USD
EUR
RUB

Աշխարհի լավագույն սոպրանոներից Բարբարա Ֆրիտոլին վաղը հանդես կգա Երևանում

 
 

Առաջին անգամ ապրիլի 19-ին, ժամը 19:00-ին Արամ Խաչատրյան համերգասրահում Հայաստանի ազգային ֆիլհարմոնիկ նվագախմբի հետ հանդես կգա մեր ժամանակների լավագույն սոպրանոներից մեկը՝ Բարբարա Ֆրիտոլին: Այս մաիսն տեղեկացնում է Panorama.am-ը։

Մշակույթի նախարարությունից մանրամասնում են, որ ծրագրում կհնչի Մալերի 4-րդ սիմֆոնիան՝ Ֆրիտոլիի մասնակցությամբ, և Բեթհովենի 4-րդ սիմֆոնիան: Հայաստանում հանդիսատեսի համար անակնկալ է պատրաստել Ֆրիտոլին:

Համերգը կղեկավարի ՀԱՖՆ գեղարվեստական ղեկավար և գլխավոր դիրիժոր Էդուարդ Թոփչյանը:

Բարբարա Ֆրիտոլի. գեղեցիկ կին, որն իր բնավորության ամենավառ գիծը համարում է ազատ շփումը մարդկանց հետ: Ընկերների մեջ ամենաշատը գնահատում է անկեղծությունը, կոլեգաների մեջ՝ կոռեկտությունը: Նրա համար ամենամեծ երջանկությունն իր դստեր ծնունդն է: Իսկ եթե չընտրեր երգչուհու մասնագիտությունը, կդառնար զինվորական:

Բարբարա Ֆրիտոլին (սոպրանո, Իտալիա) համալրում է մեր ժամանակների լավագույն սոպրանոների ցանկը՝ Աննա Նետրեբկո, Անգելա Գեորգիու, Ռենե Ֆլեմինգ: Ֆրիտոլիի խաղընկերներն են եղել Պլասիդո Դոմինգոն, Լեո Նուչին, Խոսե Կարերասը, Բրայն Թորֆելը, Իլդար Աբդրազակովը, Ռոբերտո Ֆրոնտալին, Ռուջերո Ռայմոնդին, Մարիո Լանցան, Ֆերուչո Ֆուրլանետոն և այլ մեծանուն երգիչներ:

Ֆրիտոլին ելույթներ է ունեցել մերօրյա դիրիժորական արվեստի հսկաներ Կլաուդիո Աբբադոյի, Ռիկարդո Մուտիի, Վալերի Գերգիև, Լորին Մաազելի, Զուբին Մետայի, Անտոնիո Պապանոյի, Դանիել Գատիի, Ջեյմս Լիվայնի, Ռիկարդո Շայիի և այլ աշխարհահռչակ դիրիժորների ղեկավարությամբ:

Բարբարա Ֆրիտոլին հանդես է եկել Լա Սկալա, Մետրոպոլիտեն օպերայի, Wiener Staatsoper-ի, Լոնդոնի Քովենթ Գարդենի, Փարիզի ազգային օպերայի, Ֆլորենցիայի Տեատրո Կոմունալեի, Բարսելոնայի Gran Teatre Liceu-ի և այլ հեղինակավոր թատրոնների բեմերում: Ելույթներ է ունեցել Բեռլինի ֆիլհարմոնիկի, Վիենաի ֆիլհարմոնիկի, Չիկագոյի սիմֆոնիկի, Լա Սկալայի ֆիլհարմոնիկի, Բոստոնի սիմֆոնիկի, Լոնդոնի սիմֆոնիկ և այլ հայտնի նվագախմբերի հետ:
Նրա նշանակալի դերակատարումներից են՝ Կոմսուհի («Ֆիգարոյի ամուսնությունը»), Դեզդեմոնա («Օթելլո»), Ֆյորդիլիջի («Այսպես են վարվում բոլոր կանայք»), Լիու («Տուրանդոտ»), Դոննա Աննա («Դոն Ջովանի»), Էլեկտրա («Իդոմենևս»), Վիտելիա («Տիտոսի բարեսրտությունը»), Լուիզա Միլլեր (համանուն օպերա), Լեոնորա («Տրուբադուր»), Մարգարիտա («Ֆաուստ»), Էլիզաբեթ («Դոն Կառլոս»), Քույր Անժելիկա (համանուն օպերա), Նեդդա («Պայացներ») Ամելիա Գրիմալդի («Սիմոն Բոկանեգրա») և այլ դերերգեր:

Բազմիցս մասնակցել է օրատորիալ գործերի կատարմանը. Վերդի՝ Ռեքվիեմ, Բրամս՝ Գերմանական ռեքվիեմ, Պերգոլեզի՝ Stabat Mater, Ռոսինի՝ Stabat Mater, Մոցարտ՝ Մեսսա c-moll, ինչպես և Մալերի թիվ 4 սիմֆոնիան և այլ գործեր:

Ունի բազում ձայնագրություններ Sony, EMI, BMG, Erato հանրայտ ձայնագրման ստուդիաների հետ:

Լրահոս
Մկրտիչ Մկրտչյան (Մակիչ) - Գանձասար Վահագն Դավթյան-«Ռեքվիեմ» «Պետք է ոչ թե թաղել գրադարանն ու թղթային գիրքը, այլ փոխել գրադարանի նկատմամբ վերաբերմունքը» Բակո Սահակյանը Մարտին Վարդազարյանին հանձնել է «Վաչագան Բարեպաշտ» մեդալ Ամենայն Հայոց Կաթողիկոսը Նյու Յորքում ներկա գտնվեց «Մետրոպոլիտան» արվեստի թանգարանում կազմակերպված «Հայաստա՛ն» ցուցահանդեսի պաշտոնական բացման արարողությանը «Սոսե»-ի ուշադրության կենտրոնում են մոռացված կինոթատրոնները Կոմիտասի ծննդյան 150 ամյակին ընդառաջ Մայր թատրոնում «Սասնա ծռեր» էպոսի բեմադրությունը խիզախ քայլ են համարում «Բրոդվեյի հիթերից» մինչեւ փակ աչքերով ներկայացումներ՝ «ՀԱՅ ՖԵՍՏ»-ում Չարլի Չապլինի դուստրն ու թոռնուհին գալու են Հայաստան Չար մշակների առակը (Մատթ. 21:33-41; Մարկ. 12 1-9; Ղուկ. 20:9-16) Սրտի խորքից խոսք քեզ հետ Հայաստանում Եվրոպական ժառանգության օրերի այս տարվա խորագիրն է «Կիսվելու արվեստը» Վահան Տերյան․ Բանաստեղծություններ... Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում Մեկնարկում է «Թատերական Լոռի» 24-րդ միջազգային թատերական փառատոնը Խաչքարի օրհնություն և օծում Նորվեգիայի Կրագերո քաղաքում Երևանում և Գյումրիում կներկայացվի «Սասունցիների պարը» բալետը Օր` առանց սահմանի Եկո՜ւր, տաղտկալից կյանքըս խաղաղե Մի հուսահատվեք երբ ձեր ցանկությունները չեն կատարվում Սուրբ Աթանաս Մեծ Առաջին անգամ հանրայնացվում է Մարինա Սպենդիարովայի արխիվը ՀՀ անկախության 27-րդ տարեդարձին նվիրված պաշտոնական ընդունելություն Թբիլիսիում Չինաստանը կօգնի Սիրիային վերականգնել մշակութային ժառանգության օբյեկտները Ազգ փառապանծ Հայրենի հող Երկիր հայրենի ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՈՒՂԵՐՁԸ ԱՆԿԱԽՈՒԹՅԱՆ ՏՈՆԻ ԱՌԻԹՈՎ Բանտում ստեղծագործողի ուսուցիչները ներկա են եղել նրա ցուցահանդեսի «Տմբլաչի Խեչանը»՝ արցախյան բարբառով «Շողակն» անսամբլ. Տիկ զարկեմ Տոնական համերգ «Զվարթնոցում» Մայրիկիս «Պար առանց սահմանների» ծրագրի զարգացման հետագա ուղիները Աղքատ Ղազարոսի առակը (Ղուկ. 16:19-31) Հայաստանի պետական կամերային նվագախումբի առաջիկա համերգի տոմսերը գրեթե սպառված են Նյու Յորքի «Մետրոպոլիտեն» թանգարանում կբացվի «Հայաստան» (Armenia!) ցուցահանդեսը Տիգրան Համասյանը «Գյումրիի համար» ալբոմից երգեր կկատարի Երևանում Ս. ԱՐԻՍՏԱԿԵՍ Ա ՊԱՐԹԵՎ
website by Sargssyan