USD
EUR
RUB

Քոչարի «Կիբեռնետիկայի մուսան» և աշխարհի արարումը

 
 

Հեղինակ` Տաթև Մանուկյան

Հունիսի 22-ին Երևանի Մերգելյանի անվան մաթեմատիկական մեքենաների գիտահետազոտական ինստիտուտի բակում՝ Երվանդ Քոչարի «Կիբեռնետիկայի մուսան» քանդակի մոտ, տեղի է ունենալու համերգ- միջոցառում՝ «Քոչար. X Մուսան»։ Սա Kochar Sculptures Fest շարքի հերթական միջոցառումն է, երբ քոչարյան քանդակների մոտ, յուրաքանչյուրին համապատասխան հետաքրքիր ծրագրով փորձում են մեկ անգամ ևս հանրությանը իրազեկել այս կամ այն քանդակի ստեղծման պատմությունը, դրանցում թաքնված սիմվոլ - գաղտնիքները, քոչարյան ուղերձները։ Միջոցառման ծրագրում նախատեսված է համերգ՝ MHHOG ռոկ խմբի մասնակցությամբ, «Քոչարի Կիբերնետիկայի մուսան» տեսաֆիլմի ցուցադրություն՝ հայերեն և ֆրանսերեն լեզուներով։ Միջոցառման կազմակերպիչն է Երվանդ Քոչարի թանգարանը Արվեստի զարգացման աջակցում ՀԿ-ն հետ համագործակցությամբ։

Թանգարանն արդեն նմանատիպ միջոցառումներ անցկացրել է «Սասունցի Դավիթ», «Վարդան Մամիկոնյան» քանդակների մոտ։

Panorama.am-ը Քոչարի թանգարանի տնօրեն Կարինե Քոչարից հետաքրքրվեց, թե որն է նմանատիպ միջոցառումների անցկացման նպատակը, արդյո՞ք ամեն ինչ հայտնի չէ Քոչարի, նրա յուրահատուկ արվեստի մասին։

«Նախ՝ Երվանդ Քոչարի արվեստն անընդհատ հանրահռչակելու խնդիր ունենք։ Մենք ասում ենք, որ Հայաստանն ունի 21-րդ դարում ներկայանալու արվեստ այն դեպքում, երբ ուրիշ պետություններ, ազգեր խնդիր ունեն գտնելու 21-րդ դարին համահունչ իրենց արվեստագետին։ Հայաստանի դեպքում ունենք Քոչարի կարգի արվեստագետի, ով 21-րդ դարի արվեստ է մատուցել և հատկապես «Կիբեռնետիկայի մուսայի» տեսքով»,- ասաց Կ. Քոչարը։

Նա նշեց, որ այսօր իրենց թանգարան այցելուների, հատկապես հայաստանյան, մեծ մասին Քոչարը հայտնի է միայն որպես «Սասունցի Դավիթ» քանդակի հեղինակի, որպես քանդակագործ, սակայն այցելելով թանգարան՝ բացահայտում են Քոչար գրաֆիկի, նկարչի, նորարարի։

«Մենք ասում ենք, որ Քոչարը մեր ազգային զարթոնի ներկայացուցիչներից կարող է համարվել, կոնկրետ ստեղծագործություններ նշելով կարող ենք ապացուցել իր այդպիսին լինելը։ Մեր մոտեցումն է, որ Քոչարի անունը հայաստանյան բրենդ է, միգուցե դեռ ոչ լրիվ արժեվորված։ Ցանկացած այցելու իր համար դա բացահայտում է։ Մենք աշխարհին կարող ենք հանգիստ, հպարտորեն ներկայանալ այս ստեղագործողի ժառանգությամբ»,- ասաց Կ. Քոչարը։

«Կիբեռնետիկայի մուսան» քանդակը Քոչարը ստեղծել է 1972 թվականին։

«Ըստ Քոչարի, Աստված աշխարհի արարումը յոթ օրում չի ավարտել, այն այսօր շարունակվում է մարդկանց միջոցով, ձեռքերով։ Այդ մուսան դրա խորհրդանիշն է»,- քանդակի մասին ասաց Կարինե Քոչարը։

Լրահոս
Մոսկվայում բացվելու է Այվազովսկու նկարների և Բուլգակովի ձեռագրերի ցուցահանդեսը Արևին Գուրգեն Մահարի․ Չարենցի հետ Այսօրվա կաթողիկոսին մերժելով, հաջորդ բոլոր կաթողիկոսների անվտանգության հարցը ևս մերժում են Թոմ Հարդին Բրիտանական կայսրության շքանշանի է արժանացել Հայաստանի երաժշտական ընկերությունը՝ ազգային երաժշտության պահապան Ավետիք Իսահակյան-Ֆրունզիկ Մկրտչյան Մեր Տունը․ Մուշեղ Իշխան Ով պարտիզպան Անուն հանած երաժիշտները վերադառնում են հայրենիք Սերգեյ Սմբատյանը Վարշավայում հանդես կգա Քշիշտոֆ Պենդերեցկու փառատոնի շրջանակում Ո՞վ է այսօրվա հոգևորականը Մնջախաղի պետական թատրոնը շարունակում է վարձով ապրել Մեկնարկել է «Կին» միջազգային կինոփառատոնը Օֆելյա Համբարձումյան․ Ամեն տեսակ երգ երգեցի... Տպավորություններ Վիգեն Չալդրանյան. «Ես կառչած չեմ պաշտոնից, թատրոնն էլ պատժիչ գաղութ չէ» Անհանգստություն, որից չենք կարողանում բաժանվել Չինաստանում 2.100-ամյա ստորգետնյա «բանակ» է հայտնաբերվել Երբ աշխարհը խոսում է մատնոցների միջոցով «Ռուսաստանի թանգարանների գանձերը» ցուցահանդեսում ներկայացված է Այվազովսկու կտավը Առակ հոգու խաղաղության մասին Լուսինե Զաքարյան․ Ավե Մարիա Կարմիր ծաղիկ մը գարունի Դուք լավն եք մարդիկ Չարլզ Բուկովսկի․ Ինձ արդեն սպանել են Ահաբեկչություն ու շանտաժ՝ ըստ Չալդրանյանի Ամփոփվեց Խաչատրյանի 6-րդ միջազգային փառատոնը Սուրբ Գրքի ճանապարհը Հովհաննես Չեքիջյան. Կյանքը ափի մեջ. Աշնանային հեծություններ Եվրոպական ֆիլմերի փառատոնը հայ հանդիսատեսին հնարավորություն կընձեռի դիտել եվրոպական ֆիլմարտադրության վերջին գործերը Շուշին աստիճանաբար վերածվում է թանգարանային քաղաքի. նախարար Դիլիջանի երեխաները և «կորած» եկեղեցիները Հովհաննես Շիրազ․ Հանճարեղ խելագարը Հայոց ցեղասպանության մասին վավերագրական ֆիլմի ու գրքի շնորհանդես «Սոսե» կինոփառատոնի արտամրցութային ծրագրում Առաջին անգամ ներկայացվեց «Խաչատրյան նոն-ստոպ» համերգային ծրագիրը Դանիայի պատկերասրահի հավաքածուն՝ հանրային տիրույթում Անպտուղ թզենու մասին առակը Լուսինե Զաքարյան․ Միակ պահպանված հարցազրույցը
website by Sargssyan