USD
EUR
RUB

Ում «քիմքին» կհարմարի ռեժիսորի «Մեղրի համը»

 
 

Հարցազրույց ռեժիսոր Գոռ Մարգարյանի հետ

- Պատանի հանդիսատեսի թատրոնում սկսել եք 2013թ. ձեր ռեժիսուրայով բեմադրած, խաղացանկում տեղ գտած եւ շուրջ մեկ տարի առաջ «անհետացած» Շեյլա Դիլեյնիի «Մեղրի համը» պիեսի վերականգնման աշխատանքները, որը 2014թ. «Արտավազդ» մրցանակաբաշխությունում հաղթող ճանաչվեց միանգամից 6 անվանակարգում՝ լավագույն բեմադրիչ, երիտասարդական ներկայացում, երիտասարդ դերասան, դերասանուհի, երկրորդ պլանի դերակատար եւ դերասանուհի: Չե՞ք կարծում, որ «Մեղրի համը» ստվերում թողեց ձեր մյուս աշխատանքները: Ի դեպ, այս պիեսը ներկայացրել էիք նաեւ 2008թ. «Փոսի» թատրոնում, որը դարձել էր խաղացանկային եւ վերջինից դուրս եկավ ձեր բանակ զորակոչվելու պատճառով:

- Հանդիսատեսը վերականգնված «Մեղրի համը» դարձյալ «կհամտեսի» Պատանի հանդիսատեսի թատրոնում, հունիսի 23-ին: Այս բեմադրության նախապատրաստական աշխատանքներից սկսած մինչեւ պրեմիերան մեզ ուղեկցում էր ամենակարեւորը՝ տանդեմ ասվածը, որն իրականում կայացել էր: Դա դերասանների, նկարչի, մի խոսքով՝ ստեղծագործական խմբի յուրաքանչյուր անդամ իր գործին մոտեցել էր մաքսիմալ ազնիվ: Բնավ չեմ համարում, որ մրցանակներն են, որ բնորոշում ու բնութագրում են ներկայացումը: Այս աշխատանքն արվում է, ի վերջո, հանդիսատեսի համար եւ այս դեպքում դատավորը հանդիսատեսն է: Մինչ «Մեղրի համը», 2011թ. ըստ Միտուայի «Նվագակցողը» պիեսի «Լյուսփեն Լյուկը» մոնոներկայացումը դարձյալ արժանացել է «Արտավազդ» մրցանակի: Ժյուրին գնահատել է այսօր ամերիկաբնակ դերասան Նարեկ Ներսիսյանի խաղը: «Արտավազդի» արժանացավ նաեւ Լուիզա Ներսիսյանը՝ «Ամնեզիա» բեմադրության համար: Կարինե Խոդիկյանի «Մնաց 7 օր» բեմադրությունս, որն իրականացրել եմ «Մեղրի համից» հետո, մինչ օրս, ինչպես ասում են՝ «հանդիսատեսի պակաս չունի»… Ինչ վերաբերում է «Մեղրի համի» վերականգնմանը, այն խաղացանկից դուրս չի եկել, դերակատարներն են փոխվել՝ Մարիամ Ղազանչյանին փոխարինել է Եվա Զոհրաբյանը եւ «ներմուծվել» է Սեյրան Մովսիսյանը: 

- Չե՞ք կարծում, որ «Մեղրի համը» այսօր արդիական կամ հրատապ չէ մեզ համար, մանավանդ որ սցենարը գրված է 20-րդ դ. 50-60-ականների անգլիական դրամատուրգիայի կանոնների համաձայն՝ պիեսը «բաց ավարտ» ունի, ասել է թե՝ հանդիսատեսին է թողնված այն: Մյուս կողմից՝ պիեսը հասարակ պատմություն է հասարակ աղջկա, նրա անպատասխանատու մոր ու գարշահոտ սենյակի մասին: Ջոն սուր լեզու ունի, խելացի է, բայց բացարձակ անպաշտպան… Մեծ հաշվով տեսնում ենք անօգնական, դժբախտ մարդկանց…

- Համաձայն չեմ ձեր դիտարկմանը, բոլոր ժամանակներում խոսել մարդու մասին, դա արդեն արդիական է: Այո, վերականգնված ներկայացումը դիտելիս դարձյալ հանդիսականին եմ թողել ավարտը: Թող հանդիսականը գուշակի, թե ինչ եղավ Ջոյի հետ, ինչ ճանապարհ նա ընտրեց… Սա պատմություն է կյանքի ոչ միանշանակ լինելու մասին, կյանքի բարդության ու բազմակողմանիության մասին, ինչն էլ ստիպում է հասկանալ, թե որքան փոխկապակցված են մեր գոյության բոլոր տարրերը:

- «Մեղրի համի» հաջողության գրավականը նշեցիք, որ ստեղծագործական խմբի յուրաքանչյուրի «մաքսիմալ ազնիվ» աշխատանքի արդյունք է: Մինչդեռ ձեր գործընկերներից ոմանք նշում են ձեր անսահման եսասիրության մասին…

- Հավատացած եմ, որ աշխարհում չկա այն մեկը, որ եսասեր չէ, նույնիսկ ծնողը, որի սերը ընդունված է անվանել անշահախնդիր: Ծնողը երեխային սիրում է, ինչո՞ւ, որովհետեւ գերագույն հաճույք է ստանում… Ի վերջո, սիրո տարբեր հոգեվիճակները բխում են եսասիրությունից… Տեսարան՝ «հին» «Մեղրի համից»

- Ի դեպ, եսասիրության հետ են կապում ժամանակին Գորիսի Վ. Վաղարշյանի անվան պետական դրամատիկական թատրոնից սեփական դիմումի համաձայն ձեր հեռանալը:

- Գորիսում առաքելությունս ավարտված էր, 2012-17թթ. վարեցի գլխավոր ռեժիսորի պաշտոնը: Արդեն ժամանակն է այն զիջելու երիտասարդի…

- Դուք արդեն ծերունի՞ եք…

- Եթե կա կադրային խնդիր մարզերում, ապա անհրաժեշտ է հնարավորություն տալ մարզերի կադրերին:

- Երբեւէ մտածե՞լ եք դիմել թատրոնի մյուս ժանրերին, ասենք՝ մյուզիքլ:

- Բացի մնջախաղից եւ տիկնիկայինից, ինձ հետաքրքրում են թատերարվեստի մյուս ժանրերը: Երեւակայական թռիչքներ եղել են դեպի մյուզիքլ, օպերա… բայց դրանք մնացել են երեւակայությանս մեջ: Մի բան հաստատ գիտեմ, որ երբեւէ հաստատ չեմ մոտենա մնջախաղին ու տիկնիկայինին, որովհետեւ այդ ժանրերում ես պարզապես չկամ…

Զրուցեց՝ ՍԱՄՎԵԼ ԴԱՆԻԵԼՅԱՆԸ 

Լրահոս
Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ Վերադարձնենք լույսի եւ ջերմության մեր պատառը Հրանտ Մաթեւոսյանին Մայր Աթոռում կատարվեց Տեառնընդառաջի նախատոնակը Ռեժիսոր. Մեր գործադիր իշխանությունը հումանիզմի տարրական չափաբաժին չունի Կալկաթայի մարդասիրական ճեմարան «Լավագույն օպերային ձայնագրություն» անվանակարգում հաղթող գործն առնչվեց հայի անվան հետ» Զարդերի վերածված Կիլիկիայի մանրանկարչությունը Լևոն Խեչոյան․ Սև գիրք, ծանր բզեզ Ժամանակի ոգով գրված գիրք՝ «Շիլափլավ եւ շիլաշփոթ» Կա դրվագ, որը հոգեբանորեն դժվար է խաղալը. Ալեքսանդր Խաչատրյանի «Գարուն ա» ֆիլմը Ապրիլյան պատերազմի մասին է. լուսանկար Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին «Նոր սերունդ, նոր անուններ» խորագրով ցուցահանդեսը նվիրվեց Հովհաննես Թումանյանի հոբելյանին «Ավրորան» Մատենադարանին տված դրամաշնորհը կուղղի հայկական գրչության կենտրոնների ինտերակտիվ քարտեզի ստեղծմանը Պետրոս Դուրյան․ Բանաստեղծություններ Վարդգես ԱՀԱՐՈՆՅԱՆ. Ամենայն հայոց բանաստեղծը Ամերիաբանկը Հայաստանում ներկայացնում է օպերային մեծանուն երգիչ Պաատա Բուրչուլաձեին Հայ Եկեղեցու 20-րդ դարի նշանավոր գործիչներին նվիրված գիտաժողով ԱՄՆ-ում Հիսուսի՝ տաճարին ընծայման տոն կամ Տեառնընդառաջ. փետրվարի 14-ին «Նոր Թումանյանի բացահայտման փուլ պետք է սկսվի» Ազգային կինոկենտրոնի քմայքները կամ վերաձևված կանոնակարգ Այսօր մրուրն է իրեն սերուցք հորջորջում, մարմինը գլխիվայր է տեղաշարժվում Պաշտոնական ընդունելություն Մելբուռնում ի պատիվ Ամենայն Հայոց Կաթողիկոսի Մուշեղ Իշխան․ Բանաստեղծություններ Վահագն Դավթյան․ Լույս առավոտի Ձեռնարկել բոլոր հնարավոր միջոցները, որպեսզի կինոռեժիսորը դադարեցնի հացադուլը Մոսկվայում վերջին հրաժեշտն են տվել թատրոնի և կինոյի հայտնի դերասան Սերգեյ Յուրսկիին Հանրայինը զբաղված է մեր եկեղեցու հանդեպ ատելության քարոզով
Ամենաընթերցված
website by Sargssyan