Հսկան

Կար մի հսկա մեր գյուղում,
Շատ էր սիրում կերուխում:
Ախ, անիծվեր այդ օրը,
Կրակն ընկել էր փորը,
Կուլ էր տվել մեր հսկան
Մի չաղլիկ մուկ ճստճստան,
Մուկն էլ սոված ու ծարավ՝
Կուշտ փորի մեջ քեֆ արավ:

Հսկան ցավից մղկտաց
Ու բժշկի մոտ գնաց:
– Մի տրտնջա այդքան խիստ, –
Ասաց բժիշկը հանգիստ, –
Թե որ կուլ տաս մի կատու՝
Կառողջանաս իսկույն դու:

Անգլիական ժողովրդական մանկական բանաստեղծություններ
Հենրիկ Սևանի փոխադրությամբ