USD
EUR
RUB

Հաճախ ինքնանպատակ է լինում նոր թանգարանների բացումը. Կարո Վարդանյան

 
 

Թանգարան՝ բաց երկնքի տակ։ Այսպես են ներկայացնում Հայաստանը՝ հարյուրավոր վանքերի, խաչքարերի բացօթյա ցուցադրության համար։ Հայաստանը հարուստ է նաև հենց թանգարաններով, ինչը, բնական է, քանի որ ունենք հարուստ մշակութային ժառանգություն։ Այդ թանգարաններից շատերն ունեն վերանորոգման, հիմնանորոգման կարիք, ունեն ցուցադրությունների թարմացման, ժամանակակից պահանջներին հարմարեցնելու խնդիր։

Եղիշե Չարենցի անվան գրականության և արվեստի թանգարանն ունի հինգ մասնաճյուղ՝ Դսեղում Հովհաննես Թումանյանի, Գորիսում՝ Ակսել Բակունցի, Աշտարակում՝ Պերճ Պռոշյանի, Երևանում՝ Դերենիկ Դեմիրճյանի և Սիլվա Կապուտիկյանի տուն-թանգարանները։

Panorama.am-ը հետաքրքրվեց Եղիշե Չարենցի անվան գրականության և արվեստի թանգարանի տնօրեն Կարո Վարդանյանից, թե ի՞նչ վիճակում են իրենց ենթակայության տակ գտնվող թանգարանները։ Նա ասաց, որ 2011 թվականից է այդ պաշտոնում, այս տարիների ընթացքում կարողացել են սուղ միջոցներով տուն-թանգարանները բերել այնպիսի վիճակի, որոնք այժմ իրենց մարզերում կարևոր մշակութային օջախներ են։ Տուն-թանգարաններից միայն Սիլվա Կապուտիկյանին է անմխիթար վիճակում։ Նշենք, որ երեք տարի է, ինչ տուն-թանգարանը կցվել է թանգարանին։

«Սիլվա Կապուտիկյանի տուն-թանգարանի շենքային պայմանները խայտառակ վիճակում են։ Նույնիսկ իր կենդանության օրոք էր տան հիմնանորոգման հարցը մտահոգում Սիլվա Կապուտիկանին»,- նշեց Կ. Վարդանյանը՝ հավելելով, որ թեև անմխիթար վիճակ է, բայց դա չի խագարում, որ թանգարանը լիարժեք գործի։

2019 թվականին նշվելու է բանաստեղծուհու 100-ամյա հոբելյանը։ Թանգարանի տնօրենը ենթադրում է, որ կստեղծվի հոբելյանական հանձնաժողով, իսկ նման դեպքում շատ ավելի ռեալ է դառնում խնդիրների լուծումը։ Այս դեպքում, նրա խոսքով, առաջին հերթին հիմնանորոգման խնդիրը պետք է բարձրացվի։

Կարո Վարդանյանը նշեց, որ Հայաստանում կան թանգարաններ, որոնք վերանորոգման կարիք ունենք, սակայն չցանակացավ նշել որևէ անուն։

«Բնական է, որ պետք է լինեն նման թանգարաններ, քանի որ մեր փոքրիկ երկրում ունենք տասնյակ ու տասնյակ թանգարաններ։ Ոչ միայն ունենք, այլ ամեն տարի տասնյակ նախաձեռնող խմբեր են ստեղծում, պահանջում են պետությունից բացել այս թանգարանը, այն թանգարանը։ Համաձայնեք, որ հաճախ ինքնանպատակ է լինում նոր թանգարանների բացումը։ Թանգարանը պետք է կենդանի, կենսունակ ռիթմիկ օրգանիզմ լինի՝ ամենօրյա այցելուներով, միջոցառումներով, մշակութային մթնոլորտով։ Եթե պետությունն այդքան ծախս է անում՝ շենքը կառուցում է, ցուցադրության հարցերը հոգում է, հաստիքներ է հատկացնում և ամիսներով մարդ չի մտնում, դա արդեն դառնում է ինքնանպատակ։ Իմ սուբյետիվ դիրքորոշումն է՝ եղածը բարվոքել, ավելացնել այցելուների քանակը, ցուցադրությունները հարմարեցնել ժամանակակից աշխարհում ընդունված պայմաններին, լինեն գործող, կենսունակ օրգանիզմներ, ինչպես ժամանակակից աշխարհում է»,- ասաց Եղիշե Չարենցի անվան գրականության և արվեստի թանգարանի տնօրենը։

Հարցին, թե ի՞նչ կարող է անել Հայաստանը՝ Ջավախքում՝ Գանձա գյուղում գտնվող Վահան Տերյանի տուն-թանգարանի վերանորոգման ուղղությամբ, Կ. Վարդանյանն ասաց, որ այն այլ պետության՝ Վրաստանի տարածքում է, ինչը խնդրի լուծումը բարդացնում է։

«Մեծագույն բանաստեղծուհու տուն-թանգարանը խայտառակ վիճակում է, աղետալի վիճակ է։ Ցուցադրությունը նույնպես աղետալի վիճակում է, ներկայացված են տասնամյակների վաղեմությամբ խունացած լուսանկարներ, թղթեր։ Մենք մեր միջոցներով փորձում ենք աջակցել։ Երեք տարի առաջ մեր թանգարանում գտնվող Տերյանի ֆոնդը բարձր որակով, խտությամբ թվայանցրել եմ, երկու սկավառակով նվիրել տուն-թանգարանին այն ակնկալիքով, որ կարելի է նոր պաստառներ տպագրել, նոր լուսանկարներ անել, գոնե ցուցադրությունը թարմացնեն։ Ցավոք, իմ տվյալներով, այդպես էլ ոչինչ չեն արել այդ ուղղությամբ»,- նշեց նա։

Միաժամանակ հավելեց, որ երկու տարի առաջ Կարծախում բացվել է աշուղ Ջիվանուն տուն-թանգարանը, իրենք կատարել են հետազոտական աշխատանք, ուսումնասիրել Ջիվանու ժամանակակիցների ֆոնդերը, բավականին նյութ ստացել, թվայնացրել ու նվիրել տուն-թանգարանին։

Տերյանի տուն-թանգարանի հետ կապված Կ. Վարդանյանը նաև ասաց. «Այն, ինչ որ պետք է արվի, արել ենք՝ նյութերի, խորհրդատվության առումով։ Ինչ վերաբերում է շենքային անմխիթար պայմաններին, կարծում եմ, վարչապետերի, մշակույթի նախարարների մակարդակով հանդիպումներից մեկի ժամանակ նաև այդ հարցը պետք է օրակարգում լինի»։

Աղբյուր` Panorama.am

Լրահոս
Խաչատրյանի կամերային-գործիքային ստեղծագործությունների ընտրանին՝ խաչատրյանական փառատոնին Մեսրոպ Մաշտոց․ Խնայեա' ի մեղուցեալ ծառայս «Իմ սիրտը». Սարոյանի պատմվածքը կդառնա պլաստիլինե մուլտֆիլմ Կարդում է Հենրիկ Էդոյանը «Քաղաքական թեժ գործընթացների փուլում ընտանեկան խնամքից դուրս մնացած երեխաների մասին հոգ տանելը կարևոր է». «Երևան» քառյակ Հայ Մայրիկին Աղօթքը Ամենաարժանավորը Հայտնի դիրիժոր Դեբորա Վոլդմանը հանդես կգա Կամերային նվագախմբի հետ Ուրարտուի արվեստը կներկայացվի Բրիտանական թանգարանում Սեն Հովհաննիսյանը` Արա Գյուլերի հետ հանդիպման ու նրա հումորի մասին Հող հայրենի Ամենասուրբ Երրորդութեանն Լևոն Խեչոյան․ Այգին «Աշխարհին ապացուցել եմ, որ ես էլ ես եմ» «Հին ու նոր Երևան»՝ նվիրված Երևանի 2800-ամյակին Սբ. Հովհան Մանդակունի․ Անասնամոլների, իգամոլների և արվամոլների մասին Ինչպես լուսանկարչության գագաթը հայտնվեց Արարատի գագաթին Պատվավոր «Օսկարի» դափնեկիրները Արթիկում որմնանկար է հայտնաբերվել Ես Հայաստան, ես քարե․․․ Ամեն. Հայր Սուրբ. Ֆեդերիկո Մոնդելչի Մահվան տեսիլ Դիրիժոր Դեբորա Վոլդմանը հանդես կգա Կամերային նվագախմբի հետ Հազվադեպ ներկայացվող ինքնատիպ ստեղծագործություններ՝ Կամերային նվագախմբի կատարմամբ Ֆորշ․ Կառապան Սերգեյ Սմբատյանը ներկայացրեց Սիմֆոնիկ նվագախմբի առաջիկա ծրագրերը Մոսկվայում հոսպիտալացվել է Արմեն Ջիգարխանյանը. նրա վիճակը միջին ծանր է Երկու տների առակը «Գուցե գլխումս մի երկ ծագի, որտեղ իր տեղը կունենա հայկական մեղեդին» Վերականգնումից հետո բացվել է Տաթևի Սուրբ Աստվածածին եկեղեցին Պետրոս Դուրյան․ «Դրժել» Ունենալու ենք հիանալի հյուրեր. «Ռեանիմանիայի» տնօրեն Ստրասբուրգի Մայր տաճարում ելույթ ունեցավ «Նաղաշ» համույթը Զար զընգը, Կոմիտաս վարդապետ Տասը կույսերի առակը Պետական սիմֆոնիկ նվագախմբի այս տարվա համերգաշրջանը կառանձնանա «Մայքլ Ջեքսոն» նախագծով Հայաստանի վարպետները ներկայացրին ձեռագործ իրեր Պողոս Ադրիանապոլսեցի՝ «Խրատի թանգարան» Արցունքներս Պարապություն
website by Sargssyan