Հաջորդ անգան

Հաջորդ անգան

Հաջորդ անգամ Լեռը դարձյալ կլինի,
երկինքը` նույնպես:
Հաջորդ անգամ ես անձրևի միջով
կքայլեմ այնքան, մինչև դառնամ
անձրևի կաթիլ:
Հաջորդ անգամ ձուկը, ծաղիկը, մարդը
կհանգրվանեն իմ կապույտ ջրերում
այնքան, մինչև հողը ցամաքի, չորանա
ու ճաք տա անսպառ:
Հաջորդ անգամ ես կտարածվեմ
ճաքած հողի շերտերի մեջ,
ու ձուկը կլողա կապույտ ջրերում,
ծաղիկը կաճի, կտարածվի
հողի բոլոր ճաքերի մեջ:
Հաջորդ անգամ աներևույթ ձեռքը
իմ ջրերը կխառնի ծաղկի արմատներին,
կխառնի հողին ու կհունցի,
ինչպես խմոր:
Հաջորդ անգամ Լեռը դարձյալ կլինի,
երկինքը` նույնպես:
Հաջորդ անգամ ես Լեռան փեշով
կքայլեմ այնքան,
մինչև դառնամ արցունքի կաթիլ,
որ արտասվեմ բոլորի փոխարեն:

Նորայր ԳՐԻԳՈՐՅԱՆ

Հետևեք մեզ նաև Telegram-ում