USD
EUR
RUB

ՀՀ նախագահի տիկին. «Սիրում եմ ազգային պարը, նաեւ չառլստոն ու ռոքնռոլ»

 
 

Ես ընդհանրապես սիրում եմ պարը….ազգային պարն եմ սիրում, չառլստոն եմ սիրում, ռոքնռոլ…

Ընդհանրապես պարը շատ կարեւոր է մարդկության կյանքում, որովհետեւ պարի միջոցով ձերբազատվում ես քո կուտակած բացասական հույզերից, ավելի երջանիկ եւ ուրախ մարդ ես դառնում»,- լրագրողների հետ զրույցում ասաց ՀՀ նախագահի տիկին Նունե Սարգսյանը, որը հունիսի 13-ին այցելել էր Պարարվեստի քոլեջ, եղել քննասենյակում, շփվել քոլեջի սաների ու աշխատակիցների հետ` ամենուր հանդիպելով ժպիտների:

Քոլեջի դահլիճում նա դիտեց ավարտական համերգի առաջին մասը: Վերջում սիրով լուսանկարվեց պարողների հետ: Երբ երեխաները շնորհակալություն հայտնեցին այցելության համար, ՀՀ նախագահի տիկինն ասաց, որ հաճելիորեն զարմացած է. «Խոստովանեմ, որ չէի սպասում նման կատարելություն, թե տղաները, թե աղջիկները հիասքանչ էին պարում»:

«Բալետ ստեղծելը դժվար աշխատանք է, տարիների, երկար ժամերի…»,- ասաց տիկին Սարգսյանը, ապա քոլեջի սաներին մաղթեց, որ զարդարեն ոչ միայն Հայաստանի, այլեւ աշխարհի լավագույն բեմերը:

Նունե Սարգսյանը նաեւ զրուցեց պարարվեստի քոլեջի երախտավորներից Հովհաննես Դիվանյանի հետ: Ապա բոլորին մի պատմություն պատմեց. «Երբ փոքր էի, առաջին բալետը տեսա: Այդ ժամանակ 6 տարեկան էի: Ես ծնողներիս աղերսեցի, որ ինձ պարարվեստի ուսումնարան տանեն: Բերեցին, քննությունն անցա, ծալեցին, ճկեցին, երաժշտական լսողությունս ստուգեցին, սակայն 6 ամիս հետո նորից սկսեցի աղերսել, որ ինձ հանեն ուսումնարանից, շատ դժվար է, չեմ կարող շարունակել: Ինչպիսի կամքի ուժ է հարկավոր տարիներ շարունակ աշխատելու, պարապելու համար, որպեսզի ստեղծվի այս հիանալի գեղեցկությունը»:

Aravot.am-ը հետաքրքրվեց, թե Հայաստանում ի՞նչ բալետային ներկայացում է դիտել ու հավանել: «Այսօր «Դիմակահանդեսն» եմ գնալու նայեմ, վստահ եմ, որ ինձ դուր կգա»,-ասաց նա: Նշեց, որ շատ է հավանել հատկապես մեր «Սպարտակ» բալետը: Նաեւ հավելեց, որ քոլեջ այցելելու նախաձեռնությունն իրենն էր, որովհետեւ շատ է սիրում բալետ, օպերա եւ երաժշտություն, միշտ պատրաստ է օգնել այս կրթօջախին, ինչով կարող է:

«Պարարվեստը մեր ազգային մշակույթի կարեւոր մասն է: Ժամանակին լինելով Խորհրդային Միության եւ ռուսական բալետային դպրոցի մի մասը` մենք բախտ ունեցանք զարգացնել այդ արվեստը: Իսկ դրանից առաջ ունեցել ենք Ագրիպինա Վագանովա, որ ազգությամբ հայ բալետի պարուհի էր, պարուսույց, ինքը ստեղծեց հատուկ մեթոդ բալետի պարողնեñին կրթելու համար: Նրա հայրը հայ էր, մայրը` ռուս, ու բոլորին հայտնի է, որ Վագանովան հայ է: Հիմա նրա անունով Պետերբուրգի պարի ակադեմիան է կոչվում: Այսինքն, մենք ունեցել ենք բալետային ավանդույթներ եւ ինչպես այսօր տեսա, այդ ավանդույթները շարունակվում են»,- հայտնեց Նունե Սարգսյանը: Տիկին Սարգսյանն ասաց, որ իր թոռնուհին`6-ամյա Սավաննան նույնպես նախընտրել է բալետը:

Գոհար ՀԱԿՈԲՅԱՆ

Լրահոս
Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն «Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում «Մի՜ տխրիր, Ե՜ս եմ Քո ընկերը»...Ֆորշ Բարձր գրականություն Արքմենիկ Նիկողոսյանի հետ. Պարույր Սևակ Արևի լույսը «Երդիկն ի վար»
website by Sargssyan