Սոց.ցանցերում հոգևորականի անունով կեղծ օգտատեր է հայտնվել

Այս օրերին, ներքաղաքական իրավիճակից օգտվելով, սոց.ցանցերում հայտնվել են կեղծ օգտատերեր, որոնք ներկայանում են հոգևորականի անուններով և իրենց գրառումներով ատելության ու թշնամանք հրահրում: Այս մասին տեղեկացնում է ter-hambardzum.net-ը։

Նման պարագաները մենք պետք է հետևողականորեն ներկայացնենք հանրության ուշադրության և հորդորենք անտեսել և մերժել նման դատապարտելի կեցվածքը:

Այս կապակցությամբ տեղեկացնում ենք, որ Հայաստանյայց Առաքելական Սուրբ Եկեղեցու որևէ կառույցում և թեմում Տեր Հակոբ Մամբրեյան անունով հոգևորական գոյություն չունի: