USD
EUR
RUB

«Մեր Հրաչօն». գիրք՝ նվիրված Հրաչյա Մաթևոսյանին

 
 

«Ինձ ձեռքեր պետք չեն։ Եվ արցունքներից շուտ եմ կշտացել։ Արցունքը երկիր չի փրկել երբեք։ Եվ անեծքով չեն երկիրը պահում։ Եվ գնացողի ճամփան չեն փակել և ոչ մի արցունք, և ոչ մի աղմուկ, և ոչ մի բողոք».

Հրաչօ, «Երկու տերև դիր աչքերիս ծարավ»։

Երևանի Ավ. Իսահակյանի անվան գրադարանում մայիսի 12-ին կայացավ հայ արձակագիր, հրապարակախոս Հրաչյա Մաթևոսյանին (Հրաչօ) նվիրված «Մեր Հրաչօն՝ Հրաչյա Մաթևոսյան» գրքի շնորհանդեսը: Դրանում ամփոփված են արձակագրի մասին հուշերը, լուսանկարներ ընտանեկան ալբոմից և հատվածներ անտիպ գործերից։

Արձակագրի եղբայրը՝ Համո Մաթևոսյանը, լրագրողների հետ զրույցում նշեց, որ գիրքը կազմել է նրա որդին՝ Արտակ Մաթևոսյանը, սկզբունքը մեկն է եղել՝ հավատարիմ մնալ Հրաչյա Մաթևոսյանի ձեռագրին։ «Այս գրքում ընթերցողը կտեսնի գրողին, հրապարակախոսին, ակնարկագրին։ Դժվար է իր մասին խոսել՝ առանց իր խոսքի։ Գիրքը 20 մարդու՝ մտերիմ, գրի հարգը իմացող մարդկանց համառոտ խոսքերից է կազմված, համառոտ, որովհետև Հրաչյա Մաթևոսյանի մասին կարելի է խոսել ու անվերջ խոսել»,- ասաց նա։ Գրքի շապիկին արձակագրի նկարն է, որի հեղինակը թոռնուհին է՝ Սոնան։

Հայ օպերային երգչուհի, սոպրանո Հասմիկ Պապյանի գնահատմամբ՝ ամենատպավորիչն այն էր, որ Հրաչյա Մաթևոսյանը միշտ մնաց իր համոզմունքներին հավատարիմ, միշտ բարձրաձայնեց, երբեք չճկվեց, չխոնարհվեց, չհարմարվեց գոյություն ունեցող անարդարություններին։

«Իսկապես իր ամենամեծ առաքինությունը հայրենասիրությունն էր, նա հայրենասեր էր, ցավում եմ, որ այսօր մեզ հետ չէ։ Մեծ մարդասեր, հումանիստ, փոքրի հետ՝ փոքր, մեծի հետ՝ մեծ, հայրենիքի սիրով, հոգսով տարված, մտահոգ, անդադար միտքը և սիրտը բոլորի հետ էր, և դա հանձնեց գրչին, ու մենք ունենք այդ բախտավորությունը՝ այսօր կարդալ իրեն»,- ասաց նա։

Պապյանը նշեց՝ գրքում ներառված են արձակագրի համակիրների, նրան սիրող ու գնահատող մարդկանց մի փոքր մասի հուշերը, դրանք ազնիվ ու անկեղծ խոսքեր են։ Երգչուհու խոսքով՝ Հրաչյա Մաթևոսյանի ուղերձը սերունդներին սերն է դեպի հայրենի բնությունը, հայրենիքը, հայ մարդու ու հայ մշակի, հայ գյուղացու, քաղաքացու նկատմամբ։ «Ամենակարևոր իր ուղերձը ազնվությունն է, արդարությունը, անկաշառությունը, հայրենիքի հանդեպ անչափելի սերը»,- նշեց Պապյանը։

Գրքի խմբագիր Գևորգ Յազըճյանի խոսքով՝ Հրաչյա Մաթևոսյանն իր ուսուցիչներից է, որ ճանապարհ է ցույց տվել՝ իր գրչով, իսկական մտավորականի կերպարով։

«Կան իսկական մտավորականներ և գրող-մրոտողներ, Հրաչօն առաջին տեսակից է»,- ասաց նա։

Յազըճյանը նշեց՝ գրքում կան նաև արձակագրի անտիպ էջերից, դրանց մեջ տողեր են, որ կարծես այսօրվա համար են գրված։

«Մտավորականը ինչ-որ տեղ պետք է լինի կանխատեսող, մարգարե, 40 տարի առաջ գրված տողեր են, որոնք կարծես այսօրվա համար են և ուղենիշ են դառնում վաղվա օրը ծրագրելու և ճիշտ ծրագրելու համար»,- ասաց նա։ Աղբյուր՝ Panorama.am:

Լրահոս
Արթիկում որմնանկար է հայտնաբերվել Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր
website by Sargssyan