Times.am | Զրույց Տեր Բաբկեն քահանա Հայրապետյանի հետ
USD
EUR
RUB

Զրույց Տեր Բաբկեն քահանա Հայրապետյանի հետ

 
 

Մեր զրուցակիցն է Արարատյան Հայրապետական թեմի Արաբկիր համայնքի հոգևոր հովիվ Տեր Բաբկեն քահանա Հայրապետյանը:

- Տե՛ր հայր, ինչպե՞ս պատահեց, որ Հայրապետյանների ընտանիքում երկու ապագա հոգևորական մեծացավ` տեր Բաբկենը և տեր Շահեն:

- Մենք ծնվել ենք Մարտունու շրջանի Լիճք գյուղում, ես` 1956 թվականին, եղբայրս` երեք տարի անց: Հայրս վարորդ էր, մայրս` խոհարար: Պապս Ալաշկերտից էր, տատս՝ Խնուսից, երկուսն էլ տոհմիկ քահանաների սերնդից էին: Խաչատուր պապս ճեմարանական կրթություն ուներ: Գյուղի խորհրդատուն էր, խորհրդային շրջանում երեխաներին շարականներ, հանելուկներ, առակներ էր սովորեցնում, «Նորաստեղծյալ»-ն էր երգում: Լիճքում ընդունված էր մեզ «իրիցու», այսինքն` երեցի ազգ անվանել: Երեք տարեկանում, երբ թևս կոտրվել է, Հերիքնազ տատս, ինձ շալակն առած, Հայաստանի տարբեր շրջանների յոթ եկեղեցի է տարել, Տիրոջ բժշկությունը հայցել: Ես հրաշքով եմ ապաքինվել: Այնպես որ երկու տոհմական քահանաների շառավիղ լինելը թե՛ ինձ, թե՛ եղբորս պարտավորեցնում էր սիրել Հայ Եկեղեցին, ընտրել հոգևորականի ճանապարհը:

-Դուք նախկինում այլ մասնագիտություն եք ընտրել:

- 1960 թ. մեր ընտանիքը տեղափոխվեց Երևան: Ես գերազանցությամբ ավարտեցի դպրոցը: Երազում էի հնագետ դառնալ: Սիրում էի հայոց պատմությունը, լեզուն, գրականությունը: Գրաբարով տասնյակ գործեր անգիր գիտեի, բայց մաթեմատիկան, որն իմ տարերքն էր, ի վերջո հաղթեց: Ընդունվեցի պոլիտեխնիկական ինստիտուտի ճարտարապետաշինարարական ֆակուլտետ: Խորհրդային բանակում ծառայելուց հետո տարբեր ժամանակաշրջաններում աշխատել եմ իմ մասնագիտությամբ: Ճարտարապետությունն ու շինարարությունը երբեք չեմ տարանջատել հոգևոր ոլորտից, քանի որ հատկապես հայերիս համար եկեղեցական ճարտարապետությունը հոգևոր-մշակութային և գիտական գանձ է, որի մեջ այնքա՛ն նվիրում կա: Սա մի ժառանգություն է, որն ինչքան էլ ուսումնասիրես, միևնույն է` անսահման է:

- Անդրադառնանք Ձեր հոգևոր գործունեությանը:

- Ես այն սկսել եմ հոգևոր երաժշտությունից, որով ապրում էի ամեն օր: Երգել եմ «Նարեկ» արական երգչախմբում, Գեղարդավանքի դպրաց դասի կազմում, իսկ կիրակի օրերին Խոր Վիրապն էր ինձ Սուրբ Պատարագի «կանչում»… Այդպես տասներեք տարի:

1997 թվականին ձեռնադրվել եմ սարկավագ, ծառայել Արարատյան Հայրապետական թեմի Սբ. Աստվածածին (Կաթողիկե), Կոնդի Սբ. Հովհաննես եկեղեցիներում, տարիներ անց ղեկավարել եմ Մայր Աթոռ Սուրբ Էջմիածնի ճարտարապետաշինարարական բաժինը: 2002-2004 թթ. սովորել եմ քահանայից պատրաստման լսարանում, ապա ձեռնադրվել ամուսնացյալ քահանա և որպես հոգևոր հովիվ ծառայել մայրաքաղաքի Նուբարաշեն համայնքում: 2009 թվականից Արաբկիր համայնքի հոգևոր հովիվն եմ: Պատիվ ունեմ նաև Եռաբլուրի Սրբոց Վարդանանց Նահատակաց եկեղեցու հովիվը լինելու:

Ինչպես գիտեք, շուրջ տասներեք տարի է, ինչ կառուցվում է Արաբկիր համայնքի եկեղեցին, որի շինարարության վերահսկողությունը ստանձնել եմ ես: Արդեն գործում է մկրտության ավազանը, իսկ եկեղեցու բացմանը քիչ ժամանակ է մնացել: Հուսով եմ, որ շուտով այն կլցվի աղոթող սրտերով, և համայնքն ավելի կմիաբանվի, հավատքն էլ՝ կհզորանա:

- Տե՛ր հայր, ի՞նչ է Ձեզ համար հոգևոր ծառայությունը:

-Կոչում, որին հետևել եմ նախնիներիս կանչով և Տիրոջ կամքով, գործ, որին զինվորագրվել եմ կամավոր` հանուն ազգի և քրիստոնեական հավատքի: Երջանիկ եմ, որ այս գործում ունեմ իմ ընտանիքի զորակցությունը:

Պատրաստեց Գրետա ՄՆԱՑԱԿԱՆ
ՇՈՂԱԿՆ ԱՐԱՐԱՏՅԱՆ

Լրահոս
Հենրիկ Էդոյան․ Հենման կետ Տիգրան Համասյան․ Նոր ծաղիկ Ամբոխները խելագարված Բրիտանացի երաժիշտները տեսահոլովակ են նկարահանել Չեռնոբիլում Սուրբ Սուրբ Մի մոռացեք ձեր խիղճը Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Գուգարաց թեմում վերաօծվեց Քարինջի Սուրբ Կարապետ եկեղեցին Լրատվամիջոցներն անդրադարձել են փոստատար Պեչկինի էկրանային կերպարի հայազգի ստեղծողին Լիլիթ Սողոմոնյանն առաջին հայուհին է՝ Չիլիի օպերային թատրոնում Նիկոլայ Նիկողոսյանը հայ և համաշխարհային կերպարվեստի երախտավորներից էր, որի ստեղծագործությունները գրանցվել են համաշխարհային արվեստի տարեգրության ոսկե մատյանում «Տիրոջ առաջ պատվական երեք գործ կա» 76 տարեկանում կյանքից հեռացել է «սոուլի թագուհի» Արետա Ֆրանկլինը ԿԳ նախարարը կատակեց. «Մնում է որոշել, թե մեզանից ով է մնում նախարար» Գունավոր մատիտներ Սոնայի հոգսը Բարի այգեպանը Քսենյա Կիրիլովան՝ լրտեսության, «սառը պատերազմի» եւ չիրականացած հնարավորությունների մասին «EPIC EYE» խորագրով փառատոնը ներկայացուցիչներ կունենա Գերմանիայից, Ֆրանսիայից, Բրիտանիայից «Թիկնոցը» և «Պայացներ». համերգային կատարումներ՝ հայ և օտարազգի մենակատարների մասնակցությամբ Հայ պոեզիայի ամենաինքնատիպ դեմքերից մեկի՝ Սիամանթոյի ծննդյան օրն է Գառնուկը Հայկուհու պարը Խաղաղական ժամերգութիւն Անպատասխան Հաղթահարել փորձությունները Նահապետ Քուչակ. Հայրեններ Հավատալ հասկանալու համար «Սոուլի թագուհի» Արետա Ֆրանկլինը մահամերձ է 1 վայրկյանում՝ 10,3 վանկ. Էմինեմը գերազանցել է ռեփ կարդալու սեփական ռեկորդը Ավստրալիայում 457 երաժիշտ միաժամանակ նվագել է Highway to Hell-ը Հարություն Խաչատրյանը նախագահում է «Պատուհան դեպի Եվրոպա» կինոփառատոնի «Կոպրոդուկցիա» ծրագրի ժյուրին Բաց փակուղի Բրեդ Փիթը կարծում է, որ Անջելինա Ջոլին «զզվելի» է վարվել՝ հանրայնացնելով իրենց ամուսնալուծության մանրամասները Ամեն ինչ անելու ենք, որ մինչ 2018-ի դեկտեմբեր տեղի ունենա Ամենափրկիչ եկեղեցու բացումը մեր խնայողությունների հաշվին. Լիլիթ Մակուն Բոտիչելլիի Վեներայի առեղծվածի նոր բացահայտումը «Ել,ել» Եսասեր հսկան «Եվրատեսիլ-2019»-ի անցկացումը վտանգի տակ է. երգի մրցույթը կարող է Իսրայելից այլ երկիր տեղափոխվել «Խաղացողը». Քըրք Քըրքորյանի մասին պատմող գիրքը ներկայացվեց Վանաձորում
website by Sargssyan