Times.am | «Որոշ կոնսերվատիվ ուժեր պրովոկացիա են կատարել»
USD
EUR
RUB

«Որոշ կոնսերվատիվ ուժեր պրովոկացիա են կատարել»

 
 

Կոմպոզիտորը հավաստիացնում է, որ մշակույթի նախարարին ուղղված իր նամակը ներկայացվել է իբրեւ բողոք

«Առավոտը» հյուրընկալել էր կոմպոզիտոր Աշոտ Բաբայանին: Արվեստագետը տեղեկացրեց, որ իր «Շուշիի վերադարձը» կանտատը, «Մոնթե» սիմֆոնիան, «Հաղթական» ռեքվիեմը ժամանակին ներկայացրել է Ազգային օպերային թատրոնի գեղարվեստական ղեկավար Կոնստանտին Օրբելյանին, թատրոնի երգչախմբի, նվագախմբի եւ մեներգիչների մասնակցությամբ մեկնաբանելու համար, ստացել նրա դրական կարծիքը՝ նշյալ ստեղծագործությունները Եռատոնին նվիրված մեկ համերգում հնչեցնելու մասին: Ի դեպ, փետրվարին տեղի է ունեցել օպերային թատրոնի գեղխորհրդի նիստ, քննարկվել է կոմպոզիտորի ներկայացրած այս համերգային ծրագիրը:

«Եռատոն միայն մեր ժողովուրդն ունի եւ դա մեր ազգային հպարտությունն է: Անկեղծ ասած, թող ներեն գործընկերներս, միայն ես նման ծրագիր ունեմ: Այն նվիրված է մեր ազգի ամենամեծ արժեքներին՝ հաղթանակներին՝ Հայրենական մեծ պատերազմի, Շուշիի հաղթանակներին եւ Արցախի բանակի ստեղծմանը»,- նշեց կոմպոզիտորը: Քանի որ ծրագիրը մեծ է (կոմպոզիտորի խոսքերով՝ համարյա օպերա), իրականացմանն աջակցելու ակնկալիքով Աշոտ Բաբայանը մոտ մեկ ամիս առաջ դիմել է ՀՀ մշակույթի նախարարին, սակայն մինչ օրս որոշակի պատասխան չի ստացել:

«Որոշ կոնսերվատիվ ուժեր պրովոկացիա են կատարել՝ նախարարին գրածս նամակը ներկայացնելով որպես բողոք մաեստրո Օրբելյանի դեմ: Մինչդեռ իմ նամակում նման բան չկա»,- վրդովված ասաց կոմպոզիտորը: Նրա համոզմամբ՝ պրովոկացիան ոչ թե իր դեմ է, այլ մեր հաղթանակների, մեր ազգային երաժշտության զարգացման, քանի որ երաժշտարվեստը զարգանում է հենց այսպիսի ժանրերով (նկատի ունի վերոնշյալ իր ստեղծագործությունները):

«Պարոն Ամիրյանի հետ հանդիպման ժամանակ նշել եմ, որ Հայրենական մեծ պատերազմի հաղթանակի հաջողությունը ոչ միայն սովետական թնդանոթներով էր պայմանավորված, այդ թնդանոթներից, տանկերից, ինքնաթիռներից գերմանացիներն էլ ունեին, այլեւ՝ Շոստակովիչի 7-րդ, Խաչատրյանի 2-րդ սիմֆոնիաներով ու նման բազմաթիվ ստեղծագործություններով, որոնք բարձրացրին սովետական զինվորի ոգին:

Զինվորը հասկացավ հանուն ինչ արժեքների է կռվում, ինչ է հայրենիքը… Այդ ժամանակաշրջանում գերմանացիները նման արժեքներ չստեղծեցին: Այնպես որ, ազգային արվեստի դերը բոլոր ժամանակներում, այսօր էլ, խիստ կարեւոր է… Այսօր գտնվում ենք պատերազմական վիճակում, անհրաժեշտ են բանակին, ազգին ոգեւորող ազգային, հայրենասիրական ներկայացումներ կամ համերգներ»,- հայտնեց մեր զրուցակիցը:

Ժամանակին «Առավոտի» հետ հարցազրույցոււմ Էդվարդ Միրզոյանը Աշոտ Բաբայանի «Մոնթե» սիմֆոնիայի մասին ասել է. «Այս սիմֆոնիան ժամանակակից հայ երաժշտության ուշագրավ ստեղծագործություններից է: Ազգային ավանդույթներին ստեղծագործորեն մոտեցումը, անաղարտ ճաշակը, նվագախմբի հնարավորությունների, արտահայտչամիջոցների գերազանց տիրապետումը վկայում են սիմֆոնիայի անվիճելի գեղարվեստական արժանիքների մասին»:

Իսկ Ղազարոս Սարյանը մի առիթով գրել է. «Սիմֆոնիան մեծ գեղարվեստական հետաքրքրություն է ներկայացնում, գրված է բարձր պրոֆեսիոնալ մակարդակով: Միանգամայն տեղին եւ համոզիչ են կոմպոզիտորի կողմից կիրառված ժամանակակից արտահայտչամիջոցները»:

ՍԱՄՎԵԼ ԴԱՆԻԵԼՅԱՆ

Լրահոս
Ո՞ւր, հոգիս Բոլոր խնդիրները ձեր հաղորդագրության մեջ չեն տեղավորվի. «Ծիրանի ծառ» փառատոնի տնօրեն ԱՄԵՆԱՅՆ ՀԱՅՈՑ ԿԱԹՈՂԻԿՈՍՈՒԹՅԱՆ ԹԵՄԱԿԱՆ ԿԱՌՈՒՑՎԱԾՔԸ 1995-2018 ԹԹ. Ի՞նչ է նշանակում Հաղորդություն «Քրիստոնյա Հայաստան» երկշաբաթաթերթը լույս է ընծայել բացառիկ՝ նվիրված Հայաստանի առաջին Հանրապետության և Սարդարապատի հերոսամարտի 100-ամյակներին Հայտնի հայազգի գործարարի թանգարանն անվանել են Պորտուգալիայի լավագույն մշակութային կենտրոնը Ստեղծվել է Երևանի հիմնադրման 2800-ամյակին նվիրված միջոցառումները նախապատրաստող հանձնաժողով Միքայել Պողոսյան․ Խոսքեր Պարույր Սևակին Ինձանից այնքան ես բացակա եղել Ջրերի վրայով քայլողը Ծառատակի խնձորը նոր ջրհեղեղ է… «Շնորհակալություն մեր երջանիկ մանկության համար». «Սոյուզմուլտֆիլմ»-ը 2 հոլովակ է հրապարակել՝ նվիրված մանկագիր Ուսպենսկիի հիշատակին Հարվածել Եկեղեցուն կնշանակի վերացնել այլասերման տարածման հիմնական արգելքը. Արշակ եպիսկոպոս Խաչատրյան Հենրիկ Էդոյան․ Հենման կետ Տիգրան Համասյան․ Նոր ծաղիկ Ամբոխները խելագարված Բրիտանացի երաժիշտները տեսահոլովակ են նկարահանել Չեռնոբիլում Սուրբ Սուրբ Մի մոռացեք ձեր խիղճը Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Գուգարաց թեմում վերաօծվեց Քարինջի Սուրբ Կարապետ եկեղեցին Լրատվամիջոցներն անդրադարձել են փոստատար Պեչկինի էկրանային կերպարի հայազգի ստեղծողին Լիլիթ Սողոմոնյանն առաջին հայուհին է՝ Չիլիի օպերային թատրոնում Նիկոլայ Նիկողոսյանը հայ և համաշխարհային կերպարվեստի երախտավորներից էր, որի ստեղծագործությունները գրանցվել են համաշխարհային արվեստի տարեգրության ոսկե մատյանում «Տիրոջ առաջ պատվական երեք գործ կա» 76 տարեկանում կյանքից հեռացել է «սոուլի թագուհի» Արետա Ֆրանկլինը ԿԳ նախարարը կատակեց. «Մնում է որոշել, թե մեզանից ով է մնում նախարար» Գունավոր մատիտներ Սոնայի հոգսը Բարի այգեպանը Քսենյա Կիրիլովան՝ լրտեսության, «սառը պատերազմի» եւ չիրականացած հնարավորությունների մասին «EPIC EYE» խորագրով փառատոնը ներկայացուցիչներ կունենա Գերմանիայից, Ֆրանսիայից, Բրիտանիայից «Թիկնոցը» և «Պայացներ». համերգային կատարումներ՝ հայ և օտարազգի մենակատարների մասնակցությամբ Հայ պոեզիայի ամենաինքնատիպ դեմքերից մեկի՝ Սիամանթոյի ծննդյան օրն է Գառնուկը Հայկուհու պարը Խաղաղական ժամերգութիւն Անպատասխան Հաղթահարել փորձությունները
Ամենաընթերցված
website by Sargssyan