USD
EUR
RUB

Ֆիլհարմոնիկի «Նոր կամերատա» անսամբլը կնշի տասնամյակը

 
 

Հայաստանյան մշակութային կյանքում իսկապես բուռն գործունեություն են ծավալում նաեւ պետական կարգավիճակ չունեցող որոշ կամերային անսամբլներ, որոնք մասնակից են դառնում նաեւ պետական միջոցառումների, օրինակ՝ մշակույթի նախարարության «Մշակութային կանգառ» եւ «Հայ կոմպոզիտորների լարային քառյակներ» ծրագրերին: Դրանց թվում է Հայաստանի ազգային ֆիլհարմոնիկ նվագախմբի երաժիշտներից կազմված «Նոր կամերատա» անսամբլը՝ Աննա Մարգարյան՝ առաջին ջութակ, Իվետա Կորկինա՝ երկրորդ ջութակ, Գոռ Հովհաննիսյան՝ ալտ, Միքայել Նավասարդյան՝ թավջութակ, Արմինե Պետրոսյան՝ թավջութակ, Նաիրա Իսրայելյան՝ դաշնամուր: Այն հիմնվել է 2008թ. Շոտլանդիայում կայացած Աբերդինի երիտասարդական նվագախմբերի փառատոնին մասնակցած երաժիշտներից:

Կոլեկտիվի նվագացանկը բաղկացած է հայկական, եվրոպական եւ ամերիկյան դասական ու ժամանակակից հեղինակների ստեղծագործություններից: Այս անսամբլին իրենց երկերը, այդ թվում՝ առաջին կատարումները, վստահել են արտասահմանցի կոմպոզիտորներ եւս, այդ թվում՝ հունգարացի Կրիշտինա Մեգյերը, հոլանդացի Վոլֆ Ստրավերը եւ այլն: Ներկայացրել են նաեւ գերմանացի կոմպոզիտորներ Անդրեաս Շմիդտի, Դոն Յաֆֆեի, ամերիկացի Դավիթ Վալասի, շվեդ Ինգվար Կարֆովի եւ այլոց գործերը, հայ կոմպոզիտորներից էլ՝ Հարո Ստեփանյանի, Արտեմի Այվազյանի, Ղազարոս Սարյանի, Վահրամ Բաբայանի, Կարեն Անանյանի:

Համերգներով հանդես են եկել ոչ միայն Երեւանում, այլեւ Աշտարակում, Արարատում, Էջմիածնում, Գյումրիում: Ունեցել են համերգային մեկ շրջագայություն՝ Հոլանդիա: Ի դեպ, «Նոր կամերատան» համատեղում է երաժշտությունն այլ արվեստների հետ. անցկացվել են ցուցահանդես-համերգներ Վահան Քոչարի, հոլանդացի լուսանկարիչ Յան Յանսենի հետ եւ այլն:

Վերջերս Հայկական բարեգործական ընդհանուր միության դահլիճում կայացավ «Նոր կամերատայի» այս տարվա առաջին համերգը, ներկա մասնագետների հավաստմամբ՝ բարդ ծրագրով: Օրինակ՝ Շուբերտի Լարային կվինտետը, եթե չենք սխալվում՝ մեկ անգամ է կատարվել Երեւանում՝ Ռուբեն Ահարոնյանի ղեկավարած Բորոդինի քառյակի մեկնաբանմամբ: Այս ստեղծագործությունը հնչել է նաեւ Լոս Անջելեսում, հայազգի ճանաչված ալտահար Քիմ Քաշքաշյանի մենանվագով: Կատարվեց նաեւ Տիգրան Մանսուրյանի «Եկեղեցական սոնատ» երկը՝ գրված ալտի եւ դաշնամուրի համար: Իբրեւ մենակատար հանդես եկավ Գոռ Հովհաննիսյանը:

«Առավոտի» հետ զրույցում Գոռ Հովհաննիսյանը նշեց, որ իրենց աջակցում է Հայաստանի ազգային ֆիլհարմոնիկ նվագախմբի տնօրինությունը, իսկ անսամբլի համար այս հոբելյանական տարում անակնկալ է մատուցել հոլանդացի լուսանկարիչ Յան Յանսենը՝ հիմնելով newcamerata.com կայքը, որտեղ ընդգրկված են նաեւ անսամբլի բոլոր համերգները: Մեր զրուցակիցն ասաց, թե քանիցս Հայաստան են այցելել անսամբլի բարեկամները: Նշեց, թե մեծ ցանկություն ունի բազմադարյա մշակութային երկիր այցելել դոկումենտալ բազմաթիվ պատմվածքների հեղինակ, բրազիլացի գրող Մարթա Ռոխան, որը նպատակ ունի իր երկերի թիվն ավելացնել հայաստանցի ոչ միայն մշակութային ճանաչված դեմքերին անդրադարձով եւս: Անդրադառնալով «Նոր կամերատայի» հիմնադրման հոբելյանին, Գոռ Հովհաննիսյանն ընդամենն ասաց, որ ֆիլհարմոնիկ նվագախմբի տնօրեն Ռուզաննա Սիրունյանի աջակցությամբ այն կնշվի հունիսի 15-ին, «Արամ Խաչատրյան» համերգասրահում:

ՍԱՄՎԵԼ ԴԱՆԻԵԼՅԱՆ

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan