USD
EUR
RUB

Ռուսաստանում համաշխարհային բեմական արվեստի բարձրագույն նվաճումների ամենաներկայացուցչական համաժողովին առաջին անգամ կմասնակցենք

 
 

Գարնանը Երեւանում անցկացվեց ԱՊՀ-ի, Բալթյան երկրների եւ Վրաստանի երիտասարդական թատերական ֆորումը: Երրորդ անգամ անցկացվող այս միջոցառման նպատակն անկասկած նույնն էր՝ երիտասարդ թատերական գործիչների միջեւ ստեղծագործական շփումների ամրապնդումը, ինչն անկասկած խթան է համընդհանուր երիտասարդական թատերական-մշակութային հարթակ ստեղծելու, սերտ գործակցելու համար: Կայացած ֆորումի գլխավոր մրցանակը՝ «Ոսկե հովանոցը», շնորհվել է ռեժիսոր Տաթեւ Մելքոնյանին՝ Տանկրեդ Դոդորսթիի «Ես այստեղ եմ» բեմադրության համար, «Լավագույն դերակատար» ճանաչվեց Արամ Կարախանյանը: Հենց այս բեմադրությունն էլ կմասնակցի 2019թ. Մոսկվայում կայանալիք Չեխովի անվան թատերական միջազգային փառատոնին, որի գլխավոր տնօրեն, թատերական միությունների միջազգային համադաշնության նախագահ Վալերի Շադրինը «Առավոտի» հետ զրույցում շնորհավորելով, իր ուրախությունը կիսեց չեխովյան փառատոնում առաջին անգամ Հայաստանի մասնակցության առիթով: Պարոն Շադրինը ժպտալով հիշեցրեց, որ Չեխովյան փառատոնը Ռուսաստանում համաշխարհային բեմական արվեստի բարձրագույն նվաճումների ամենաներկայացուցչական համաժողովն է: Օրերս ռեժիսոր Ռուբեն Բաբայանը մեզ հայտնեց, որ օգոստոսին Տաթեւ Մելքոնյանի հետ մեկնելու են Մոսկվա՝ ընտրելու այն թատրոնը, որի բեմում հաջորդ տարի կներկայացվի «Ես այստեղ եմ»-ը: Չեխովյան փառատոնի նման աշխատաոճը մեզ համար նորություն է, մի նոր մշակույթ եւ մասնագետները չեխովյան փառատոնը դասում են Ավինյոնի (Ֆրանսիա) եւ Էդինբուրգի (Մեծ Բրիտանիա) եւ այլ հեղինակավոր փառատոների շարքում: 

Վերջերս Ռուբեն Բաբայանի ռեժիսուրայով Ռաֆայել Հակոբջանյանի «Անպարկեշտ Թոմի մեկնաբանությունները» պիեսում դերասանական զուգախաղով իսկապես փայլեցին Տաթեւ Մելքոնյանն ու Արամ Կարախանյանը, էլ չեմ խոսում բեմադրության մասին: Նման հաջողությունից հետո էլ լինում են կուլիսային խոսակցություններ: Այս անգամ էլ շրջանառվում է, ինչի հետ համակարծիք ենք, թե Ռուբեն Բաբայանը յուրաքանչյուր իր ուսանողի համար անում է ամեն հնարավորն ու նույնիսկ անհնարը: Իսկ Տաթեւը սովորել է Երեւանի թատրոնի եւ կինոյի պետական ինստիտուտի «Տիկնիկային թատրոնի դերասան» բաժնում՝ Ռուբեն Բաբայանի արվեստանոցում, մինչ այդ էլ ուսանել Տամբովի Դերժավինի անվան պետական համալսարանի նույն բաժնում: Տեղեկացնենք, որ դերասանուհի Տաթեւ Մելքոնյանին հանդիպել ենք Տիկնիկային թատրոնում (իբրեւ տիկնիկավար նույնպես), Մետրո թատրոնում, Ստանիսլավսկու անվան ռուսական թատրոնում: Ժամանակին Ստանիսլավսկու անվան ռուսական պետական դրամատիկական թատրոնում երջանկահիշատակ գեղարվեստական ղեկավար Ալեքսանդր Գրիգորյանը մեզ հետ զրույցի ժամանակ, իսկ թեման Գրիբոյեդովի «Խելքից պատուհասն» էր, հիացմունքով արտահայտվեց երիտասարդ դերասանների մասին, այդ թվում՝ Տաթեւ Մելքոնյանի եւ Արամ Կարախանյանի:

Մի հիշեցում նույնպես. Նարինե Գրիգորյանի «Երկնագույն գունդ» ներկայացման մեջ՝ ըստ Ցվետաեւայի պոեզիայի, հենց ռեժիսորը մեզ ասել էր, որ «նման բան հաճախ չի պատահում, բայց կոնկրետ այս դեպքում՝ ես երկրորդ Տաթեւ չեմ պատկերացնում»:

Խիտ գրաֆիկով աշխատող արվեստագետի հետ մեզ չհաջողվեց կապվել, ինչը կկրկնենք Մոսկվայից նրանց վերադառնալուց հետո:

ՍԱՄՎԵԼ ԴԱՆԻԵԼՅԱՆ
Աղբյուր՝ Aravot.am:

Լրահոս
Առակ հոգու խաղաղության մասին Լուսինե Զաքարյան․ Ավե Մարիա Կարմիր ծաղիկ մը գարունի Դուք լավն եք մարդիկ Չարլզ Բուկովսկի․ Ինձ արդեն սպանել են Ալեքսանդր Մազուրը՝ կամերային համերգներով «քաղցը» հագեցնելու եւ ոլորտը կարգավորելու մասին Ահաբեկչություն ու շանտաժ՝ ըստ Չալդրանյանի Ամփոփվեց Խաչատրյանի 6-րդ միջազգային փառատոնը Սուրբ Գրքի ճանապարհը Հովհաննես Չեքիջյան. Կյանքը ափի մեջ. Աշնանային հեծություններ Եվրոպական ֆիլմերի փառատոնը հայ հանդիսատեսին հնարավորություն կընձեռի դիտել եվրոպական ֆիլմարտադրության վերջին գործերը Շուշին աստիճանաբար վերածվում է թանգարանային քաղաքի. նախարար Դիլիջանի երեխաները և «կորած» եկեղեցիները Հովհաննես Շիրազ․ Հանճարեղ խելագարը Հայոց ցեղասպանության մասին վավերագրական ֆիլմի ու գրքի շնորհանդես «Սոսե» կինոփառատոնի արտամրցութային ծրագրում Առաջին անգամ ներկայացվեց «Խաչատրյան նոն-ստոպ» համերգային ծրագիրը Դանիայի պատկերասրահի հավաքածուն՝ հանրային տիրույթում Անպտուղ թզենու մասին առակը Լուսինե Զաքարյան․ Միակ պահպանված հարցազրույցը Եգիպտոսում գտել են դամբարաններ՝ մումիֆիկացված կենդանիներով Համերգ՝ նվիրված Կամերային նվագախմբի հիմնադիր Զարեհ Սահակյանցի 85-ամյակին Գերմանաբնակ հայուհի Կարմենը երաշխավորել է գերմանաբնակ ռուսազգի Էսկամիլիոյին Եվրոպայի լավագույն ֆիլմ-2018-ի հավակնորդները Աղոթք օրվա ավարտի Սբ. Անտոն Մեծ - Խրատներ 5.1-15 Էրմիտաժը «զավթել» է առեւտրի կենտրոնը ՃՇՀԱՀ-ը հերթական անգամ ձեռնամուխ է եղել պատմության հավաքագրմանը և հրատարակմանը Վարդան Հակոբյան Ինչու Քրիստոնյաներն Ամեն Կիրակի Պետք Է Մասնակցեն Սուրբ Պատարագին Հատկացումների համար կա օրենքով նախատեսված ընթացակարգ. Մշնախի պարզաբանումը՝ Թովմաս Պողոսյանի ահազանգին Հայկ Մելիքյան. հայ եւ արտասահմանցի ժամանակակից կոմպոզիտորների երկերի տարածող զուսպ դաշնակահարը Միշտ նույն խոհերի շշուկին հլու Ի խորոց սրտի խօսք ընդ Աստուծոյ «Անկախության և ազատության հոգևոր խորհուրդը».Տ.Ասողիկ ք.Կարապետյան Բարձր առնեմ զՔեզ Այվազովսկու պակերասրահը մնում է Ղրիմի սեփականությունը Նորին Սրբությունն աղոթում է զոհված չորս քաջարի զինվորականների հոգու հանգստության համար Արվեստակիրներ. Արթուր Գրիգորյան Ամենայն Հայոց Կաթողիկոսն ընդունեց ԵՊՀ Արևելագիտության ֆակուլտետի պրոֆեսորադասախոսական անձնակազմին և ուսանողներին Ջազային անմոռանալի հրավառություն՝ Երեւանում
website by Sargssyan