USD
EUR
RUB

Ինչ է տվել ՀՀ նախագահի մրցանակը օպերային երիտասարդ երգիչներին

 
 

«Առավոտը» հյուրընկալել էր օպերային երգիչներ, 2009թ. ՀՀ նախագահի երիտասարդական մրցանակի արժանացած գերմանաբնակ բարիտոն Գուրգեն Բավեյանին եւ 2017թ. նույն մրցանակին արժանացած տենոր, Ալ. Սպենդիարյանի անվան օպերայի եւ բալետի ազգային ակադեմիական թատրոնի մեներգիչ Հովհաննես Անդրեասյանին: Գուրգեն Բավեյանը 2008թ.-ից ապրում եւ ստեղծագործում է Գերմանիայում, մինչ մեկնելը, 2005-ից գլխավոր դերերգերով հանդես է եկել Ղ. Սարյանի անվան օպերային ստուդիայում, ապա Ազգային օպերային թատրոնում:

Հանդիսատեսը նրան կմտաբերի Ալ. Հարությունյանի «Սայաթ-Նովա» (Աշուղ), Բիզեի «Կարմեն» (Մորալեզ), Տիգրանյանի «Դավիթ-Բեկ» (ռուս դեսպան) օպերաներից: Այս օրերին բարիտոնը հայրենիքում է, Համահայկական նվագախմբի ընկերակցությամբ ելույթ է ունեցել Ստեփանակերտի Վերածննդի հրապարակում եւ Ազգային օպերային թատրոնում: Հովհաննես Անդրեասյանին առաջին անգամ 2017թ. հանդիպեցինք օպերային թատրոնի բեմում, քեռի Թորոսի գլխավոր դերերգով՝ Հարո Ստեփանյանի «Սասունցի Դավիթ» օպերայում: Տենորը հիանալի մեկնաբանել է Ռեմենդադոյի դերերգը Բիզեի «Կարմենում»: Վերջերս էլ տենորը հանդես եկավ դե Գրիեի դերերգով՝ Մասսնեի «Մանոն» օպերայում:

Երկու երգիչները Հայաստանի ազգային ֆիլհարմոնիկ նվագախմբի կողմից հրավիրվում են ու մասնակցում տարբեր նախագծերի, վերջինը 2017թ. Շառլ Ազնավուրին նվիրված երեկոն էր: Նրանք գլխավոր դերերգով նաեւ հանդես են եկել 2013թ. Շուշիում կայացած Անդրեյ Բաբաեւի «Արծվաբերդ» օպերայում, ընդ որում՝ Հովհաննես Անդրեասյանը դեռեւս Կոմիտասի անվան պետական կոնսերվատորիայի ուսանող էր: Մեզ հետ զրույցում նա տեղեկացրեց, որ այս պահին Ազգային օպերային թատրոնում իրեն վստահված է 2 դերերգ՝ Մոցարտի «Կախարդական սրինգ» օպերայում՝ Տամինոյի եւ Մոնոստատոսինը:

Գուրգեն Բավեյանը ժամանակին (2016թ.) մեզ հետ զրույցում տեղեկացրել էր, որ 2014-16թթ. Ֆրանկֆուրտի օպերային թատրոնում հանդես է եկել գլխավոր դերերգերով՝ 7, այդ թվում՝ Վերդիի «Օթելլո», Պուչինիի «Բոհեմ», «Ջանի Սկիկկի», Մոցարտի «Ֆիգարոյի ամուսնությունը» եւ այլ բեմադրություններում, նշել էր, որ հանդես է եկել նաեւ հրեա ժամանակակից կոմպոզիտոր Լիոր Նավոկի «Մեր գետի ափին» օպերայում, որի լիբրետոյի հիմքում իսրայելա-պաղեստինյան կոնֆլիկտն է: Դիմել էր նաեւ մեր կոմպոզիտորներին՝ ղարաբաղյան թեմայով օպերաներ ստեղծելու հորդորով: 

Կեսկատակ-կեսլուրջ փոխանցեցինք նրան իր անվան շուրջ շրջանառվող այն լուրը, թե տպավորություն է ստեղծված, որ Բավեյանը չի էլ բացակայում հայրենիքից: Միեւնույն ժամանակ տեղեկացրինք, որ արտասահմանում ապրող ու ստեղծագործող իր գործընկերները հաճախ են նեղսրտում, որ Հայաստանից հրավեր չեն ստանում: Այս առիթով Գուրգեն Բավեյանը նշեց, որ ավելի քան մեկ տարի է, ինչ ազատ արվեստագետ է, սակայն աշխատում է խիտ գրաֆիկով. «Իսկապես հաճախ եմ հրավերներ ստանում Հայաստանից, հիմնականում ֆիլհարմոնիկ նվագախմբի տնօրինությունից, կուզեի, որ օպերային թատրոնում էլ ինձ հիշեն…»: Հետո էլ հավելեց. «2017թ. Բարսելոնայի Liceu թատրոնում հանդես եմ եկել Դոն Ալվարոյի դերերգով՝ Ռոսինիի «Ճանապարհորդություն դեպի Ռեյմ» օպերայում, համագործակցել եմ համաշխարհային այնպիսի աստղերի հետ, ինչպիսիք են իտալացի բարիտոն Պիետրո Սպանիոլին, իսպանացի բաս-բարիտոն Կառլոս Չաուսոնը, ամերիկացի տենոր Լոուրենս Բրաունլին եւ մյուսները: Շուտով Վիեննայի Muzikverein համերգասրահում աշխարհահռչակ պերուացի տենոր Խուան Դիեգո Ֆլորեսի կողմից հրավիրված եմ մասնակցելու իր կազմակերպած Ռոսինիի օպերա- փառատոնի գալա համերգին…»:

Երգիչներից խնդրեցինք մեկնաբանել՝ ի՞նչ է իրենց տվել ՀՀ նախագահի մրցանակին արժանանալը: Գուրգեն Բավեյանն ասաց. «Արտասահմանում դա ընդամենը նշվում է բուկլետում, կենսագրությանդ մեջ»: Հովհաննես Անդրեասյանն էլ հետեւյալ կերպ արձագանքեց. «Դա նախեւառաջ փորձ է՝ մրցույթների մասնակցության, իսկ ես կարծում եմ, որ ինձ ճանապարհ կհարթի կամ ճանաչում կբերի դե Գրիեի դերերգը «Մանոն» օպերայում, որի պրեմիերան նախատեսված է աշնանը՝ Հայաստանում անցկացվելիք ֆրանկոֆոնիայի գագաթաժողովի օրերին»:

ՍԱՄՎԵԼ ԴԱՆԻԵԼՅԱՆ

Լրահոս
Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Ավետիք Իսահակյան․ Երջանկության իմաստը Վահագն Դավթյան՝ Համո Սահյանին Բրազիլիայի կառնավալին հազարավոր մարդիկ «Կեցցե Հայաստան» կվանկարկեն Մարտակերտում կկայանա Փարաջանովին նվիրված ցուցահանդես. կներկայացվեն բացառիկ նմուշներ Պատվիրանները մարդու մարդկային որակի ուղենիշներն են «Մշակույթի նախարարության հայտարարությունն ագրեսիայի, ստախոսության ու ամբարտավանության հավաքական գլուխգործոց է». «Պարալլելս Ֆիլմպրոդաքշն» ընկերություն Ամենայն հայոց կաթողիկոսը ցավակցել է Լուիզ Մանուկյան Սիմոնի վախճանման առիթով Հարություն Խաչատրյան. «Միությունը պատրաստ է իրավաբանական ծառայություն տրամադրել Հովհաննես Գալստյանին» «Մաեստրո Մանսուրյանի» և երևանյան պրեմիերայի մասին Մահացել է Էլմիրա Հեքեքյան-Աբրահամյանը Լավագույնս պատկերացում են տալիս հայ գրքի և գրատպության անցած ուղու մասին Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում «Եվ երբ պրոֆեսիոնալ երաժիշտ դարձա, կոնսերվատորիա ավարտեցի, նոր հասկացա, թե Կոմիտաս կատարելն ինչ բան է» Մեջբերումներ Թումանյանի մասին Հովհաննես Թումանյան․ Ուրախ գիշեր Ազգ-բանաստեղծ Եթե միայն այս կյանքի համար ենք հույս դրել ի Քրիստոս, ողորմելի ենք, քան բոլոր մարդիկ Փորձագետները կասկածում են, որ «Աշխարհի փրկիչ» կտավի հեղինակը Լեոնարդո դա Վինչին է Mezzo հեռուստաալիքը ֆիլմ է պատրաստել դիրիժոր Սերգեյ Սմբատյանի մասին Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ
website by Sargssyan