USD
EUR
RUB

Մայր թատրոնը դրամատուրգներին ու ռեժիսորներին համագործակցության առաջարկ է անում

 
 

Գ. Սունդուկյանի անվան ազգային ակադեմիական թատրոնը հանդես է գալիս բաց հայտարարությամբ։ Թատրոնի գեղարվեստական ղեկավար, ՀՀ ժողովրդական արտիստ Արմեն Էլբակյանը նշեց, որ իրենք ռեժիսորներից և դրամատուրգներից նոր պիեսների և բեմադրության առաջարկներ են սպասում, որոնք կքննարկվեն։ Նա ասաց, որ ամենալավ առաջարկները կփորձեն լույս աշխարհ հանել, մի քանիսի հետ բանակցություններն արդեն ընթանում են, շուտով արդյունքների մասին հայտնի կդառնա։

Էլբակյանի խոսքով՝ մինչ այս պահը թատրոնում բեմադրություններ են ներկայացրել երիտասարդ որոշ ռեժիսորներ, ինչպիսիք են Դավիթ Հարությունյանը, Լիլի Էլբակյանը, վաղը կայանալիք «Հարսնացուն հյուսիսից»-ից հետո կլինի երիտասարդ ռեժիսորի ևս մեկ ներկայացման պրեմիերա. Սամսոն Մովսիսյանը բեմադրում է «Սասնա ծռերը»՝ ըստ մեր էպոսի։

«Մինչև հուլիսի 1-ը սպասում ենք առաջարկների, բայց եթե ուշացնեն էլ, ոչինչ»,- ասաց Էլբակյանը։

Թատրոնի տնօրեն Վարդան Մկրտչյանը նշեց, որ եթե ռեժիսորները Մայր թատրոնին առաջարկեն հայ ժամանակակից դրամատուրգիա՝ իրենց մոտեցմամբ, և եթե այն արժանանա գեղխորհրդի հավանությանը, իրենք պատրաստ են այն ֆինանսավորել։ Մկրտչյանը նաև նշեց թատրոնում իր ղեկավարման շրջանում կատարված փոփոխությունների մասին։

«Երբ ես եկա Մայր թատրոն, առաջին ասուլիսից հետո սկսեցինք շրջել թատրոնով, առաջին կետը տոմսարկղի այս հատվածն էր, որը բանտախուց էր հիշեցնում՝ փոքրիկ, մռայլ տեղ էր։ Տոմսարկղը ինձ համար թատրոնում ներդրում ունենալու տեղ է. որքան էլ մենք տարբեր հովանավորների դիմենք, մերժվենք-չմերժվենք, միևնույն է՝ թատրոնը պահում է ժողովուրդը՝ իր ներդրումով, տոմս գնելով։ Մենք որոշեցինք այն դարձնել լուսավոր, թափանցիկ, հասանելի օրվա մեծ ժամանակահատվածի համար, այստեղից ապահովել ներդրումներ թատրոնի համար»,- ասաց նա։

Մկրտչյանը հայտնեց, որ արդեն բացվել է թատրոնի կայքը, որում դեռ կարող են լինել սխալներ, բացթողումներ, բայց դրանք շուտ կշտկվեն։ Թատրոնի կայքի գործարկումն առայժմ մոտ մեկ ամիս փորձնական կլինի։ Nationaltheater.am, Sundukyan.am կայքերն, ըստ տնօրենի, թատրոնի այցեքարտն են. թեպետ այս պահին տոմսերի առցանց վաճառք չի իրականացնում, բայց հաջորդ քայլը դա է լինելու, նաև կայքի բջջային հավելվածներ ունենալու նպատակ կա:

Կայքը դինամիկ է, այն առաջին հերթին ցուցադրում է եղած ներկայացումների անոնսը։ Առաջիկայում նպատակ կա նաև նոր՝ «Սև տուփ» փորձարարական թատրոն ստեղծելու։

Մկրտչյանի խոսքով՝ հնարավորությունները շատ են, մնում է՝ դրանք օգտագործել, փոփոխությունները գուցե դանդաղ, բայց իրականանում են, և ամիս առ ամիս, օր առ օր ունենալու ենք ավելի նոր Մայր թատրոն։ Տնօրենը նաև տեղեկացրեց, որ իրենք «համառաբար» զարգացնելու և խորացնելու են Վ. Աճեմյանի անունը կրող ստուդիան, ակնկալում են այն ավելի մեծացնել:

Աղբյուր՝ Panorama.am:

Լրահոս
Խաչատրյանի կամերային-գործիքային ստեղծագործությունների ընտրանին՝ խաչատրյանական փառատոնին Մեսրոպ Մաշտոց․ Խնայեա' ի մեղուցեալ ծառայս «Իմ սիրտը». Սարոյանի պատմվածքը կդառնա պլաստիլինե մուլտֆիլմ Կարդում է Հենրիկ Էդոյանը «Քաղաքական թեժ գործընթացների փուլում ընտանեկան խնամքից դուրս մնացած երեխաների մասին հոգ տանելը կարևոր է». «Երևան» քառյակ Հայ Մայրիկին Աղօթքը Ամենաարժանավորը Հայտնի դիրիժոր Դեբորա Վոլդմանը հանդես կգա Կամերային նվագախմբի հետ Ուրարտուի արվեստը կներկայացվի Բրիտանական թանգարանում Սեն Հովհաննիսյանը` Արա Գյուլերի հետ հանդիպման ու նրա հումորի մասին Հող հայրենի Ամենասուրբ Երրորդութեանն Լևոն Խեչոյան․ Այգին «Աշխարհին ապացուցել եմ, որ ես էլ ես եմ» «Հին ու նոր Երևան»՝ նվիրված Երևանի 2800-ամյակին Սբ. Հովհան Մանդակունի․ Անասնամոլների, իգամոլների և արվամոլների մասին Ինչպես լուսանկարչության գագաթը հայտնվեց Արարատի գագաթին Պատվավոր «Օսկարի» դափնեկիրները Արթիկում որմնանկար է հայտնաբերվել Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն
website by Sargssyan