USD
EUR
RUB

Լեւոն Աբրահամյան. «Ուզում եմ տեսնել ավելի հայրական մոտեցմամբ մարդու»

 
 

Հայաստանի նկարիչների միության անդամ, գեղանկարիչ Լեւոն Աբրահամյանը փոփոխություններ է ուզում տեսնել Հայաստանի նկարիչների միությունում: Այդ էր պատճառը, որ ի թիվս այլ երիտասարդ արվեստագետների, նա ընդվզել էր Հայաստանի նկարիչների միության երկարամյա նախագահ Կարեն Աղամյանի դեմ:

«Բազմաթիվ փայլուն երիտասարդներ կան, որոնք Եվրոպայում հաջողություններ ունեն, անուններ չթվարկեմ, բայց շատերն, իրոք, հետաքրքիր արվեստագետներ են»,- Aravot.am-ի հետ զրույցում նշեց գեղանկարիչը: Նրա խոսքով, եթե Հայաստանում կա Նկարիչների միություն, որը ոչ մի բանով չի նպաստում երիտասարդների ստեղծագործական վերելքին, պետք է անպայման այդ կառույցի ղեկավար կազմը եւ դիմագիծը փոխվի: «Մենք եթե ինչ-որ բանի էլ հասել ենք, ինքնուրույն ենք հասել»,-շեշտեց մեր զրուցակիցը:

Aravot.am-ի հարցին` մի՞թե շնորհալի մարդը կարիք ունի անպայման լինել որեւէ միությունում, Լեւոն Աբրահամյանը պատասխանեց. «Անկեղծ ասած, սկզբնական շրջանում` այո, որովհետեւ երիտասարդները կայանալու եւ ներկայանալու համար հարթակ չունեն, իսկ սա միակ հաստատությունն է: Եվ ղեկավարությունն էլ պետք է զբաղվի նրանց պրոպագանդելով ու ներկայացնելով»:

Գեղանկարիչը ընդգծեց, որ ցանկանում է, որպեսզի միության կազմը փոխվի. «Նկարիչների միությունը պետք է զբաղվի շատ տարբեր հարցերով, կլինի դա արվեստաբանական թեւ, թե շատ այլ օղակներ, որոնք մենք պատկերացնում ենք, թե ինչպես պետք է գործեն: Ցավոք, մինչեւ այսօր 20 տարվա ընթացքում ոչ մի էական բան չի փոխվել: Մենք 5000 դրամ անդամավճար ենք վճարում, մինչդեռ Նկարիչների միության սրահները մեզ գումարով են տրվում: Նկարիչների միության անդամների այս վրդովմունքը 20 տարվա անգործության հետեւանք է, ուզում եմ տեսնել ավելի հոգատար, ավելի ջերմ, ավելի հայրական մոտեցմամբ մարդու, եւ հարցը բնավ երիտասարդների ու ավագ սերնդի մեջ չէ: Ով կգա հետաքրքիր ծրագրով, թող նա էլ ղեկավարի, բայց այսպես շարունակելը հայ կերպարվեստը տանում է կործանման»:

Գոհար ՀԱԿՈԲՅԱՆ

Լրահոս
Ի՞նչ տարբերություն… Բրիտանիայում գտել են Կուբրիկի սցենարը, որը 60 տարի համարվում է կորած Հին ուրվականները Գուլո Հասմիկ Պապյան. «Ուրախ եմ վերադառնալ Մոնտե Կառլոյի օպերային թատրոն» «Ոսկե ծիրան» Երևանի 15-րդ միջազգային կինոփառատոնի հաղթողները Ամենայն Հայոց Կաթողիկոսը հանդիպում ունեցավ Եգիպտոսի և ԱՄՆ Հայոց Արևմտյան թեմերի ուխտավորների հետ Սուրբ Մեսրոպ Մենավոր ծառ Աղուեսական Վանիչկա Տխուր երեխա Ձյուն Ես եմ 21-րդ դարի լավագույն կինոկատակերգությունները Երեք սերունդ և երեք նոր գիրք. ընթերցողի սեղանին են դրվել մանկապատանեկան նոր գործեր Գրիգոր Ղափանցյանի թանգարանը շենքային պայման չունի Երաժիշտները կրոնական պատկերագրության մեջ Հասմիկ Պապյան․ Աշնանային երգեր Հայ և հայություն «Հարսանիք թիկունքում». երևանյան երեք հյուրախաղերի բոլոր տոմսերը սպառված են Մի լուսանկարի պատմություն Գարուն Բադիկ Կատու Աշուն Խելոք երեխա Մահացել է Լուսիկ Ագուլեցին Անգլիայում հնագետները հայտնաբերել են «աստծու ձեռքը» Հ․ Շիրազ Շոն Բեյքերը՝ կինոյում ուսումնասիրությունների եւ հայ գործընկերոջ մասին Օրորոցի երգ Հաճախ ինքնանպատակ է լինում նոր թանգարանների բացումը. Կարո Վարդանյան Լուսավոր և արթուն հոգևոր ներաշխարհով «Եկեղեցին չի կարող շարունակաբար իր սրբությունների հանդեպ անհնազանդություն ցուցաբերողներին ընդունել իր մեջ» «Սիրելի պաշոնյաներ, իսկ հա’յ, պա’րզ հավատացյալի իրավունքն ո̕վ պետք է պաշտպանի» Արիստակես քահանա Հովհաննիսյան Կյանքից հեռացել է ՀՀ ժողովրդական արտիստ Բորիս Գևորգյանը Թումանյանական ոգով կամ Օլգա Թումանյանի դասերը ՊՈԱԿ-ի պարզաբանումը Ս․Աստվածածին եկեղեցու շուրջ ստեղծված աղմուկի վերաբերյալ Վարդ սիրեցի
website by Sargssyan