USD
EUR
RUB

Պարուսույցը՝ իր գրքի, նաև «Հաղթիր կամ մեռիր» սկզբունքի մերժման մասին

 
 

Պարարվեստն ընդհանրապես, այդ թվում՝ հայկականը, ունի խոր ակունքներ եւ կրում է Արեւելքի հնագույն ժողովուրդների ու անտիկ աշխարհում տարբեր ազգերի մոտ ձեւավորված այս արվեստի ազդեցությունը: Սերնդեսերունդ փոխանցվելուց ու որոշակի փոփոխություններ կրելուց հետո այն, միեւնույն է, պահպանել է իր հիմքում ընկած ու միայն իրեն հատուկ շարժական, կառուցվածքային եւ երաժշտական առանձնահատկությունները: Այդուհանդերձ, պարարվեստի տարբեր ուղղությունների հիմքում դասականն է:

Տարբեր ժամանակներում, մեր օրերում նույնպես, այս ոլորտին առնչվող մասնագիտական բազմաթիվ գրքեր են հրատարակվել:

«Առավոտի» ուշադրությունը գրավեց բալետի արտիստ, Երեւանի պարարվեստի պետական քոլեջի դաստիարակչական գծով պատասխանատու Անդրանիկ Սարգսյանի վերջերս լույս տեսած «Պարային շարժումների յուրացման իդեոմոտոր առանձնահատկությունները» աշխատությունը: Միայն մասնագետներին հասցեագրված այս գրքում առաջին անգամ տեղ է գտել հոգեբանական գործոնի դերը (ինչը հաստատեցին մեզ հետ զրուցած պարուսույցները) սկսնակ պարողից մինչեւ բալետի արտիստ:

Մեզ հետ զրույցում Անդրանիկ Սարգսյանը նշեց, որ ուսուցման գործընթացը իր մեջ պետք է ներառի ինչպես ֆիզիկական ու տեխնիկական, այնպես էլ հոգեբանական եւ մտավոր միջոցներ, մեթոդներ: «Հոգեբանական նախապատրաստման եւ մեթոդական ապահովման խնդիրը թերեւս առավել արդիական է սկսնակ պարողների դեպքում: Հաճախ նախնական ուսուցման փուլում պարապմունքներն ուղեկցվում են այնպիսի «ոչ պարային» խնդիրներով, ինչպես անսովոր ֆիզիկական լարումները, վախը, վնասվածքները եւ դրանց ուղեկցող ցավի, նաեւ վախի, սեփական ուժերի նկատմամբ անվստահությունը եւ այլն: Սա դժվարացնում է սաների կողմից շարժումների յուրացման գործընթացը եւ կարող է սկզբից եւեթ հանգեցնել հիասթափության: Հենց այստեղ է, որ հանդես է գալիս դասավանդման հոգեբանական մեթոդների եւ հնարքների կիրառման անհրաժեշտությունը»,- հայտնեց մեր զրուցակիցը:

Հետո էլ հավելեց. «Ոչ ճիշտ հոգեբանական պատրաստության կամ ընդհանրապես դրա բացակայության դեպքում ի հայտ են գալիս դասավանդման գործընթացը խոչընդոտող բազմաթիվ բացասական գործոններ: Որոշ մասնագետների կարծիքով՝ հաղթանակի ձգտումը իր բոլոր դրական կողմերով հանդերձ, կարող է առաջացնել նաեւ գերբարձր (չափազանցված) ինքնահսկողություն եւ ինքնատիրապետում, ինչը կարող է հոգեբանական պատրաստվածության անբավարար մակարդակի դեպքում հանգեցնել ինքնաբուխ գործողությունների եւ զգացմունքների ճնշմանը: Կարճ ասած՝ պարուսույցի «հաղթիր կամ մեռիր» սկզբունքի վրա կառուցված չափից դուրս խիստ վերաբերմունքն ու դասավանդման հոգեբանական գործոնները արհամարհելով, զուտ տեխնիկական եւ ֆիզիկական կողմի շեշտադրումը կարող է հանգեցնել նրան, որ աշակերտը սկսի խեղդել իր բնական իմպուլսները եւ արդյունքում կունենանք գերազանց տեխնիկայի վրա կառուցված պար՝ կաշկանդվածության, սառնության, իներտության տարրերով, ավելին՝ ցանկացած շարժման ուսուցումը պետք է սկսել այն մտովի ճշգրիտ պատկերացումից, ուղեղի մեջ ձեւավորել եւ կատարելության հասցնել շարժման մտապատկերը կամ իդեոմոտոր մարմնամարզությունը: Բազմաթիվ մասնագետների կարծիքով՝ իդեոմոտոր մարզումը պետք է պարտադիր նախորդի իրական մարզումներին»,- հավաստիացնում է մասնագետը: 

Հետաքրքրությանը՝ ձեր եւ ձեր տիկնոջ՝ պարուսույց, փորձավար Ռուզան Հովհաննիսյանի հետ իրականացնո՞ւմ եք այդ ամենը «Տորք Անգեղ» մարզամշակութային կենտրոնում, արվեստագետը պատասխանեց. «Այո, սաների հետ անցկացնում ենք հոգեբանական զրույցներ եւս»:

Շուրջ 10 տարի Անդրանիկ Սարգսյանը որպես մենապարող հանդես է եկել Ալ. Սպենդիարյանի անվան օպերայի եւ բալետի ազգային ակադեմիական թատրոնում: Նրան հանդիպել ենք Ադանի «Ժիզել», «Լորկիանա», Խաչատրյանի «Գայանե», «Սպարտակ» եւ այլ բեմադրություններում: Մինչ թատրոն մուտք գործելն էլ նա վերապատրաստվել է Փարիզի «Մոդեռն» (CNDC) պարարվեստի ակադեմիայում, հյուրախաղերով հանդես է եկել արտասահմանյան երկրներում, մասնակցել է նաեւ միջազգային մրցույթ-փառատոների՝ որպես ժյուրիի անդամ: Չի՞ պատրաստվում թատրոնում հանդես գալ նաեւ որպես խորեոգրաֆ հարցին՝ արվեստագետը պատասխանեց. «Կարծում եմ՝ իմ ժամանակն էլ կգա թատրոնում իրականացնել մոդեռն ոճի բեմադրություն, ինչը մեծ հաշվով ակնկալում է ազատություն, որն անհրաժեշտ է ոչ միայն դերասանին, այլ նաեւ յուրաքանչյուր մարդու: Հաճույքով կաշխատեմ թատրոնում, որտեղ գործում է հիանալի խումբ, նախ ճանաչում եմ յուրաքանչյուր արտիստի, իսկ նրանց թվում կան այնպիսիք, որոնք իսկապես համապատասխանում են միջազգային բարձր որակմանը»:

Զրույցի ընթացքում արվեստագետը նշեց, որ գրքի առիթով, ինչը երեք տարիների աշխատանքի արդյունք է, իր որոշ գործընկերներից լսել է տարբեր գնահատականներ, այդ թվում՝ «Պարարվեստին թողեցիր մասնագիտական, գիտական գրականություն»:

ՍԱՄՎԵԼ ԴԱՆԻԵԼՅԱՆ

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan