USD
EUR
RUB

Ասղար Ֆարհադի. «Ինձ կաշկանդում է հաջողակ ռեժիսորի պիտակը»

 
 

 Հուլիսի 11-ին ՀԲԸՄ գրասենյակում հանդիպում էր կազմակերպվել կրկնակի օսկարակիր, Բեռլինի միջազգային կինոփառատոնի մրցանակակիր Ասղար Ֆարհադիի հետ, որը նաեւ գլխավորում է «Ոսկե ծիրանի» ժյուրին:

Հարցին, որ իր ֆիլմերում բարձրացնում է բարոյականության խնդիրներ, սակայն ռեժիսորը իր հերոսներին կարծես չի դատում, Ասղար Ֆարհադին պատասխանեց, որ յուրաքանչյուր՝ բարոյականությանն առնչվող խնդիր իրավիճակային է. «Դուք ինքներդ պետք է ձեզ հարց տաք՝ ի՞նչ է դա իրապես, որն է մեր չափանիշը՝ կրո՞նն է, սոցիալական կանոնակարգե՞րը, խի՞ղճը, թե՞ հանրային խիղճը…Այո, ես չեմ դատում իմ հերոսներին, որպես ռեժիսոր եւ սցենարիստ տալիս եմ ազատություն իմ լսարանին,, որ լսարանը դատողություններ անի»:

Նա նաեւ հավելեց. «Երբ ռեժիսորն ասում է, որ սա սեւ է, իսկ սա սպիտակ, մտածելու տեղ չի թողնում լսարանի համար, իսկ դա ժողովրդավարական հարաբերություն չէ լսարանի հանդեպ…Ֆիլմը կարող է տալ բոլոր պատասխանները, բայց ավելի արդարացի է, երբ քեզ մոտ հարցեր են մնում, ու ինքդ ես ֆիլմից հետո փորձում դրանց համար պատասխաններ գտնել»:

Ասղար Ֆարհադին կարեւորեց կինոյի եւ թատրոնի կապը, հիշեց, որ ժամանակին իրեն չեն ընդունել կինեմատոգրաֆիական բաժին, ու ստիպված սովորել է թատերական բաժնում: Սակայն այժմ, ինչպես ճանաչված ռեժիսորն է նշում, ինքը շնորհակալ է թատրոնից. «Սովորական կյանքը ես սովորեցի կինեմատոգրաֆիայից, իսկ թատրոնից սովորեցի դրաման, այժմ այդ երկուսը խառնում եմ իմ ֆիլմերում»:

Նա հավելեց, որ մի օր երազում է վերադառնալ «հայրական տուն»՝ թատրոն, որն իր ձեւակերպմամբ, լավագույն տեղն է ստեղծագործելու համար, ու ինչպես բժշկի մոտ ես գնում՝ իմանալու առողջ ես, թե ոչ, այդպես էլ թատրոնում կարող ես իմանալ՝ լա՞վ արվեստագետ ես, թե՞ ոչ:

Արվեստագետի խոսքերով, իր ֆիլմերն իր մանկության պատկերներն են. «Ռեժիսորը դեռեւս մանկուց է ռեժիսոր, դերասանն էլ մանկուց է դերասան»: Նա մի համոզում էլ ունի՝ բոլոր մարդիկ ամբողջ աշխարհում նման են. «Նրանց զգացմունքները նույնն են, օրինակ, մայրական սերը նույնն է Ճապոնիայում եւ Իսպանիայում, արտահայտման ձեւերն են տարբեր, ու ռեժիսորի խնդիրն է որսալ հենց այդ տարբերությունները»:

Ասղար Ֆարհադին ասում է, որ իրեն կաշկանդում է հաջողակ կինոռեժիսորի «պիտակը». «Այդ դեպքում ես չեմ ունենում ազատություն, ու մարդիկ միայն լավ ֆիլմեր են ակնկալում ինձնից»:

Aravot.am-ը ռեժիսորին խնդրեց պատասխանել այն հարցին, թե իր կարծիքով՝ ինչպես են աշխարհաքաղաքական զարգացումներն անդրադառնում հայտնի փառատոնում, օրինակ՝ Կաննում տրվող մրցանակների, մրցանակակիրների ընտրության վրա:

«Ես չեմ եղել աշխարհի բոլոր հեղինակավոր կինոփառատոներում, ունեմ որոշակի տեղեկատվություն այն փառատոներից, որտեղ եղել եմ: Մի բան կասեմ՝ փառատոներն օգտակար են ֆիլմերի համար եւ կարող են վտանգավոր լինել ֆիլմարտադրողների համար: Որպեսզի փառատոները հայտնվեն թերթերի էջերում, նրանք պետք է նաեւ թեժ թեմաներ բարձրացնեն, որպեսզի լսարանը կարծի, թե դա քաղաքականության ազդեցությունն է: Իրականում փառատոներն ավելի շատ մտածում են սեփական վարկանիշի մասին»:

Գոհար ՀԱԿՈԲՅԱՆ
Աղբյուր՝ Aravot.am:

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan