USD
EUR
RUB

Հանրապետական մաղթանք Երկրապահի օրվա առիթով

 
 

Մայիսի 12-ին Մայր Աթոռ Ս. Էջմիածնում Երկրապահի օրվա առիթով, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի կատարվեց Հանրապետական մաղթանք:

Ներկաներն աղոթք բարձրացրեցին Հայաստան աշխարհի խաղաղության, անսասանության և բարօր կյանքի համար:

Արարողությանը ներկա էին Երկրապահ կամավորականների միության (ԵԿՄ) նախագահ, Արցախի հերոս, գեներալ-լեյտենանտ Մանվել Գրիգորյանը, ՀՀ Ազգային ժողովի նախագահ Արա Բաբլոյանը, ՀՀ Ազգային ժողովի պատգամավորներ, ԵԿՄ վարչության անդամներ, մարզային խորհուրդների ու տարածքային բաժանմունքների ներկայացուցիչներ և պատանի երկրապահներ:

Մինչ Հանրապետական մաղթանքը ՀՀ ԶՈւ հոգևոր առաջնորդ Գերաշնորհ Տ.Վրթանես եպիսկոպոս Աբրահամյանը, ողջունելով ներկաներին և շնորհավորելով Երկրապահի օրվա առիթով, ի մասնավորի նշեց. «Տարիներ առաջ էր, երբ Երկրապահ Կամավորական Միության դիմումին ընդառաջ Ն.Ս.Օ.Տ.Տ Գարեգին Բ Ամենայն Հայոց Կաթողիկոսի օրհնությամբ սկիզբ դրվեց Երկրապահի օրվա առիթով Հայաստանյայց Առաքելական Սուրբ Եկեղեցու կամարների ներքո ընդհանրական աղոթք մատուցելու գեղեցիկ ավանդույթին: Այսօր ևս համախմբվել ենք Մայր Աթոռ Սուրբ Էջմիածնում` մեր հարգանքը և խոնարհումը մատուցելու հայրենյաց պաշտպանության նվիրական գործին լծված երկրապահներին, աղոթելու զոհված ազատամարտիկների հոգիների հանգստության և խաղաղության, ինչպես նաև պատերազմի արհավիրքը վերապրածների քաջառողջության և կենաց արևշատության համար»:

Հանարապետական մաղթանքի արարողությունը նախագահեց Մայր Աթոռի դիվանապետ Գերաշնորհ Տ. Արշակ եպիսկոպոս Խաչատրյանը:

Արարողության ավարտին Ամենայն Հայոց Կաթողիկոսը, իր օրհնությունը բաշխելով ներկաներին, փառք բարձրացրեց առ Աստված, որ շնորհիվ հայոց քաջարի զավակների այսօր հայրենիքն ապրում է խաղաղության մեջ:

Վեհափառ Հայրապետը նկատեց, որ խաղաղության այս պայմաններում յուրաքանչյուրի սրբազան ու նվիրական պարտքն է ջանքեր գործադրել երկրի շենացման, հայրենի կյանքի առաջընթացի և ժողովրդի բարօրության համար:

Նորին Սրբությունը մաղթեց, որ երկնավոր Տերը զորացնի ամենքին ազգին մատուցվող իրենց ծառայության մեջ:

Աղբյուր՝ ter-hambardzum.net։

Լրահոս
Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն
website by Sargssyan