Times.am | Վիկտոր Ուզուր. «Խաչատրյանի մրցույթն ապացուցել է, որ կազմակերպչական և գեղարվեստական առումներով ամենաբարձր մակարդակն ունի»
USD
EUR
RUB

Վիկտոր Ուզուր. «Խաչատրյանի մրցույթն ապացուցել է, որ կազմակերպչական և գեղարվեստական առումներով ամենաբարձր մակարդակն ունի»

 
 

Հունիսի 6-ին՝ Արամ Խաչատրյանի ծննդյան օրը, կմեկնարկի մեծ կոմպոզիտորի անունը կրող միջազգային երաժշտական մրցույթը։ Խաչատրյանի 14-րդ մրցույթն այս տարի անցկացվում է թավջութակ մասնագիտությամբ։ Աշխարհի տարբեր ծայրերից Հայաստան ժամանած երիտասարդ երաժիշտները կպայքարեն լավագույն թավջութակահարի կոչման համար։

Panorama.am-ին մրցույթի կազմակերպիչները հայտնեցին, որ Խաչատրյանական մրցույթի ժյուրին ղեկավարելու է մեր ժամանակների լավագույն թավջութակահար, Միչիգանի պետական համալսարանի պրոֆեսոր, լարային գործիքների ամբիոնի ղեկավար Սուրեն Բագրատունին։ Իսկ ժյուրիի կազմում ընդգրկված են հեղինակավոր թավջութակահարներ։ Նրանց թվում է միջազգային մրցույթների դափնեկիր, մենակատար, կամերային երաժիշտ Վիկտոր Ուզուրը։

Վերջինս ակնկալում է, որ Խաչատրյանի մրցույթի ընթացքում մասնակիցները կունենան արդար և անզիջում պայքարի հնարավորություն, կապահովվեն լավագույն պայմանները։

«Խաչատրյանի միջազգային մրցույթը վերջին տարիներին ապացուցել է, որ և՜ կազմակերպչական, և՜ գեղարվեստական առումներով ամենաբարձր մակարդակն ունի։ Այն հիանալի հարթակ է երիտասարդ արտիստների համար»,- ասում է ժյուրիի անդամը։

Վիկտոր Ուզուրը նկատում է, որ խաչատրյանական մրցույթում կցանկանար տեսնել տաղանդավոր, նվիրված և խանդավառ երաժիշտների, որոնց համար թանկ է իրական արվեստը։

Նա նաև նշեց, որ որպես ժյուրիի անդամ՝ մրցույթի մասնակիցներին գնահատելիս ուշադրություն է դարձնելու ինչպես ստեղծագործության ներկայացման ձևին, այնպես էլ գեղարվեստական մեկնաբանմանը։ Ըստ նրա՝ երաժիշտը պետք է ունենա գերազանց տեխնիկական հմտություններ և առանձնահատուկ ոճ։ Փորձառու թավջութակահարը երիտասարդ երաժիշտներին խորհուրդ է տալիս լավ պատրաստվել մրցույթին, կենտրոնացնել ուշադրությունը, պահպանել ներշնչանքն ու էներգիան։

Խաչատրյանի միջազգային մրցույթը տարածաշրջանի ամենահեղինակավոր երաժշտական ստուգատեսն է։ Այն Միջազգային երաժշտական մրցույթների համաշխարհային ֆեդերացիայի (World Federation of International Music Competitions) անդամ է և անցկացվում է միջազգային չափանիշներին համապատասխան։

Խաչատրյանի միջազգային մրցույթը կյանքի է կոչվում ՀՀ մշակույթի նախարարության, «Արամ Խաչատրյան-մրցույթ» մշակութային հիմնադրամի և Երևանի Կոմիտասի անվան պետական կոնսերվատորիայի համատեղ ջանքերի շնորհիվ։

Լրահոս
Հենրիկ Էդոյան․ Հենման կետ Տիգրան Համասյան․ Նոր ծաղիկ Ամբոխները խելագարված Բրիտանացի երաժիշտները տեսահոլովակ են նկարահանել Չեռնոբիլում Սուրբ Սուրբ Մի մոռացեք ձեր խիղճը Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Գուգարաց թեմում վերաօծվեց Քարինջի Սուրբ Կարապետ եկեղեցին Լրատվամիջոցներն անդրադարձել են փոստատար Պեչկինի էկրանային կերպարի հայազգի ստեղծողին Լիլիթ Սողոմոնյանն առաջին հայուհին է՝ Չիլիի օպերային թատրոնում Նիկոլայ Նիկողոսյանը հայ և համաշխարհային կերպարվեստի երախտավորներից էր, որի ստեղծագործությունները գրանցվել են համաշխարհային արվեստի տարեգրության ոսկե մատյանում «Տիրոջ առաջ պատվական երեք գործ կա» 76 տարեկանում կյանքից հեռացել է «սոուլի թագուհի» Արետա Ֆրանկլինը ԿԳ նախարարը կատակեց. «Մնում է որոշել, թե մեզանից ով է մնում նախարար» Գունավոր մատիտներ Սոնայի հոգսը Բարի այգեպանը Քսենյա Կիրիլովան՝ լրտեսության, «սառը պատերազմի» եւ չիրականացած հնարավորությունների մասին «EPIC EYE» խորագրով փառատոնը ներկայացուցիչներ կունենա Գերմանիայից, Ֆրանսիայից, Բրիտանիայից «Թիկնոցը» և «Պայացներ». համերգային կատարումներ՝ հայ և օտարազգի մենակատարների մասնակցությամբ Հայ պոեզիայի ամենաինքնատիպ դեմքերից մեկի՝ Սիամանթոյի ծննդյան օրն է Գառնուկը Հայկուհու պարը Խաղաղական ժամերգութիւն Անպատասխան Հաղթահարել փորձությունները Նահապետ Քուչակ. Հայրեններ Հավատալ հասկանալու համար «Սոուլի թագուհի» Արետա Ֆրանկլինը մահամերձ է 1 վայրկյանում՝ 10,3 վանկ. Էմինեմը գերազանցել է ռեփ կարդալու սեփական ռեկորդը Ավստրալիայում 457 երաժիշտ միաժամանակ նվագել է Highway to Hell-ը Հարություն Խաչատրյանը նախագահում է «Պատուհան դեպի Եվրոպա» կինոփառատոնի «Կոպրոդուկցիա» ծրագրի ժյուրին Բաց փակուղի Բրեդ Փիթը կարծում է, որ Անջելինա Ջոլին «զզվելի» է վարվել՝ հանրայնացնելով իրենց ամուսնալուծության մանրամասները Ամեն ինչ անելու ենք, որ մինչ 2018-ի դեկտեմբեր տեղի ունենա Ամենափրկիչ եկեղեցու բացումը մեր խնայողությունների հաշվին. Լիլիթ Մակուն Բոտիչելլիի Վեներայի առեղծվածի նոր բացահայտումը «Ել,ել» Եսասեր հսկան «Եվրատեսիլ-2019»-ի անցկացումը վտանգի տակ է. երգի մրցույթը կարող է Իսրայելից այլ երկիր տեղափոխվել «Խաղացողը». Քըրք Քըրքորյանի մասին պատմող գիրքը ներկայացվեց Վանաձորում
website by Sargssyan