USD
EUR
RUB

Թանգարանների գիշերն այս տարի նաև ոչ ավանդական միջոցառումների շարքով կներկայանա

 
 

«Հայաստանում 15-րդ և Արցախում 6-րդ անգամ արդեն նշվելու է Թանգարանների միջազգային օր և Թանգարանների գիշեր երկօրյա մշակութային տոնը»,- այսօր լրագրողների հետ հանդիպմանը հայտնեց ՀՀ մշակույթի նախարարի տեղակալ Արև Սամուելյանը: Այս մասին տեղեկացնում է Panorama.am-ը։

Այս տարի Հայաստանի և Արցախի 116 թանգարան միացել են ծրագրին, նախորդ տարի թիվը եղել է 113: Այս տարվա թեման է գերհաղորդակցվող թանգարաններ:

Փոխնախարարի խոսքով՝ հիմնական նպատակը հասարակության էլ ավելի մեծ շերտերի մասնակից դարձնելն է այս միջոցառմանը, ծանոթացել նորովի ներկայացված ոչ միայն հիմնական ցուցադրություններին, այլև դասախոսություններին, համերգային ծրագրերին:

«Տարբեր տարիքային խմբերի համար հետաքրքրություն առաջացնող միջոցառումներ կան: Թանգարանների գիշերը տալիս է նաև հնարավորություն այցելել այն ցուցադրություններին, որոնց որ սովորական օրերին հնարավոր չի լինում այցելել»,- նշեց Արև Սամուելյանը:

Նա տեղեկացրեց, որ մայիսի 18-ին՝ Թանգարանների միջազգային օրը, թանգարանները բաց կլինեն մինչև ժամը 18-ը, իսկ հաջորդող օրը՝ Թանգարանների գիշերը բաց կլինեն ժամը 18-24-ը:

Հանդիպմանը ներկա Երևանի քաղաքապետարանի տուրիզմի բաժնի պետ Գևորգ Օրբելյանը հատկապես կարևորեց Երևանի պատմության թանգարանի և Էրեբունի պատմահնագիտական արգելոց-թանգարանի ծրագրերը:

«Երևանի պատմության թանգարանում գիշերը կցուցադրվի Երևան 2800 գորգը, որի ստեղծման աշխատանքները սկսվել էին ուղիղ մեկ տարի առաջ: Գորգը «Մեգերյան կարպետ» ընկերության կողմից նվիրվելու է թանգարանին և կցուցադրվի ողջ տարվա ընթացքում: Իսկ Էրեբունի արգելոց-թանգարանում ևս մի շարք միջոցառումներ են նախատեսված՝ ազգագրական երգուպարից՝ մինչև ուրարտական խոհանոցի համտեսում»,- մանրամասնեց Օրբելյանը:

ԻԿՕՄ-ի հայկական թանգարանների ազգային կոմիտեի նախագահ Անի Ավագյանն էլ նշեց, որ բացի ավանդական միջոցառումներից՝ թանգարանները տարեցտարի նորություններով են հանդես գալիս. «Թանգարաններում փոխվում են նաև հաղորդակցության միջոցների ձևերը: Մենք հաճախ գերհաղորդակցվող տերմինի տակ տեսնում ենք միայն տեղեկատվական տեխնոլոգիաներ, բայց պիտի ասեմ, որ հաղորդակցությունը ոչ միայն ՏՏ-ն է, այլ անձը անձի հետ ինտերակտիվ շփումը: Այս տարվա խորագրով ԻԿՕՄ-ը փորձեց ուշադրություն հրավիրել այն հանգամանքի վրա, որ թանգարաններից շատերն աշխարհում պիտի ցուցադրեն հաղորդակցության բոլոր հետաքրքիր միջոցները, որոնք կիրառում են իրենց տեղական համայնքների հետ համագործակցելով»:

Թանգարանների աշխատողների և բարեկամների ասոցիացիայի տնօրեն Հայկ Մկրտչյանի խոսքով՝ իրենց կազմակերպությանն անդամակցում են բազմաթիվ թանգարանների աշխատողներ, որոնք իրենց մոնիթորինգային գործունեությամբ փորձում են հասկանալ՝ ինչ փոփոխություններ ու տենդենցներ կան թանգարաններում:

«Արդեն շատ տեսանելի է, որ Թանգարանների միջազգային օրը հերթեր են գոյանում թանգարանների դիմաց, իսկ ժամանցի այլ կենտրոններն ու սրճարաններն ավելի դատարկ են լինում»,- նշեց նա:

Թանգարանների միջազգային օրվա ծրագրերին ամբողջությամբ կարող եք ծանոթանալ այստեղ:

Թանգարանների միջազգայիրն օրը նշվում է 1977 թվականից` յուրաքանչյուր տարի մայիսի 18-ին համախմբելով ավելի քան 30 հազար թանգարաններ աշխարհի տարբեր երկրներից:

Լրահոս
Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Ավետիք Իսահակյան․ Երջանկության իմաստը Վահագն Դավթյան՝ Համո Սահյանին Բրազիլիայի կառնավալին հազարավոր մարդիկ «Կեցցե Հայաստան» կվանկարկեն Մարտակերտում կկայանա Փարաջանովին նվիրված ցուցահանդես. կներկայացվեն բացառիկ նմուշներ Պատվիրանները մարդու մարդկային որակի ուղենիշներն են «Մշակույթի նախարարության հայտարարությունն ագրեսիայի, ստախոսության ու ամբարտավանության հավաքական գլուխգործոց է». «Պարալլելս Ֆիլմպրոդաքշն» ընկերություն Ամենայն հայոց կաթողիկոսը ցավակցել է Լուիզ Մանուկյան Սիմոնի վախճանման առիթով Հարություն Խաչատրյան. «Միությունը պատրաստ է իրավաբանական ծառայություն տրամադրել Հովհաննես Գալստյանին» «Մաեստրո Մանսուրյանի» և երևանյան պրեմիերայի մասին Մահացել է Էլմիրա Հեքեքյան-Աբրահամյանը Լավագույնս պատկերացում են տալիս հայ գրքի և գրատպության անցած ուղու մասին Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում «Եվ երբ պրոֆեսիոնալ երաժիշտ դարձա, կոնսերվատորիա ավարտեցի, նոր հասկացա, թե Կոմիտաս կատարելն ինչ բան է» Մեջբերումներ Թումանյանի մասին Հովհաննես Թումանյան․ Ուրախ գիշեր Ազգ-բանաստեղծ Եթե միայն այս կյանքի համար ենք հույս դրել ի Քրիստոս, ողորմելի ենք, քան բոլոր մարդիկ Փորձագետները կասկածում են, որ «Աշխարհի փրկիչ» կտավի հեղինակը Լեոնարդո դա Վինչին է Mezzo հեռուստաալիքը ֆիլմ է պատրաստել դիրիժոր Սերգեյ Սմբատյանի մասին Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ
website by Sargssyan