Նարեկ Հախնազարյան․ Կռունկ

Հայ թավջութակահար՝ Նարեկ Սուրենի Հախնազարյանը, ծնվել է 1988 թվականի հոկտեմբերի 23-ին։ Նա թավջութակահար՝ Սուրեն Հախնազարյանի որդին է։

Երաժշտական կրթությունը ստացել է պրոֆեսոր Զարեհ Սարգսյանի թավջութակի դասարանում։ 2006 թվականին Նարեկը ավարտել է Մոսկվայի կոնսերվատորիային կից երաժշտական քոլեջը և ընդունվել է Մոսկվայի Կոնսերվատորիա։ Շրջագայություններով հանդես է եկել աշխարհի տարբեր պետություններում, այդ թվում՝ ԱՄՆ, Գերմանիա, Մեծ Բրիտանիա, Ֆրանսիա և այլուր։ «Վաշինգթոն փոսթ» թերթը նրան անվանել է «ֆենոմենալ թավջութակահար»: ԱՄՆ-ի Փասադենա քաղաքի սիմֆոնիկ նվագախմբի մենակատարն է։

Հախնազարյանը հաղթել է տարբեր մրցույթներում, այդ թվում՝ 2011 թվականին, հաղթել է Չայկովսկու անվան 14-րդ միջազգային մրցույթում։

Պարգևներ

Արամ Խաչատրյանի անվան միջազգային մրցույթի 1-ին մրցանակ և ոսկե մեդալ, 2006թ․

Չայկովսկու անվան մրցույթի դափնեկիր, 2007թ․

ՀՀ նախագահի երիտասարդական մրցանակ, 2007թ․

Նյու Յորքի «Young Concert Artists» մրցույթում արժանացել է 9 Հատուկ մրցանակի, 2008թ․

Չայկովսկու անվան մրցույթի ոսկե մեդալակիր, 2011թ․

Մովսես Խորենացու մեդալ, 2013թ․

Հայաստանի Հանրապետության վաստակավոր արտիստ, 2017թ․

ՀՀ մշակույթի նախարարության շնորհակալագիր, 2017թ․

Կռունկ

Կռո’ւնկ, ուստի՞ կուգաս, ծառա եմ ձայնիդ,
Կռո’ւնկ, մեր աշխարհեն խապրիկ մը չունի՞ս,
Մի’ վազեր, երամիդ շուտով կըհասնիս,
Կռո’ւնկ, մեր աշխարհեն խապրիկ մը չունի՞ս:

Թողել եմ ու եկել մըլքերս ու այգիս,
Քանի որ ա՜խ կանեմ, կը քաղվի հոգիս,
Կռո’ւնկ, պահ մի կացիր, ձայնիկդ ի հոգիս,
Կռո’ւնկ, մեր աշխարհեն խապրիկ մը չունի՞ս:

Աշունն է մոտեցել, գնալու ես թետպիր,
Երամ ես ժողովել հազարներ ու բյուր,
Ինձ պատասխան չտվիր, ելար գնացիր,
Կռո’ւնկ, մեր աշխարհեն գնա’, հեռացի’ր:

Կոմիտաս