USD
EUR
RUB

Ժամանակին ֆինանսական խախտումների հետ առնչված օպերան օրերս հիանալի ներկայացավ

 

Նշվեց Ալեքսանդր Հարությունյանի «Սայաթ-Նովա» օպերայի ստեղծման 50-ամյակը

Օրերս Ալ. Սպենդիարյանի անվան օպերայի եւ բալետի ազգային ակադեմիական թատրոնում կայացավ խաղացանկային հերթական՝ Ալեքսանդր Հարությունյանի «Սայաթ-Նովա» օպերայի ներկայացումը: Մեծանուն կոմպոզիտորի հիշյալ օպերան ստեղծվել է կես դար առաջ՝ 1968թ., բեմադրող դիրիժորն էր Արամ Քաթանյանը, ռեժիսորը՝ Ռաֆայել Ջրբաշյանը, բեմադրության գեղարվեստական ղեկավարը՝ ռեժիսոր Վարդան Աճեմյանը, մի խոսքով՝ անվանի արվեստագետների խումբ: Մեկ տարի անց ներկայացման պրեմիերան էր, որտեղ մեծանուն Տաթեւիկ Սազանդարյանը հանդես է եկել Աննայի դերերգով, փաստորեն, նրա հրաժեշտն էր մեծ բեմին: Սայաթ-Նովայի դերերգով Վահան Միրաքյանն էր:

Հետագայում անվանի շատ երգիչներ էլ հանդես եկան գլխավոր դերերգերով, մեկ անգամ էլ օպերան ներկայացվեց Մեծ թատրոնում: Հետո, ինչպես ընդունված է խաղացանկային թատրոններում, ինչ-ինչ պատճառներով «Սայաթ-Նովայի» բեմական կյանքը կասեցվեց:

Թեեւ ծրագրված էր օպերան վերաբեմադրել 2010-ին՝ Ալ. Հարությունյանի ծննդյան 90-ամյա հոբելյանին, բայց միայն 40 տարի անց՝ 2011-ին այն բեմ վերադարձավ: Նոր «Սայաթ-Նովան» բեմադրելու առիթով հրավիրվել էր վրացի ճանաչված ռեժիսոր Գիզո Ջորդանիան, դիրիժորն էր Յուրի Դավթյանը: Պետբյուջեից հատկացվել էր 50 մլն դրամ: Սակայն բեմադրական աշխատանքներն ուղեկցվեցին աղմուկով… Վերահսկիչ պալատը ՀՀ մշակույթի նախարարությունում չարաշահումներ էր արձանագրել եւ կասկածի տակ դրել այս օպերայի բեմադրման համար բյուջետային միջոցների նպատակահարմարությունը: Ի դեպ, դեռեւս 2006թ. կառավարությունն իր պահուստային ֆոնդից շուրջ 14 մլն դրամ էր հատկացրել օպերայի բեմադրական աշխատանքների համար:

 Անցնենք մշակութային մասին. ծագել էին նաեւ ստեղծագործական խնդիրներ: Այդ առիթով «Առավոտի» հետաքրքրությանն ի պատասխան՝ օպերային թատրոնից հայտնել էին, թե պատճառը վրացի ռեժիսորի եւ Հարությունյանի ընտանիքի հետ ունեցած տարաձայնություններն են: Արդյունքում՝ Գիզո Ջորդանիան վերադարձավ Վրաստան, բեմադրությունը վստահվեց ռեժիսոր Արամ Սուքիասյանին: Նշենք, որ նոր բեմադրության պրոդյուսերը Ալ. Հարությունյանի դուստրն է՝ Նարինե Հարությունյանը, նկարչական ձեւավորողն էլ՝ կոմպոզիտորի թոռնուհին՝ Արաքսի Քուչուկյանը: Ժամանակին Նարինե Հարությունյանը բեմադրության առիթով մեզ ասել էր՝ «Նոր բեմադրության մեջ հարազատ եմ մնացել «թատրոն թատրոնի մեջ» շեքսպիրյան սկզբունքներին՝ օպերային բեմ բերելով ու բարձրակարգ երաժշտության հետ շաղախելով դրանք: Վստահ եմ՝ շեքսպիրյան սկզբունքները էլ ավելի վեր կբարձրացնեն ցանկացած երաժշտական բեմադրություն: Կարծում եմ՝ ինձ մոտ դա ստացվել է»:

Այս քնարական-դրամատիկական օպերայում հեղինակն օգտագործել է անվանի աշուղի մի քանի երգ: Օպերային բնորոշ են գունեղ զանգվածային տեսարաններն ու երաժշտական լեզվի պարզությունը: Հիանալի էր օրերս կայացած «Սայաթ-Նովան», որին ներկա էին նաեւ մեծ թվով զբոսաշրջիկներ: Նվագախումբը, երգչախումբը, մեներգիչները դիրիժոր Հարություն Արզումանյանի մեկնաբանմամբ իսկապես բարձրարվեստ ներկայացրին մեծակտավ այս ստեղծագործությունը: Գլխավոր դերերգերով հանդես եկան Աննա Այվազյանը՝ Աննա եւ Հովհաննես Այվազյանը՝ Սայաթ-Նովա:

ՍԱՄՎԵԼ ԴԱՆԻԵԼՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan