Times.am | Կինոկենտրոնի ֆիլմ-հանձնակատարը՝ Կաննի կինոշուկայում ՀՀ բացակայության մասին․ «Դա սարսափելի քայլ էր»
USD
EUR
RUB

Կինոկենտրոնի ֆիլմ-հանձնակատարը՝ Կաննի կինոշուկայում ՀՀ բացակայության մասին․ «Դա սարսափելի քայլ էր»

 
 

Aravot.am-ը Հայաստանի ազգային կինոկենտրոնի գեղարվեստական ղեկավար-ֆիլմ հանձնակատար Արսեն Բաղդասարյանից հետաքրքրվեց՝ ինչո՞ւ մեր երկիրն այս տարի ներկայացված չէ Կաննի կինոշուկայում:

«Դա մերժվել էր Կինոկենտրոնի տնօրենի կողմից, մեր պատվիրակությունը ինքը չի ցանկացել ներկայացնել»,-ասաց Արսեն Բաղդասարյանը: Հետաքրքրվեցինք՝ որո՞նք են եղել մերժման հիմքերը:

«Ես չեմ կարող համաձայնել իր հիմքերի հետ, օրինակ՝ դա այն է, որ գտնվել ենք խառը վիճակում, ծրագիրն իր կարծիքով անհրաժեշտ չէր եւ այդ պատճառով պատվիրակություն չի եղել», - ասաց ֆիլմ հանձնակատարը:

Ապա հավելեց. «Իմ կարծիքով, դա սարսափելի սխալ քայլ էր, ժամանակի խնդիր, որ պետք է լուծվի: Մենք արդեն համաշխարհային շուկայում Հայաստանն ենք ներկայացնում, մանավանդ այս բոլոր դեպքերը, որ եղան, լավ PR կարող էին լինել մեզ համար, սակայն մենք չկարողացանք ճիշտ օգտագործել ու մեզ ճիշտ ներկայացնել»:

Ի դեպ, լրագրող, կինոքննադատ Կարեն Ավետիսյանը ֆեյսբուքի իր էջում Կաննից գրառում էր կատարել եւ տեսանյութ հրապարակել, ինչը բուռն քննարկում է առաջացրել:

«Եռակի օսկարակիր Էմանուել Լյուբեցկու սարսափազդու երազի ոճում նկարահանված այս հոլովակը կոչված է պատկերելու փեթակի սառնարանի վրայի տիպ-լոգոյի տեսքով Հայաստանի Հանրապետության ներկայացուցչա-խորհրդանշական առումով միակ ներկայությունը Կաննի 71-րդ կինոփառատոնի միջազգայի կինոշուկայում (չշփոթել բուն փառատոնի հետ, որտեղ ներկայության մասին առայժմ խոսք էլ չի կարող գնալ):

Մի կողմ դնելով, ինչ խոսք՝ ոչ ուրախալի փաստը, որ Կաննի կինոշուկայի Բրիտանիկայի հաստության կատալոգում պաշտոնական Հայաստանը տողով անգամ նշված չէր, այնուամենայնիվ քյոռ-քյոռ խարխափելով անցնենք կինոշուկայի ներսը, որտեղ բախվում ենք էլ ավելի ամոթալի փաստի, որը մեր ականջին հեգնանքով շշնջում է՝ «Ազիզ ջան, այս տարի Կաննի կինոշուկայում Հայաստանը տաղավար չունի»՛:

Իսկ այս «տաղավար» կոչվածն էլ, որ տեսնում եք, բայց ավելի լավ կլինի չտեսնելու տայիք՝ Հայաստանինը չէ, այլ մի սփյուռքահայ անհատի, որն այս ամբողջ՝ առանց այն էլ մի թիքյա տաղավարի 1/3-ը (մի կես մետր քառակուսի) տվել է 3 հայ ռեժիսորների, մինչդեռ այդ երեքը՝ Արտյոմ Բաղդասարյանը, Ելենա Արշակյանը և Մերի Աղախանյանը պաշտոնապես հաղթել էին կազմակերպված հայաստանյան մրցույթում և ժամանել էին Կաննի կինոշուկա Հա-յաս-տանը #դուխով ներկայացնելու»,- իր էջում գրել է Կարեն Ավետիսյանը:

Գոհար ՀԱԿՈԲՅԱՆ

Հ. Գ. Հավելենք, որ անցյալ տարի եւս Կաննի կինոշուկայում տապալում ենք ունեցել, որի մասին հետաքննություն էր հրապարակել «Հետքը»

Լրահոս
Ստեղծվել է Երևանի հիմնադրման 2800-ամյակին նվիրված միջոցառումները նախապատրաստող հանձնաժողով Միքայել Պողոսյան․ Խոսքեր Պարույր Սևակին Ինձանից այնքան ես բացակա եղել Ջրերի վրայով քայլողը Ծառատակի խնձորը նոր ջրհեղեղ է… «Շնորհակալություն մեր երջանիկ մանկության համար». «Սոյուզմուլտֆիլմ»-ը 2 հոլովակ է հրապարակել՝ նվիրված մանկագիր Ուսպենսկիի հիշատակին Հարվածել Եկեղեցուն կնշանակի վերացնել այլասերման տարածման հիմնական արգելքը. Արշակ եպիսկոպոս Խաչատրյան Հենրիկ Էդոյան․ Հենման կետ Տիգրան Համասյան․ Նոր ծաղիկ Ամբոխները խելագարված Բրիտանացի երաժիշտները տեսահոլովակ են նկարահանել Չեռնոբիլում Սուրբ Սուրբ Մի մոռացեք ձեր խիղճը Խոհեմ եղիր և ընտրիր չափավոր կյանքը. Ս. Հովհան Ոսկեբերան Հայրապետ Գուգարաց թեմում վերաօծվեց Քարինջի Սուրբ Կարապետ եկեղեցին Լրատվամիջոցներն անդրադարձել են փոստատար Պեչկինի էկրանային կերպարի հայազգի ստեղծողին Լիլիթ Սողոմոնյանն առաջին հայուհին է՝ Չիլիի օպերային թատրոնում Նիկոլայ Նիկողոսյանը հայ և համաշխարհային կերպարվեստի երախտավորներից էր, որի ստեղծագործությունները գրանցվել են համաշխարհային արվեստի տարեգրության ոսկե մատյանում «Տիրոջ առաջ պատվական երեք գործ կա» 76 տարեկանում կյանքից հեռացել է «սոուլի թագուհի» Արետա Ֆրանկլինը ԿԳ նախարարը կատակեց. «Մնում է որոշել, թե մեզանից ով է մնում նախարար» Գունավոր մատիտներ Սոնայի հոգսը Բարի այգեպանը Քսենյա Կիրիլովան՝ լրտեսության, «սառը պատերազմի» եւ չիրականացած հնարավորությունների մասին «EPIC EYE» խորագրով փառատոնը ներկայացուցիչներ կունենա Գերմանիայից, Ֆրանսիայից, Բրիտանիայից «Թիկնոցը» և «Պայացներ». համերգային կատարումներ՝ հայ և օտարազգի մենակատարների մասնակցությամբ Հայ պոեզիայի ամենաինքնատիպ դեմքերից մեկի՝ Սիամանթոյի ծննդյան օրն է Գառնուկը Հայկուհու պարը Խաղաղական ժամերգութիւն Անպատասխան Հաղթահարել փորձությունները Նահապետ Քուչակ. Հայրեններ Հավատալ հասկանալու համար «Սոուլի թագուհի» Արետա Ֆրանկլինը մահամերձ է 1 վայրկյանում՝ 10,3 վանկ. Էմինեմը գերազանցել է ռեփ կարդալու սեփական ռեկորդը Ավստրալիայում 457 երաժիշտ միաժամանակ նվագել է Highway to Hell-ը Հարություն Խաչատրյանը նախագահում է «Պատուհան դեպի Եվրոպա» կինոփառատոնի «Կոպրոդուկցիա» ծրագրի ժյուրին
Ամենաընթերցված
website by Sargssyan