USD
EUR
RUB

Բոլորիս համար լավ լուր ունեմ. Լիլիթ Մակունց

 
 

ՀՀ մշակույթի նախարար Լիլիթ Մակունցն օրերս ընդունել է ՀՀ-ում Իտալիայի Հանրապետության արտակարգ և լիազոր դեսպան Վինչենցո Դել Մոնակոյին, Իտալիայի արտաքին գործերի նախարարության ու Բոլոնիայի համալսարանի ներկայացուցիչներից կազմված պատվիրակությանը:

Նախարարությունից տեղեկացնում են, որ հանդիպման առանցքում Պատմամշակութային ժառանգության ամրակայման, պահպանության և կառավարման տարածաշրջանային կենտրոնին առնչվող հարցերն են եղել:

«Հուլիսի 30-ին Հայաստան կայցելի Իտալիայի նախագահը: Կարծում եմ, որ Հայաստանի և Իտալիայի նախագահների այցը «Պատմամշակութային ժառանգության ամրակայման, պահպանության և կառավարման տարածաշրջանային կենտրոն» կարող է դառնալ հայ-իտալական արդյունավետ համագործակցությունն ու մշակութային ամուր կապերը խորհրդանշող հետաքրքիր քայլ»,- ասել է ՀՀ-ում Իտալիայի Հանրապետության արտակարգ և լիազոր դեսպան Վինչենցո Դել Մոնակոն:

«Բոլորիս համար լավ լուր ունեմ. կարճ ժամանակահատվածում մեզ հաջողվել է գտնել Իտալական կենտրոնի գործունեության համար, թերևս, լավագույն տարածքը: Այն Երևանի սրտում է՝ Հանրապետության հրապարակում»,- իտալացի հյուրերին տեղեկացրել է ՀՀ մշակույթի նախարար Լիլիթ Մակունցը:

Մշակույթի նախարարի տեղակալ Տիգրան Գալստյանը հավելել է, որ Իտալական կենտրոնի համար նախատեսված տարածքը Հայաստանի պատմության թանգարանում է:

«Ժամանակը կարճ է, պետք է հասցնել: Հայաստանում այս կենտրոնի ստեղծումը չափազանց մեծ դեր կարող է ունենալ ամբողջ տարածաշրջանի համար: Իրականում որոշ երկրներ ցանկանում են կրկնօրինակել այս ծրագիրը»,- ասել է Իտալիայի արտաքին գործերի նախարարության ներկայացուցիչ, ծրագրի համակարգող Ռիտա Գոննելլին:

Նշյալ տարածքին ծանոթանալու նպատակով իտալացի հյուրերը Հայաստանի պատմության թանգարան ուղևորվեցին հանդիպումից անմիջապես հետո:

Հիշեցնենք, որ «Պատմամշակութային ժառանգության ամրակայման, պահպանության և կառավարման տարածաշրջանային կենտրոն» հիմնելու մասին համատեղ հայտարարությունը ստորագրել են Հայաստանի և Իտալիայի արտաքին գործերի նախարարները` 2016 թվականի նոյեմբերին, Իտալիայի ԱԳ նախարար Պաոլո Ջենտիլոնեի Հայաստան կատարած այցի ընթացքում: Ծրագրի հիմնական ֆինանսավորումն իրականացնում է իտալական կողմը:

Աղբյուր՝ Panorama.am:

Լրահոս
Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ Վերադարձնենք լույսի եւ ջերմության մեր պատառը Հրանտ Մաթեւոսյանին Մայր Աթոռում կատարվեց Տեառնընդառաջի նախատոնակը Ռեժիսոր. Մեր գործադիր իշխանությունը հումանիզմի տարրական չափաբաժին չունի Կալկաթայի մարդասիրական ճեմարան «Լավագույն օպերային ձայնագրություն» անվանակարգում հաղթող գործն առնչվեց հայի անվան հետ» Զարդերի վերածված Կիլիկիայի մանրանկարչությունը Լևոն Խեչոյան․ Սև գիրք, ծանր բզեզ Ժամանակի ոգով գրված գիրք՝ «Շիլափլավ եւ շիլաշփոթ» Կա դրվագ, որը հոգեբանորեն դժվար է խաղալը. Ալեքսանդր Խաչատրյանի «Գարուն ա» ֆիլմը Ապրիլյան պատերազմի մասին է. լուսանկար Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին «Նոր սերունդ, նոր անուններ» խորագրով ցուցահանդեսը նվիրվեց Հովհաննես Թումանյանի հոբելյանին «Ավրորան» Մատենադարանին տված դրամաշնորհը կուղղի հայկական գրչության կենտրոնների ինտերակտիվ քարտեզի ստեղծմանը Պետրոս Դուրյան․ Բանաստեղծություններ Վարդգես ԱՀԱՐՈՆՅԱՆ. Ամենայն հայոց բանաստեղծը Ամերիաբանկը Հայաստանում ներկայացնում է օպերային մեծանուն երգիչ Պաատա Բուրչուլաձեին Հայ Եկեղեցու 20-րդ դարի նշանավոր գործիչներին նվիրված գիտաժողով ԱՄՆ-ում Հիսուսի՝ տաճարին ընծայման տոն կամ Տեառնընդառաջ. փետրվարի 14-ին «Նոր Թումանյանի բացահայտման փուլ պետք է սկսվի» Ազգային կինոկենտրոնի քմայքները կամ վերաձևված կանոնակարգ Այսօր մրուրն է իրեն սերուցք հորջորջում, մարմինը գլխիվայր է տեղաշարժվում Պաշտոնական ընդունելություն Մելբուռնում ի պատիվ Ամենայն Հայոց Կաթողիկոսի Մուշեղ Իշխան․ Բանաստեղծություններ Վահագն Դավթյան․ Լույս առավոտի Ձեռնարկել բոլոր հնարավոր միջոցները, որպեսզի կինոռեժիսորը դադարեցնի հացադուլը Մոսկվայում վերջին հրաժեշտն են տվել թատրոնի և կինոյի հայտնի դերասան Սերգեյ Յուրսկիին Հանրայինը զբաղված է մեր եկեղեցու հանդեպ ատելության քարոզով
Ամենաընթերցված
website by Sargssyan