USD
EUR
RUB

Մրցանակն այս անգամ Թուրքիայից էր

 

Ապրիլի 27-ից մայիսի 4-ը Թուրքիայի Սիդե քաղաքում անցկացված «Հարմոնիա» 8-րդ երաժշտական միջազգային մրցույթին մասնակցեցին 10 և ավելի երկրներ, որոնց թվում էր նաև Հայաստանը։ Մեր ներկայացուցիչներն էին Գոռ Թումանյանը (վոկալ) և Գարեգին Քևնակսզյանը (կլարնետ):

Հայաստանը, ինչպես շատ մրցույթներում, այս անգամ ևս հաղթանակած վերադարձավ՝ Գոռը (լուսանկարում) արժանացավ գլխավոր մրցանակին, իսկ Գարեգինն իր խմբում զբաղեցրեց 1-ին տեղը։ Մասնակից երկրների թվում էին Վրաստանը, Ռուսաստանը, Լատվիան, Լիտվան, Ղազախստանը, Թուրքիան, Ադրբեջանը, Իտալիան, որոնց մասնակիցները բավական ուժեղ երաժշտական տվյալներ ունեին և արժանի մրցակիցներ էին։ Նաև հաշվի առնելով, որ ժյուրիի կազմում կային թուրք ու ադրբեջանցի ժյուրիի անդամներ, կարող ենք ասել, որ Հայաստանի ներկայացուցիչներն իրենց առջև դրված խնդիրը պատվով են կատարել:

Երևանի Կոմիտասի անվան պետական կոնսերվատորիայի ուսանող Գոռ Թումանյանը հանդես է եկել 13-17 տարիքային խմբում։ Գոռը սովորում է վոկալ բաժնի առաջին կուրսում, պրոֆեսոր Կարինե Մկրտչյանի դասարանում։ Մասնակցել է հանրապետական և միջազգային մրցույթների՝ ստանալով բազմաթիվ մրցանակներ։ Թուրքիա մեկնելուց առաջ վերջին մրցանակը բերել էր Իսպանիայում կայացած «Հարուստ ձայն» միջազգային երաժշտական մրցույթից, որին մասնակցող 3 հայ ներկայացուցիչներն էլ իրենց տարիքային խմբերում զբաղեցրել էին առաջին հորիզոնականները: Մասնակցել է նաև «Տենոր» համաշխարհային ասոցիացիայի կազմակերպած «Ոսկե ձայն» միջազգային մրցույթին, որտեղ նույնպես արժանացել է 1-ին մրցանակին։

«Մրցույթն ինձ հնարավորություն տվեց ձեռք բերել նոր ընկերներ։ Իսկ ամենակարևորը՝ ինձ տվեց ինքնավստահություն, միշտ առաջ գնալու ու ավելի մեծ բեմերի հասնելու ձգտում։ Իսկ հաջողություններիս համար պարտական եմ ընտանիքիս ու Աշտարակի քաղաքապետ Թովմաս Շահվերդյանին ու բարերար Լևոն Մկրտչյանին, ովքեր միշտ կողքիս են եղել ու աջակցել են ցանկացած հարցում» ,-ասում է Գոռը։

Հիմնականում զբաղվում է դասական երաժշտությամբ։ Նրա մեծ երազանքն է երգել Իտալիայի Լա Սկալա օպերայում։ Մտադրություն ունի ուսումը Իտալիայում շարունակելու, սակայն ասում է, որ դրա մասին դեռ վաղ է խոսել, ձմռանը պիտի զորակոչվի Հայոց բանակ։

Լիանա ԲՐՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan