USD
EUR
RUB

Ֆրանսահայ ռեժիսոր. «Այսօր ավելի շատ հայ եմ զգում, քան ֆրանսիացի»

 
 

15-րդ «Ոսկե ծիրան» կինոփառատոնի եւ Հայաստանում Ֆրանսիայի Հանրապետության դեսպանության հետ համատեղ հուլիսի 10-ին տրվեց «Ֆրանկոֆոն երկրների կինոն» ծրագրի մեկնարկը եւ այդ շրջանակում ցուցադրվեց ֆրանսիացի դերասան, սցենարիստ եւ կինոռեժիսոր Վալերի Մասադյանի «Միլա» ֆիլմը:

Փառատոնի տնօրեն Սուսաննա Հարությունյանը նշեց, որ ծրագրում ներառված է տասնհինգ, այդ թվում՝ կանադական, լիբանանյան, բելգիական եւ այլ ֆրանկոֆոն երկրների արտադրության ֆիլմեր:

Հայաստանում Ֆրանսիայի դեսպան Ջոնաթան Լաքոտը նշեց, որ 2018 թվականը Հայաստանում յուրահատուկ տարի է: «Գարունն արդեն յուրահատուկ էր, ամառը նույնպես յուրահատուկ է 15-րդ «Ոսկե ծիրան» կինոփառատոնով, իսկ աշունը կլինի ավելի յուրահատուկ՝ Երեւանում անցկացվելիք Ֆրանկոֆոնիայի գագաթնաժողովի շնորհիվ»,-ասաց դեսպանը:

Նրա ձեւակերպմամբ, այս տարի ֆրանկոֆոնիան ներկա է Հայաստանում. «Շնորհակալ ենք, «Ոսկե ծիրան» կինոփառատոնին, որ այս տարի հատուկ տեղ է հատկացրել ֆրանկոֆոն ֆիլմերին: Փառատոնը բացվել է Ռոբեր Գեդիկյանի «Առանձնատունը» ֆրանսիական ֆիլմով, եւ բոլորս անհամբեր սպասում ենք տեսնել Վալերի Մասադյանի «Միլա» ֆիլմը: Ֆրանսիական դեսպանությունը սատարել է «Ոսկե ծիրան» փառատոնին՝ ստեղծման տարեթվից»: Պարոն Լաքոթի խոսքերով, փառատոնում ներկայացված ֆիլմերը ֆրանկոֆոնիայի արժեքների համատեքստում են:

Վալերի Մասադյանն ասաց, որ ուրախ է Հայաստանում գտնվել փառատոնի շրջանակում, ինչում իրեն աջակցել է Հայաստանում Ֆրանսիայի դեսպանությունը: «Այսօր ինձ ավելի շատ հայ եմ զգում, քան ֆրանսիացի: Քառասունհինգ տարեկան եմ, ապրում եմ Երոպայում, որտեղ մի փոքր լարվածություն կար: Այն, ինչ տեսանք, որ կատարվեց Հայաստանում այս օրերին, բոլորս ուշադիր հետեւում էինք, նույնիսկ ոչ հայերը: Դա բոլորիս շատ մեծ հույս տվեց»,-ասաց Մասադյանը:

Նա նշեց, որ չի սիրում, որ ֆիլմից առաջ խոսում են. «Պետք է ինչ-որ առումով կույս լինել ֆիլմը դիտելուց առաջ եւ ոչ մի սպասում չունենալ, մտքով հնարավորինս ազատ ու պատրաստ լինել ֆիլմն ընդունելու համար»:

Գոհար ՀԱԿՈԲՅԱՆ
Աղբյուր՝ Aravot.am:

Լրահոս
Ես եմ 21-րդ դարի լավագույն կինոկատակերգությունները Երեք սերունդ և երեք նոր գիրք. ընթերցողի սեղանին են դրվել մանկապատանեկան նոր գործեր Գրիգոր Ղափանցյանի թանգարանը շենքային պայման չունի Երաժիշտները կրոնական պատկերագրության մեջ Հասմիկ Պապյան․ Աշնանային երգեր Հայ և հայություն «Հարսանիք թիկունքում». երևանյան երեք հյուրախաղերի բոլոր տոմսերը սպառված են Մի լուսանկարի պատմություն Գարուն Բադիկ Կատու Աշուն Խելոք երեխա Մահացել է Լուսիկ Ագուլեցին Անգլիայում հնագետները հայտնաբերել են «աստծու ձեռքը» Հ․ Շիրազ Շոն Բեյքերը՝ կինոյում ուսումնասիրությունների եւ հայ գործընկերոջ մասին Օրորոցի երգ Հաճախ ինքնանպատակ է լինում նոր թանգարանների բացումը. Կարո Վարդանյան Լուսավոր և արթուն հոգևոր ներաշխարհով «Եկեղեցին չի կարող շարունակաբար իր սրբությունների հանդեպ անհնազանդություն ցուցաբերողներին ընդունել իր մեջ» «Սիրելի պաշոնյաներ, իսկ հա’յ, պա’րզ հավատացյալի իրավունքն ո̕վ պետք է պաշտպանի» Արիստակես քահանա Հովհաննիսյան Կյանքից հեռացել է ՀՀ ժողովրդական արտիստ Բորիս Գևորգյանը Թումանյանական ոգով կամ Օլգա Թումանյանի դասերը ՊՈԱԿ-ի պարզաբանումը Ս․Աստվածածին եկեղեցու շուրջ ստեղծված աղմուկի վերաբերյալ Վարդ սիրեցի Մայր Աթոռը մեր ամենքիս տունն է և մենք չենք հանդուրժի որևէ ոտնձգություն մեր սրբությունների նկատմամբ Հասմիկ Պապյանն Արցախում հանդես կգա մենահամերգով Սերժ Թանկյանն ու Տարոն Մալաքյանը՝ խումբը չմիավորելու պատճառների մասին Գառնուկ Արաքսի արտասուքը Մայրաքաղաքում կրթած հայ աղջիկ Պտուղներ Անձրև Գարուն Ձմեռ Նոր տարի Ձյուն Անմոռուկ
Ամենաընթերցված
website by Sargssyan