USD
EUR
RUB

Ամենայն Հայոց Կաթողիկոսն իր օրհնությունը բաշխեց Բջնիի ուխտավորներին

 
 

Հունիսի 19-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի «Գարեգին Ա» կրթական կենտրոնում հանդիպում ունեցավ Բջնիից Մայր Աթոռ ժամանած ուխտավոր դպրոցականների հետ:

Համայնքի հոգևոր հովիվ Արժանապատիվ Տ. Արիստակես քահանա Բաղալյանը Վեհափառ Հայրապետին ներկայացրեց ուխտավորներին, անդրադարձավ նաև Բջնիի հոգևոր կյանքին: Տեր Հայրն ընդգծեց, որ պատանիների համար հանդիպումը Հայոց Հայրապետի հետ պատմական է և, վստահաբար, պիտի մեծ ազդեցություն ունենա իրենց կյանքում:

Այնուհետև պատանիները ներկայացրեցին Տասնաբանյա պատվիրանները և ավետարանական երանիները:

Ողջունելով Բջնիի աշակերտների հավատավոր ոգին` Ամենայն Հայոց Կաթողիկոսն իր սերն ու օրհնությունը բերեց ներկաներին և իր գնահատանքը փոխանցեց հոգևոր հովվին և ուսուցիչներին` դեպի Վաղարշապատի սրբավայրեր ու Մայր Աթոռ ուխտագնացությունը կազմակերպելու համար:

Հայոց Հայրապետն ընդգծեց, որ ուխտագնացությունն աղոթքով ինքնամաքրվելու, դեպի Աստված, Սուրբ Եկեղեցին և սրբազան ժառանգությունը սերն առատացնելու ճշմարիտ ճանապարհն է: Բջնեցիներին Նորին Սրբությունը պատգամեց մշտապես գնալ ուխտի, որպեսզի ճանաչելով և սիրելով Աստծուն` զերծ մնան սխալ ընթացքներից և երբեք չսայթաքեն կյանքում: Հայրապետը հորդորեց ներկաներին մասնակից դառնալ եկեղեցական կյանքին, ամեն կիրակի ներկա գտնվել Սուրբ Պատարագին, հաճախ այցելել տարածաշրջանի վանքեր և եկեղեցիներ` իրենց աղոթքները միախառնելու այդ սրբավայրերին կենդանություն հաղորդած նախնյաց աղոթքին:

Գարեգին Բ Կաթողիկոսը նաև անդրադարձավ Սուրբ Էջմիածնի խորհրդին` շեշտելով, որ այն մեր ինքնությունն է, ազգային լինելիության երաշխավորը, որին կապված է յուրաքանչյուր հայ իր հոգով, սրտով և զգացումներով:

Նորին Սրբությունը, վերհիշելով բջնեցիների հետ ունեցած իր շփումները և զանազան տեղական ավանդույթներ, նշեց, որ Բջնին հոգեհարազատ և սիրելի է իր համար պատմությամբ, սրբավայրերով, աղոթական միջավայրով և ժողովրդով:

Այնուհետև Նորին Սրբությունը հարցեր ուղղեց աշակերտներին` թելադրելով ժրաջան լինել ուսումնառության մեջ` ուրախություն պարգևելու ծնողներին, փառք և պատիվ բերելու իրենց ընտանիքներին:

Վերջում Ամենայն Հայոց Կաթողիկոսն ուխտավորներին խաչեր ընծայեց` մաղթելով Աստծո օրհնության ներքո երջանկությամբ շաղախված խաղաղ և անվրդով կյանք: Ուխտավորներն իրենց հերթին Նորին Սրբությանը նվիրեցին Բջնիի Սուրբ Սարգիս հնամենի եկեղեցու նկարը:

Աղբյուր՝ ter-hambardzum.net։

Լրահոս
Ի՞նչ տարբերություն… Բրիտանիայում գտել են Կուբրիկի սցենարը, որը 60 տարի համարվում է կորած Հին ուրվականները Գուլո Հասմիկ Պապյան. «Ուրախ եմ վերադառնալ Մոնտե Կառլոյի օպերային թատրոն» «Ոսկե ծիրան» Երևանի 15-րդ միջազգային կինոփառատոնի հաղթողները Ամենայն Հայոց Կաթողիկոսը հանդիպում ունեցավ Եգիպտոսի և ԱՄՆ Հայոց Արևմտյան թեմերի ուխտավորների հետ Սուրբ Մեսրոպ Մենավոր ծառ Աղուեսական Վանիչկա Տխուր երեխա Ձյուն Ես եմ 21-րդ դարի լավագույն կինոկատակերգությունները Երեք սերունդ և երեք նոր գիրք. ընթերցողի սեղանին են դրվել մանկապատանեկան նոր գործեր Գրիգոր Ղափանցյանի թանգարանը շենքային պայման չունի Երաժիշտները կրոնական պատկերագրության մեջ Հասմիկ Պապյան․ Աշնանային երգեր Հայ և հայություն «Հարսանիք թիկունքում». երևանյան երեք հյուրախաղերի բոլոր տոմսերը սպառված են Մի լուսանկարի պատմություն Գարուն Բադիկ Կատու Աշուն Խելոք երեխա Մահացել է Լուսիկ Ագուլեցին Անգլիայում հնագետները հայտնաբերել են «աստծու ձեռքը» Հ․ Շիրազ Շոն Բեյքերը՝ կինոյում ուսումնասիրությունների եւ հայ գործընկերոջ մասին Օրորոցի երգ Հաճախ ինքնանպատակ է լինում նոր թանգարանների բացումը. Կարո Վարդանյան Լուսավոր և արթուն հոգևոր ներաշխարհով «Եկեղեցին չի կարող շարունակաբար իր սրբությունների հանդեպ անհնազանդություն ցուցաբերողներին ընդունել իր մեջ» «Սիրելի պաշոնյաներ, իսկ հա’յ, պա’րզ հավատացյալի իրավունքն ո̕վ պետք է պաշտպանի» Արիստակես քահանա Հովհաննիսյան Կյանքից հեռացել է ՀՀ ժողովրդական արտիստ Բորիս Գևորգյանը Թումանյանական ոգով կամ Օլգա Թումանյանի դասերը ՊՈԱԿ-ի պարզաբանումը Ս․Աստվածածին եկեղեցու շուրջ ստեղծված աղմուկի վերաբերյալ Վարդ սիրեցի
website by Sargssyan