USD
EUR
RUB

Deutsche Grammophon-ի արտիստ Մեհաե Ռյոն սիրով կվերադառնա Հայաստան

 
 

Deutsche Grammophon-ի արտիստ, հանրահայտ թավջութակահար, Խաչատրյանի 14-րդ միջազգային մրցույթի ժյուրիի անդամ Մեհաե Ռյոն (Հարավային Կորեա) տպավորված է Հայաստանում անցկացված միջազգային ստուգատեսի կազմակերպչական մակարդակից և մասնակից երաժիշտների պրոֆեսիոնալիզմից:

«Մրցույթի մասնակիցները շատ բարձր մակարդակի երաժիշտներ էին, նրանցից յուրաքանչյուրը յուրահատուկ էր նվագում: Կարծում եմ, որ այս մրցույթին մասնակցելն ինքնատիպ փորձ էր նրանց համար: Չէ՞ որ Խաչատրյանի մրցույթն աշխարհում ամենահայտնի ստուգատեսներից մեկն է: Շատ հետաքրքիր էր տեսնել ու լսել բոլոր երիտասարդ երաժիշտներին: Իսկապես մեծ հաճույք ստացա: Շատ սիրեցի նաև մրցույթի ժյուրիի բոլոր անդամներին: Շատ ընկերասեր մարդիկ էին, մենք լավ լեզու գտանք»,- Panorama.am-ին Մեհաե Ռյոյի խոսքը փոխանցում են մրցույթի կազմակերպիչները:

Խոսելով մրցույթի մասնակիցների կատարողական որակի մասին՝ հանրահայտ թավջութակահարը փաստում է՝ մասնակիցները պրոֆեսիոնալ առումով մեծ ապագա ունեն:

Արտիստն առաջին անգամ է Հայաստանում: Նշում է՝ չափազանց ուրախ է, որ իրեն հրավիրել են Հայաստան, սիրով կվերադառնա Հայաստան՝ հանդես գալու որպես երաժիշտ-կատարող: Արամ Խաչատրյանի գործերից էլ է կատարել:

Անդրադառնալով Deutsche Grammophon-ի հետ իր համագործակցությանը՝ Մեհաե Ռյոն նշում է, որ այն երաժշտական աշխարհում ամենահայտնի լեյբլն է: Այս ընկերության հետ աշխատում են միմիայն աշխարհի ամենապրոֆեսիոնալ երաժիշտները: Հարավային Կորեայի ամենահայտնի արտիստի խոսքով, իրեն շատ բախտավոր է համարում, քանի որ Deutsche Grammophon-ի հրավերով ձայնագրություն է կատարել Nürnberger Symphoniker-ի հետ: Ակնկալում է, որ առաջիկայում ևս կհամագործակցի դասական երաժշտության ասպարեզում թիվ մեկ ձայնագրող ընկերության հետ:

Մեհաե Ռյոն նաև նշել է, որ թավջութակն այնքան էլ մեծ ժողովրդականություն չի վայելում, ինչպես, օրինակ, ջութակը կամ դաշնամուրը: Բայց նա լիահույս է, որ թավջութակահարների տաղանդավոր սերունդ է ի հայտ գալիս: Խաչատրյանական ժյուրիի անդամի հավաստմամբ՝ նրանց կատարողական մակարդակն ավելի ու ավելի բարձր է դառնում:

Հիշեցնենք, որ 14-րդ միջազգային մրցույթն անցկացվել է հունիսի 6-14-ը, այս անգամ` թավջութակ մասնագիտությամբ: Մրցույթում առաջին մրցանակի է արժանացել Դանիան ներկայացնող թավջութակահար Ջոնաթան Սվենսենը։

Լրահոս
Ես եմ 21-րդ դարի լավագույն կինոկատակերգությունները Երեք սերունդ և երեք նոր գիրք. ընթերցողի սեղանին են դրվել մանկապատանեկան նոր գործեր Գրիգոր Ղափանցյանի թանգարանը շենքային պայման չունի Երաժիշտները կրոնական պատկերագրության մեջ Հասմիկ Պապյան․ Աշնանային երգեր Հայ և հայություն «Հարսանիք թիկունքում». երևանյան երեք հյուրախաղերի բոլոր տոմսերը սպառված են Մի լուսանկարի պատմություն Գարուն Բադիկ Կատու Աշուն Խելոք երեխա Մահացել է Լուսիկ Ագուլեցին Անգլիայում հնագետները հայտնաբերել են «աստծու ձեռքը» Հ․ Շիրազ Շոն Բեյքերը՝ կինոյում ուսումնասիրությունների եւ հայ գործընկերոջ մասին Օրորոցի երգ Հաճախ ինքնանպատակ է լինում նոր թանգարանների բացումը. Կարո Վարդանյան Լուսավոր և արթուն հոգևոր ներաշխարհով «Եկեղեցին չի կարող շարունակաբար իր սրբությունների հանդեպ անհնազանդություն ցուցաբերողներին ընդունել իր մեջ» «Սիրելի պաշոնյաներ, իսկ հա’յ, պա’րզ հավատացյալի իրավունքն ո̕վ պետք է պաշտպանի» Արիստակես քահանա Հովհաննիսյան Կյանքից հեռացել է ՀՀ ժողովրդական արտիստ Բորիս Գևորգյանը Թումանյանական ոգով կամ Օլգա Թումանյանի դասերը ՊՈԱԿ-ի պարզաբանումը Ս․Աստվածածին եկեղեցու շուրջ ստեղծված աղմուկի վերաբերյալ Վարդ սիրեցի Մայր Աթոռը մեր ամենքիս տունն է և մենք չենք հանդուրժի որևէ ոտնձգություն մեր սրբությունների նկատմամբ Հասմիկ Պապյանն Արցախում հանդես կգա մենահամերգով Սերժ Թանկյանն ու Տարոն Մալաքյանը՝ խումբը չմիավորելու պատճառների մասին Գառնուկ Արաքսի արտասուքը Մայրաքաղաքում կրթած հայ աղջիկ Պտուղներ Անձրև Գարուն Ձմեռ Նոր տարի Ձյուն Անմոռուկ
Ամենաընթերցված
website by Sargssyan