USD
EUR
RUB

Չորրորդ անգամ անցկացվեցին գերմանա-հայկական վարպետույան դասընթացներ

 

Հայաստանի պետական կամերային նվագախումբն էլ մասնակցեց՝ առանց գեղարվեստական ղեկավարի

Վերջին շրջանում հայաստանյան իրականությունում մշակույթի տարբեր ոլորտներում պարբերաբար անցկացվում են վարպետության դասընթացներ, այս դեպքում նպատակն է աջակցել երիտասարդ տաղանդավոր երաժիշտներին: Այս գործընթացն իրականացնում են ինչպես մեր, այնպես էլ այլազգի, սփյուռքահայ, հիմնականում Արեւմուտքում ապրող ու ստեղծագործող նախկին հայաստանցի արվեստագետները:

2013 թվականից չորրորդ անգամ Երեւանում գերմանա-հայկական երաժշտական միության նախաձեռնությամբ իրականանում են վարպետության դասընթացներ, բնականաբար՝ գերմանացի պրոֆեսորների մասնակցությամբ:

«Առավոտի» դիտարկմամբ՝ հիշյալ միության կողմից անցկացվող այս միջոցառումը միակն է, որը մեկնարկում է բացման եւ ավարտվում եզրափակիչ համերգներով: Կոմիտասի անվան կամերային երաժշտության տանը մայիսի 25-ին կկայանա մայիսի 24-ից անցկացվող ջութակի վարպետության դասընթացը՝ մեկնարկած գերմանա-հայկական երաժշտական միության նախաձեռնությամբ: 

Մեզ հետ հանդիպման ժամանակ վերոնշյալ միության հիմնադիր, ջութակահարուհի Անի Աղաբեկյանին խնդրեցինք ներկայացնել միության 7-8 տարվա աշխատանքները: «2011թ. հիմնված միությունը մեկ տարի անց սկսեց իր բուռն գործունեությունը: Վարպետության դասընթացները համերգային գործունեության հետ զուգահեռ, անցկացվում են Գերմանիայի քաղաքներում, այդ թվում՝ Կառլսռուհեում: 2006-ից ստանձնելով Ֆլեհինգենի Ռաաբ երաժշտական դպրոցի ջութակի դասարանի ղեկավարությունը, մեր հայրենակիցը մեկ տարի առաջ արդեն հանդիսանում էր նույն դպրոցի տնօրենը: Այս գործունեությանն էլ զուգահեռ՝ Անի Աղաբեկյանը 2007-ից վարում է բուռն ստեղծագործական կյանք՝ համագործակցելով այնպիսի երաժիշտների հետ, որոնց հատուկ ներկայացնելու հարկ չկա: Նրանց թվում են Լուսինե եւ Սերգեյ Խաչատրյանները, Վոլֆգանգ Մայերը, Լեւոն Մուրադյանը, Լաուրենտ Ալբրեխտ Բրոյնինգերը եւ ուրիշներ: Երեւանում անցկացվող չորրորդ վարպետության դասընթացն է եւ կանխելով ձեր հարցը, թե հայաստանցի կոլեգաներիցս ովքեր են մասնակցել Գերմանիայում կայացած միջոցառումներին, նշեմ դաշնակահար Հայկ Մելիքյանի, ալտահար Վաչե Հովեյանի, թավջութակահար Արամ Թալալյանի անունները»,- հայտնեց մեր զրուցակիցը: Հավելեց, որ Գերմանիայում միության աշխատանքները իրականանում են անձամբ Կառլսռուհեի քաղաքապետ Վալֆրամ Եգերի հովանու ներքո, աջակցությամբ տեղի պետական եւ ոչ պետական կազմակերպությունների:

Զրույցի ընթացքում մեր հայրենակիցը հիշեց իր ուսումնառության տարիները Երեւանի Կոմիտասի անվան պետական կոնսերվատորիայի պրոֆեսոր Բագրատ Վարդանյանի դասարանում, ժպիտով հայտնեց, որ Էդվարդ Միրզոյանն իրեն տեսնելիս դիմում էր «փոքրիկ Պագանինի», այնուհետեւ հիշատակեց Գերմանիայում ուսումը՝ պրոֆեսոր Յոզեֆ Ռիսինի ղեկավարությամբ եւ այլն: Ասաց նաեւ, որ յուրաքանչյուր մրցանակ, իսկ նման միջոցառումների բազմիցս է մասնակցել, խիստ կարեւոր է իր համար: Կարեւոր են նաեւ վարպետության դասընթացներն անվանի այնպիսի երաժիշտների ղեկավարությամբ, ինչպիսին են Ռայնհարդ Հաուֆեն, Քրիստիան Ալտենբուրգը, Ֆելիքս Գոտլիբեն, Ալեքսանդր Վինեցկուն եւ այլն:

Անի Աղաբեկյանը ներկայացրեց մեր զրույցին մասնակից գերմանացի գործընկերուհուն՝ Դետմոլդի կոնսերվատորիայի պրոֆեսոր Մարիա-Էլիզաբեթ Լոթին: «Գերմանա-հայկական նման միջոցառումների ժամանակ ես ավելի խորը ծանոթացա հայկական մշակույթին, մասնավորապես՝ երաժշտարվեստին: Շուրջ 20 տարի մտերիմ կոլեգաներիցս է Սերգեյ Խաչատրյանը, գերմանաբնակ դիրիժոր Ռուբեն Գազարյանը, ալտահար Դավիթ Աբրահամյանը, թավջութակահար Լեւոն Մուրադյանը եւ էլի շատ ուրիշներ: Տարիների ընթացքում, հաճոյախոսություն չընկալվի, բայց հասկացա, որ հայերդ իսկապես տաղանդավոր ազգ եք: Հիշում եմ 2013թ. դիրիժոր Գազարյանի ղեկավարությամբ Վյութենբերգի կամերային նվագախմբի հետ Էդուարդ Հայրապետյանի կրկնակի կոնցերտի կատարումը, որտեղ ինձ ընկերակցեց ալտահար Վաչե Հովեյանը: Անիի հետ հանդես եմ եկել Բախի կրկնակի կոնցերտի մեկնաբանմամբ եւ հպարտ եմ, որ բախտ եմ ունեցել մեկնաբանելու նաեւ տաղանդավոր կոմպոզիտոր Վարդ Մանուկյանի կոնցերտի պրեմիերան»,- հայտնեց օրիորդ Լոթին:

Անդրադառնալով իր մասնակցությամբ երեւանյան վարպետության դասընթացներին, նշեց, որ հիացած է հայաստանցի երիտասարդ ջութակահարների արվեստով: Տեղեկացրեց, որ մայիսի 25-ին Կոմիտասի անվան կամերային երաժշտության տանը կկայանա վարպետության դասընթացների մասնակիցների եզրափակիչ համերգը, որտեղ ընդգրկված են 12 երաժիշտ Երեւանի կոնսերվատորիայից, Չայկովսկու անվան երաժշտական դպրոցից եւ 3 ջութակահար արտասահմանից՝ երկուսը Ավստրիայից, մեկը՝ Գերմանիայից:

Հետաքրքրությանը, թե մայիսի 20-ին Կամերային երաժշտության տանը վարպետության դասընթացների բացման համերգին, Հայաստանի պետական կամերային նվագախմբի ընկերակցությամբ, գերմանացի ջութակահարուհին հանդես եկավ Վաչե Հովեյանի հետ՝ Վարդ Մանուկյանի Ջութակի եւ ալտի կոնցերտի կատարմամբ, նա պատասխանեց. «Ինչ խոսք, հիանալի ելույթ էր, բայց, չգիտես ինչու, համերգը կայացավ առանց կամերային նվագախմբի գեղարվեստական ղեկավար Վահան Մարտիրոսյանի»: Այս առիթով Մարիա-Էլիզաբեթ Լոթը ընդամենն ասաց. «Դիրիժորի պարտականությունները կամ դերը հիանալի կատարեց նվագախմբի գլխավոր կոնցերտմայստեր Աստղիկ Վարդանյանը»:

ՍԱՄՎԵԼ ԴԱՆԻԵԼՅԱՆ

Լրահոս
Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով Բալետային պուանտի միջի ասեղից մինչեւ «ժամանակավոր արտագաղթում» Ամենայն Հայոց Կաթողիկոսն այցելեց Գյումրի, հյուրընկալվեց Մայր Աթոռի կողմից բնակարաններ ստացած ընտանիքներից մեկին Ավետիք Իսահակյան․ Մնացի կարոտ իմ հայրենիքին Վահագն Դավթյան․ Եթե հարցնես Ընդ լուսափայլ զւարթնոյն Մենք ենթարկյալներս Երեւանում ցուցադրվում են հայտնի նկարիչ Տիգրան Դադերյանի աշխատանքները Աստծո առջև ծնկողը թշնամու դեմ կանգուն կմնա մինչև վերջ Մայր Աթոռը հրապարակել է 2018-ի գործունեության տեղեկագիրը «Անկախության շրջանում Հայաստանում ձևավորված իրականությունը միանգամայն արժանի է խորենացիական «ողբի»
Ամենաընթերցված
website by Sargssyan