիանա Ավետիսյանի եւ Դավիթ Եղիազարյանի հետ օրերս են վերադարձել Իտալիայից եւ «Terepia»-ի ղեկավար Թերեզա Տենտորիի հետ համաձայնության են եկել ամռանը Գյումրիում ներառական ձեւաչափով ներկայացնել հայտնի «Յոթ թզուկները եւ Սպիտակաձյունիկը» հեքիաթը: Իսկ իտալացիներն այլ ներկայացումներով հանդես կգան նաեւ Աբովյանում եւ Երեւանում:

ՍԱՄՎԵԼ ԴԱՆԻԵԼՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan