USD
EUR
RUB

Վանաձորի արվեստի դպրոցը եղբայրացել է Լիտվայի երաժշտական դպրոցի հետ

 
 

Հայաստանի և Լիտվայի Հանրապետությունների հռչակման 100-ամյակի միջոցառման շրջանակներում Կաունասի Միկո Պետրաուսկոյի անվան երաժշտական դպրոցի հրավերով և Լիտվայում ՀՀ դեսպանության աջակցությամբ հունիսի 3-10-ը Վանաձորի Կոմիտասի անվան արվեստի դպրոցի սաները և ղեկավար կազմն այցելել է Լիտվայի Կաունաս քաղաք: Այս մասին Aravot.am-ին հայտնեց Վանաձորի Կոմիտասի անվան արվեստի դպրոցի տնօրեն Վարդան Դոլմաջյանը:

Նա հայտնեց, որ մեկնարկը տրվել է Վանաձորից՝ մարտին կայացած տեսակամուրջով: Միջոցառմանը ներկա է եղել Լիտվայի դեսպան էրիկաս Պետրիկասը, իսկ Կաունասում՝ Լիտվայում Հայաստանի դեսպան Տիգրան Մկրտչյանը: Այնուհետեւ հետեւել է պատասխան հրավերը՝ հունիսի 3-10-ը եղել են Լիտվայում, որտեղ նախատեսված էր 3 համերգ եւ էքսկուրսիաներ: Առաջին համերգը կայացել է հունիսի 5-ին Կաունասի Մայրոնիսի գրականության թանգարանի դահլիճում՝ երկու դպրոցների սաների մասնակցությամբ տեղի է ունեցել «Բարեկամության կամուրջներ» խորագրով համատեղ միջոցառում՝ նվիրված Հայաստանի և Լիտվայի Հանրապետությունների հռչակման 100-ամյակներին, որին ներկա են եղել Լիտվայում ՀՀ դեսպանը, Կաունասի հայ համայնքի ղեկավար Ալեքսանդր Բոյաջյանը, Կաունասի մշակութային և հասարակական գործիչներ: 

Պարոն Դոլմաջյանը հավելեց, որ հաջորդ կանգառը Վիլնյուսն է եղել, որտեղ մեկնել են տեղի հայ համայնքի հրավերով: Հունիսի 6-ին Վիլնյուսի «Ազգային համայնքների տանը» Վանաձորի Կոմիտասի անվան արվեստի դպրոցի սաների մասնակցությամբ կայացել է համերգ, որին ներկա էին Լիտվայում ՀՀ դեսպանատան հյուպատոս Վահե Առաքելյանը, Կաունասի հայ համայնքի ղեկավար Ալեքսանդր Բոյաջյանը, Վիլնյուսի հայ համայնքի պատասխանատու, գրող Վահագն Գրիգորյանը, Լիտվայի ազգային համայնքների միության հայկական համայնքի ներկայացուցիչ Ռուսլան Հարությունյանը, Վիլնյուսի մշակութային և հասարակական գործիչներ:

Հունիսի 7-ին երկու դպրոցների սաների համատեղ եզրափակիչ համերգ է կայացել Պլյունգե քաղաքի արքայազն Միկոլո Օգինսկու պալատում: Պարոն Դոլմաջյանը տեղեկացրեց, որ այս համերգում, բացի դպրոցի սաներից, երաժշտական կատարումով հանդես է եկել նաեւ ինքը: «Ես ազգային երաժշտական գործիքով՝ սանթուրով՝ դուդուկի և դաշնամուրի նվագակցությամբ, կատարել եմ լիտվացի հայտնի կոմպոզիտոր Չյուրլյոնիսի «Գեղանկարչության երաժշտություն» ստեղծագործությունը»:

Վարդան Դոլմաջյանը նաեւ հավելեց. «Մեր դպրոցը կրում է Կոմիտասի անունը, իսկ Կոմիտասը մեզ պարտավորեցնում է»: Ասաց նաեւ, որ Լիտվա մեկնած պատվիրակության մեջ էր թավջութակահար Միքայել Ոսկանյանը, որի ելույթը մեծ հետաքրքրություն է առաջացրել Վիլնյուսում: Տեղի կոնսերվատորիայի թավջութակահար պրոֆեսորներից մեկը հատուկ հանդիպում է խնդրել հայ թավջութակահարին տեսնելու համար:

Գոհար ՀԱԿՈԲՅԱՆ

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan