USD
EUR
RUB

Բուլղարացի ռեժիսոր. «Կինս հայուհի է, ֆիլմի «վատ տղան» էլ ՝ Թոնի Մինասյանն է»

 
 

«Ոսկե ծիրան» միջազգային երեւանյան կինոփառատոնի շրջանակում Հայաստան են ժամանել բուլղարացի կինոգործիչներ, ռեժիսոր, պրոդյուսեր Իլիան Ջեւելեկովը, պրոդյուսերներ Մատեյ Կոնստանտինովը եւ Գեորգի Դիմիտրովը: Նրանց «Ամենագոն» ֆիլմը փառատոնի ծրագրում է:

Ֆիլմի հեղինակները եւ Հայաստանում Բուլղարիայի դեսպան Մարիա Պավլովա Ցոցորկովա- Կայմակտչիեւան հուլիսի 10-ին հանդիպեցին լրագրողների հետ:

«Ոսկե ծիրանի» ծրագրերի տնօրեն Միքայել Ստամբոլցյանը «Ամենագոն» որակեց որպես ամենահետաքրքիր ֆիլմերից մեկը: Անդրադարձ եղավ ֆիլմում շոշափվող թեմայի եւ Ջորջ Օրվելի «1984»-ի հետ գրական առնչությունների մասին, Միքայել Ստամբոլցյանն էլ Հերբերտ Ուելսի «Անտեսանելի մարդու» հետ զուգահեռներ տարավ:

Իլիան Ջեւելեկովն ասաց, որ ուրախ է մասնակցել երեւանյան փառատոնին, նաեւ որոշ «փակագծեր բացեց». «Հայաստանի հետ կապված անձնական մանրամասներ կան, կինս կիսով չափ հայուհի է, իսկ նրա տատիկը Անրի Վերնոյի զարմուհին է»: Ռեժիսորը հայտնեց, որ ֆիլմը նկարված չէ իրական փաստերի հիման վրա, ասաց, որ ընտրել են մի խնդիր, թե ինչպես տեխնոլոգիաների, տեսախցիկների, սենսորների միջոցով հնարավոր է ներխուժել մարդկանց անձնական տարածք, մի բան, որ տասը տարի առաջ կարող էին անել միայն համապատասխան ծառայությունները: Նրա բնորոշմամբ, զոհը ոչ թե այն մարդիկ էին, որոնց նկարում էին, այլ հենց նկարողը:

Ռեժիսորը, խոսելով բուլղարական կինոյի մասին ընդհանրապես, նշեց, որ բուլղարական ֆիլմերը վերջին տարիներին հաջողություններ են գրանցում միջազգային փառատոներում:

Մատեյ Կոնստանտինովն էլ փաստեց, որ վերջին շրջանում բուլղարացիները կինոթատրոններ են այցելում հատկապես բուլղարական ֆիլմեր դիտելու համար, ինչը վկայում է իրենց ազգային կինոյի որակի մասին:

Պատասխանելով Aravot.am-ի հարցին՝ ի սկզբանե հաշվարկե՞լ էին , որ նման թեմայի ընտրությունը ֆիլմին կարող է այնպիսի հաջողություն բերել, որ ամենավաճառվողը դառնա, Իլիան Ջեւելեկովն ասաց, որ այնպիսի ֆիլմ են նկարել, որ հետաքրքրի ոչ միայն տեղական լսարանին, այլեւ բոլորին, ապա վկայակոչեց ֆիլմի մրցանակները եւ կինոքննադատների կարծիքները:

Նա ասաց, որ ֆիլմի հերոսներից «վատ տղան» հայազգի Թոնի Մինասյանն է, ապա կատակով ավելացրեց, որ մի խումբ աղջիկներից նրա հետ ծանոթանալու հայտեր են ստացվել:

Հետաքրքրվեցինք, թե բուլղարացի կինոգործիչները եւ Հայաստանում Բուլղարիայի դեսպանը ի՞նչ ֆիլմեր են հասցրել դիտել: «Ամենագոն» ֆիլմի հեղինակներն ասացին, որ դեռ չեն հասցրել այլ ֆիլմեր դիտել, քանի որ փառատոնը նոր է սկսվել, իսկ դեսպանը հիացմունքով խոսեց Ռոբեր Գեդիկյանի «Առանձնատունը» ֆիլմի մասին: «Ուրախ եմ, որ մեր «Ամենագոն» ֆիլմի ցուցադրությունը համընկավ կինոյի ոլորտում հայ-բուլղարական համագործակցության սկզբի հետ: «Ոսկե ծիրանը» լավ համբավ ունի աշխարհում»,- շեշտեց տիկին Պավլովան:

Մատեյ Կոնստանտինովի ձեւակերպմամբ, ահավոր է, երբ մարդն անկախ իր կամքից ժամանակակից աշխարհում հայտնվում է տեսախցիկների թիրախում: «Օրինակ, ես այսօր առավոտյան ծիրան էի ուտում, շապիկս կեղտոտվեց, հենց ճեմասրահում հանեցի, փոխեցի, մեկ էլ նկատեցի, որ մի քանի տեսախցիկ ինձ ֆիքսել են մինչեւ գոտկատեղս մերկ», - ժպտալով ասաց նա:

Իլիան Ջեւելեկովը պատմեց, որ ֆիլմի հերոսի ակնոցը, որ HD ձեւաչափով նկարելու հնարավորություն ունի, իրենք գնել են համացանցով, եւ այսօր ամեն մեկին հասու է մատչելի գնով նման գնումներ կատարելը: «Ի դեպ, հիմա, երբ ակնոցով մարդու հետ եմ զրուցում, նայում էի՝ հո կարմիր լույս չի՞ վառվում, մտածում եմ, հանկարծ ինձ չնկարի»,- ասաց նա:

Պարոն Ստամբոլցյանը Գեորգի Դիմիտրովին, որն ամենաքչախոսն էր, կատակով ասաց, որ նրա անունով փողոց կա Երեւանում. «Ուղղակի այն ավելի շուտ է անվանակոչվել, քան դուք ծնվել եք»:

Գոհար ՀԱԿՈԲՅԱՆ
Աղբյուր՝ Aravot.am:

Լրահոս
Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ Վերադարձնենք լույսի եւ ջերմության մեր պատառը Հրանտ Մաթեւոսյանին Մայր Աթոռում կատարվեց Տեառնընդառաջի նախատոնակը Ռեժիսոր. Մեր գործադիր իշխանությունը հումանիզմի տարրական չափաբաժին չունի Կալկաթայի մարդասիրական ճեմարան «Լավագույն օպերային ձայնագրություն» անվանակարգում հաղթող գործն առնչվեց հայի անվան հետ» Զարդերի վերածված Կիլիկիայի մանրանկարչությունը Լևոն Խեչոյան․ Սև գիրք, ծանր բզեզ Ժամանակի ոգով գրված գիրք՝ «Շիլափլավ եւ շիլաշփոթ» Կա դրվագ, որը հոգեբանորեն դժվար է խաղալը. Ալեքսանդր Խաչատրյանի «Գարուն ա» ֆիլմը Ապրիլյան պատերազմի մասին է. լուսանկար Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին «Նոր սերունդ, նոր անուններ» խորագրով ցուցահանդեսը նվիրվեց Հովհաննես Թումանյանի հոբելյանին «Ավրորան» Մատենադարանին տված դրամաշնորհը կուղղի հայկական գրչության կենտրոնների ինտերակտիվ քարտեզի ստեղծմանը Պետրոս Դուրյան․ Բանաստեղծություններ Վարդգես ԱՀԱՐՈՆՅԱՆ. Ամենայն հայոց բանաստեղծը Ամերիաբանկը Հայաստանում ներկայացնում է օպերային մեծանուն երգիչ Պաատա Բուրչուլաձեին Հայ Եկեղեցու 20-րդ դարի նշանավոր գործիչներին նվիրված գիտաժողով ԱՄՆ-ում Հիսուսի՝ տաճարին ընծայման տոն կամ Տեառնընդառաջ. փետրվարի 14-ին «Նոր Թումանյանի բացահայտման փուլ պետք է սկսվի» Ազգային կինոկենտրոնի քմայքները կամ վերաձևված կանոնակարգ Այսօր մրուրն է իրեն սերուցք հորջորջում, մարմինը գլխիվայր է տեղաշարժվում Պաշտոնական ընդունելություն Մելբուռնում ի պատիվ Ամենայն Հայոց Կաթողիկոսի Մուշեղ Իշխան․ Բանաստեղծություններ Վահագն Դավթյան․ Լույս առավոտի Ձեռնարկել բոլոր հնարավոր միջոցները, որպեսզի կինոռեժիսորը դադարեցնի հացադուլը Մոսկվայում վերջին հրաժեշտն են տվել թատրոնի և կինոյի հայտնի դերասան Սերգեյ Յուրսկիին Հանրայինը զբաղված է մեր եկեղեցու հանդեպ ատելության քարոզով
Ամենաընթերցված
website by Sargssyan