USD
EUR
RUB

Սերժ Սարգսյանի կողմից սխալ քայլ էր վարչապետի պաշտոնը ստանձնելը, Նիկոլ Փաշինյանին էլ ղեկավար դեռևս չեմ տեսնում. Սարգիս Գրիգորյան

 

Արդեն ուղիղ 8 օր է՝ Հայաստանի տարբեր քաղաքներ, առավելապես՝ մայրաքաղաք Երևանը, հեղափոխական տրամադրությունների մեջ են: ԱԺ «Ելք» խմբակցության ղեկավար, «Իմ քայլը» շարժման նախաձեռնող Նիկոլ Փաշինյանն ու ժողովրդի մի ստվար զանգված բողոքի տարբեր մեթոդներով օրեր շարունակ դրսում են անցկացնում: Իրենց անմիջական մասնակցությամբ կամ ֆեյսբուքյան կոչերով նախաձեռնությանն են միանում նաև տարբեր բնագավառների, այդ թվում և մշակույթի ճանաչված գործիչներ:

Aysor.am-ի հետ զրույցում դերասան Սարգիս Գրիգորյանը խոստովանեց՝ ինքը քաղաքականությունից շատ հեռու է, բայց ինչպես յուրաքանչյուր քաղաքացի, այս օրերին հետևում է երկրում տեղի ունեցող ամեն մի շարժին:

«Հո այլմոլորակային չե՞մ, որ չհետևեմ, կապ չունի, որ բոլորի հետ չեմ քայլում, շատ լավ գիտեմ, թե ինչ է կատարվում: Սաղ ջահելություն է դրսում, սրտս ցավում է ամեն էրեխու համար: Ես չեմ կարող ասել՝ ճիշտ է, թե սխալ, դա ժողովուրդն է որոշում, ընթացքը, վերջնարդյունքը ցույց կտա: Բայց իրավիճակն արդեն լուրջ է, ու ամեն ինչ պետք է արվի, որ կատարները կանգնացրած էս էրեխեքը չտուժեն: Նրանք ճիշտ-սխալ չնայելով՝ իրենց գործն են անում», - անհանգստացած նշեց դերասանը:

Սարգիս Գրիգորյանի պնդմամբ՝ փողոցում երիտասարդների կողքին իր չլինելու հիմնական պատճառը ժամանակի պակասն է: Դերասանն ընդգծում է՝ յուրաքանչյուրն իր ոլորտում սեփական գործով կարող է իր բողոքի ձայնը բարձրացնել տեղի ունեցած երևույթների դեմ, ինչն էլ հենց հիմա ինքն անում է:

«Անարդարության, այս ամենի դեմ ես իմ ձևով եմ ընդվզում. ներկայացում եմ պատրաստում, որն իր մեջ ամփոփելու է և՛ պատերազմը, և՛ այ այս օրերը: Այս գործը վաղուց արդեն ստեղծագործական փուլում է: Հասարակության մեծ մասն օրը 8-10 ժամ է աշխատում, 10 ժամից ավելի էլ ազատ ժամանակ ունի: Հավատացեք, ես օրը 24 ժամ աշխատում եմ ու չեմ կարող գնալ ու կանգնել իր կողքը: Չի՛ կարելի մի գծով բոլորին համեմատել, յուրաքանչյուրս պայքարի իր ձևն ունի: Ամեն օր աղոթում եմ, որ էդ էրեխեքին վատ բան չպատահի, բայց չեմ կարող գնալ էնտեղ կանգնել: Իմ ասելիքը բեմից է, ու կասեմ»,-խոստացավ նա:

Մեր զրուցակիցը համոզված է՝ այս իրավիճակը միայն Սերժ Սարգսյանը կարող է շտկել: Ինչ վերաբերում է Նիկոլ Փաշինյանին, ապա նրան որպես լիդեր, գոնե հիմա, չի տեսնում:

«Ինձ թվում է՝ Սերժ Սարգսյանի կողմից սխալ քայլ էր վարչապետի պաշտոնը ստանձնելը: Դժգոհություններն իրենից բավական շատ էին, ու գուցե, եթե ուրիշ մարդ լիներ, այսպիսի ընթացք ու արձագանք չլիներ: Սա անձի խնդիր էր… Ինչ վերաբերում է Նիկոլ Փաշինյանին՝ նրան ղեկավար դեռևս չեմ տեսնում: Իհարկե, ընդունում եմ, որ շատ ու շատ հարցերում ճիշտ է, բայց դա քիչ է», -Aysor.am-ի հետ զրույցը եզրափակեց դերասանը:

Հ.Գ. Ի դեպ, ժամեր առաջ Սարգիս Գրիգորյանը ֆեյսբուքյան իր էջի միջոցով բաց նամակ էր ուղղել ՀՀ վարչապետ Սերժ Սարգսյանին՝ գրելով.

«Պ-ն վարչապետ, որպես ՀՀ քաղաքացի ու այս իրավիճակին ոչ անտարբեր մարդ, խնդրում եմ` գնահատեք տիրող շատ լուրջ իրավիճակը, որի արդյունքում կարող են բազմաթիվ զոհեր լինեն, ու կայացրեք կարևոր որոշում` հրաժարվեք վարչապետի պաշտոնից և կանխեք սպասվելիք վտանգը: Փողոցում երիտասարդներ են` էրեխեք ովքեր խենթի պես պայքարում են սեփական իրավունքների համար: Մի թողեք դանակը հասնի ոսկորին: Այդ քայլով, համոզված եմ, կվերանա և երկկողմանի ատելությունը, և չարությունը: Խնդրում եմ, խոհեմ գտնվեք և թույլ մի տվեք անչափ վտանգավոր դեպքերի զարգացմանը: ՀՀ քաղաքացի Սարգիս Գրիգորյան»:

Հեղինակ՝ Նելլի Մարգարյան

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan