USD
EUR
RUB

Քիշնևից և Մինսկից հետո՝ նույն նպատակով Երևանում

 

Երեւանյան ֆորումը եւս կնպաստի երիտասարդ թատերական գործիչների միջեւ ստեղծագործական շփումների ամրապնդմանը

Երեւանում մայիսի 15-ին մեկնարկած ԱՊՀ, Բալթյան երկրների եւ Վրաստանի Երիտասարդական թատերական ֆորումն իր աշխատանքները կշարունակի մինչեւ մայիսի 21-ը:

«Առավոտի» հետ զրույցում Հայաստանի թատերական գործիչների միության նախագահ Հակոբ Ղազանչյանը նախ հիշեցրեց, որ երեւանյան ֆորումը երրորդն է՝ Քիշնեւից եւ Մինսկից հետո, մասնակցում է 11 երկիր:

«Ֆորումի նպատակը նույնն է՝ երիտասարդ թատերական գործիչների (բեմադրիչ, բեմանկարիչ, դրամատուրգ եւ քննադատ) միջեւ ստեղծագործական շփումների ամրապնդումը, երիտասարդական, թատերական, մշակութային հարթակ ստեղծելու ու սերտ գործակցելու համար: Ի վերջո, սա բացառիկ հնարավորություն է համախոհներին հանդիպելու, գործակցության եզրեր հաստատելու եւ համատեղ նախագծեր իրականացնելու համար: Երեւանյան ֆորումի ծրագիրը բաղկացած է երկու մասից:

Առաջինը՝ մասնակիցների համար վարպետության դասեր կանցկւացնեն ոլորտի ականավոր գործիչները, օրինակ՝ բեմանկարիչների վարպետության դասերը կղեկավարի ռուս թատերական նկարիչ Յուրի Խարիկովը: Բեմադրիչների արվեստանոցի ու դրամատուրգների սեմինարների ղեկավարն է Մեյերխոլդի անվան մշակութային կենտրոնի գեղարվեստական ղեկավար Վիկտոր Ռիժակովը: Թատերական քննադատների կլոր սեղանները կղեկավարեն ճանաչված տեսաբաններ Մարիա Խալիզեւան եւ Ալլա Շենդերովան: Ֆորումի ծրագրի երկրորդ մասում յուրաքանչյուր երկիր կցուցադրի մեկ ներկայացում՝ փորձագիտական խորհրդի կողմից ընտրված եւ նախորդ երկու տարիների ընթացքում բեմադրված աշխատանքներ: Հաղթող ներկայացումը կմասնակցի Չեխովի անվան միջազգային փառատոնին: Փորձագետների խմբի նախագահն է ռեժիսոր, երաժիշտ, դերասան Վլադիմիր Պանկովը, իսկ խմբում ընդգրկված են ճանաչված անուններ՝ Ռուսաստանից դերասան Ալեքսանդր Ֆեկլիստովը, թատերական քննադատ Ելենա Դյակովան, Ուզբեկստանից ռեժիսոր, կոմպոզիտոր Արտյոմ Կիմը եւ այլն»,- տեղեկացրեց պարոն Ղազանչյանը:

Նախօրեին Հ. Պարոնյանի անվան երաժշտական կոմեդիայի պետական թատրոնի ճեմասրահում ցուցադրված էին մասնակից երկրների բեմանկարիչների աշխատանքներ: Բոլոր ժամանակներում բեմանկարչության ոլորտում երկու դասական մոտեցում կա, մեկը՝ նկարիչը իրականացնում է ռեժիսորի մտահղացումը եւ երկրորդ՝ նկարիչը ռեժիսորին է ներկայացնում բեմի ձեւավորման իր լուծումը: Հաճախ բեմանկարիչը հանդես է գալիս միեւնույն ժամանակ որպես զգեստների նկարիչ: Դասական այս մոտեցումներից բացի, վերջին շրջանում հանդիպում ենք ժամանակակից ռեժիսուրայով բեմադրությունների, որտեղ նկարչական ձեւավորումը բացակայում է, փոխարենը լույսերի խաղով են փորձում լուծել խնդիրը: Մեր օրերում էլ կեսկատակ-կեսլուրջ ասում են, թե 3D ձեւաչափը կրակուպատիժ է նկարիչների համար:

Այս դիտարկումների առիթով «Առավոտը» զրուցեց բեմանկարիչներ, Լիտվայից Իրինա Կոմիսսարովա-Սլավգորոդսկենեի , Հայաստանից Մարիամ Մուրադյանի եւ Բելառուսից Անդրեյ Ժիգուրի հետ: Վիլնյուսից ժամանած հյուրը՝ հետեւություն անելով իր ոչ երկարամյա փորձից, վստահ է, որ բարձրարվեստ բեմադրություն իրականացնելու համար պետք չէ աշխատանքներում ներգրավված օղակներից մեկը, եթե դա նույնիսկ բեմադրիչն է, դիկտատոր լինի: Հիշեց իր դասախոսի՝ ռեժիսոր, պրոֆեսոր Լարիսա Լամակինայի խոսքը՝ «բեմանկարիչը ռեժիսորի աչքն է»: Հետո էլ հավելեց. «Ամեն դեպքում, ճիշտ է, երբ աշխատանքի բաժանում է լինում: Ես ողջունում եմ, երբ բեմանկարիչը հանդես է գալիս զգեստների դիզայներ նույնպես: Աշխատում եմ նաեւ լուսային նկարիչների եւ ինժեներների հետ: Այս պահին սկսել եմ առաջին բեմադրությունս 3D ձեւաչափով: Վերջինս նույնպես ողջունում եմ, պարզ պատճառով՝ մինիմալ միջոցներով կարելի է ստանալ ակնահաճո արդյունք»:

Բելառուսցի բեմանկարիչը, որն ընդամենը 34 տարեկան է եւ 20-ից ավելի աշխատանքների հեղինակ, հետեւյալն ասաց. «Ապագա ներկայացման կոմպոզիտորը, խորեոգրաֆը, բեմանկարիչը եւ մյուս մասնագետները դեռ բեմական փորձերից առաջ, ավելին՝ այն պահից սկսած, երբ ռեժիսորը ծանոթանում է սցենարին, պետք է համախմբվեն վերջինի շուրջ: Հաճախ միաժամանակ հանդես եմ եկել որպես զգեստների դիզայներ, բայց վերջերս մի ներկայացմանը ես հրավիրեցի հատուկ զգեստների նկարչի, որովհետեւ դա պատմական գործ էր… Սիրում եմ նաեւ, երբ ինձ տրվում է ընդարձակ տարածք, որտեղ բեմանկարչությունը պետք է իրականացվի լույսերի միջոցով: Այստեղ սերտ համագործակցում եմ լուսային ինժեների հետ: Ինչ վերաբերում է 3D ձեւաչափին, նախընտրածս աշխատաոճը մանրակերտով աշխատելն է: Կարճ ասած՝ տարերքի մեջ եմ, երբ սեփական ձեռքով եմ էսքիզները պատրաստում»:

Հայաստանցի մասնագետի կարծիքն էլ հետեւյալն է. «Բեմանկարիչն է թելադրում ռեժիսորին, բայց ըստ էության բեմադրություն իրականացնելը թիմային աշխատանք է: Անկեղծ ասած՝ նախընտրում եմ հանդես գալ նաեւ զգեստների նկարիչ: Դեռեւս միակ փորձը Կոմեդիայի թատրոնում Սամվել Խալաթյանի սցենարով, Անուշ Սարգսյանի ռեժիսուրայով «Միայն քեզ եմ սիրում» ներկայացումն է: Լույսերով բեմի նկարչական լուծմանն էլ եմ կողմ, կողմնակից եմ նաեւ 3D ձեւաչափին. ի վերջո, պետք է քայլել ժամանակի հետ…: Գլխավորը՝ լավ արդյունք, հանդիսատեսին բավարարող ներկայացում ստեղծելն է, ինչը, կրկնում եմ՝ միանշանակ, թիմային աշխատանք է»:

Հավելենք, որ հայ թատրոնն ու կինոն ունեցել են եւ ունեն հիանալի նկարիչներ՝ Եվգենի Սաֆրոնով, Միքայել Առաքելյան, Պատո Անանյան, Ավետիս Բարսեղյան, Գրետա Նալչաջյան, Գաստելո Գասպարյան եւ այլն:

ՍԱՄՎԵԼ ԴԱՆԻԵԼՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan