USD
EUR
RUB

«Հարսանիք թիկունքում». երևանյան երեք հյուրախաղերի բոլոր տոմսերը սպառված են

 
 

Այսօր՝ հուլիսի 14-ին Գ. Սունդուկյանի անվան պետական դրամատիկական թատրոնում կկայանա ապրիլյան քառօրյա պատերազմի հերոսներին նվիրված ներկայացման պրեմիերան: Այս մասին այսօրվա մամուլի ասուլիսի ժամանակ տեղեկացրեց Գյումրու Վ. Աճեմյանի անվան դրամատիկական թատրոնի տնօրեն Տիգրան Վիրաբյանը՝ հավելելով, որ Երևանում նախատեսված հյուրախաղային բոլոր երեք ներկայացումների տոմսերը վաղուց սպառված են:

«Մինչև հուլիսի 20-ը խաղացվելիք 12 ներկայացումները դիտած կլինի ընդհանուր առմամբ 10 հազար հանդիսատես, տոմսերի վաճառքից ստացված գումարը կկազմի 13 միլիոն դրամ»,- ասաց նա:

Թատրոնի տնօրենի տեղեկացմամբ, նախորդ 7 ներկայացումները խաղացվել են Գյումրիում, Երևանից հետո ներկայացումը հյուրախաղային շրջագայություներ կունենա նաև Արցախում և արտերկրում:

«Ներկայացումը բեմադրվել է Մշակույթի նախարարության աջակցությամբ և Գյումրու պետական թատրոնի արտաբյուջետային միջոցներով: Առաջին ներկայացումների տվյալներով, ֆինանսական ծախսերն ամբողջովին փակվել են, այսուհետ խաղացվող ցանկացած ներկայացում եկամուտներ է ապահովելու Գյումրու դրամատիկական թատրոնի արտաբյուջեն լցնելու համար»,- ասաց նա:

Ինչ վերաբերում է արտասահմանյան ներկայացումներին, Տիգրան Վիրաբյանը տեղեկացրեց, որ այս պահին բանակցություններ են ընթանում լիբանանցի և ամերիկացի գործընկերների հետ:

«Բանակցային գործընթացները սկսվել են, ամենայն հավանականությամբ ԱՄՆ-ում ներկայացումը կբեմադրվի մինչև այս տարվա վերջ»,- ասաց նա:

Տիգրան Վիրաբյանը նաև տեղեկացրեց, որ «Հարսանիք թիկունքում» ներկայացումն Արցախում կխաղացվի հինգ անգամ, ինչն աննախադեպ է:

«Հայաստանի և Արցախի Մշակույթի նախարարություններն առաջին անգամ նախապատրաստում են նաև մեկ այլ համատեղ ներկայացում: Պիեսն արդեն պատրաստվում է, բեմադրիչները կլինեն երկուսը՝ Արցախի թատրոնի գեղարվեստական ղեկավար Ռուզաննա Խաչատրյանը, և Գյումրու դրամատիկական թատրոնի գլխավոր ռեժիոսոր Լյուդվիգ Հարությունյանը»,- նշեց Տիգրան Վիրաբյանը:

ՀՀ մշակույթի փոխնախարար Նազենի Ղարիբյանն էլ ասաց, որ Մշակույթի նախարարության գերակա խնդիրներից մեկը նախանշվել է մարզերում մշակութային կյանքի աշխուժացումն ու տարածումը:

«Ուրախ ենք, որ այս առումով կապ կա Մայր թատրոնի և Գյումրու դրամատիկական թատրոնի միջև: Հույս ունեմ, որ ՀՀ մյուս մարզերի թատրոնները ևս հնարավորություն կունենան Երևանում ներկայանալու»,- ասաց նա:

Փոխնախարարը շեշտեց, որ «Հարսանիք թիկունքում» ներկայացման հաջողությունը հակասում է տարածված այն կարծրատիպին, որ մարդիկ թատրոն չեն գնում, թատրոնով հետարքրված չեն. «Պահանջարկը կա, մարդիկ սիրում և կարոտում են թատրոնը»:

Գյումրու պետական դրամատիկական թատրոնի գլխավոր ռեժիսոր Լյուդվիգ Հարությունյանն էլ հայտնեց, որ «Հարսանիք թիկունքում» ներկայացման վրա թիմն աշխատել է շուրջ մեկ տարի:

«Սա մի իրական պատմություն է՝ ապրիլյան քառօրյա պատերազմի հերոսներից մեկի Հրաչի, և նրա ընտանիքի մասին: Ներկայացումն ամբողջությամբ իրական հիմքերի վրա է: Որպես ռեժիսոր՝ փորձել եմ, որ ներկայացման մեջ, ինչքան հնարավոր է, լաց չլինի, հակառակը ծիծաղ և Գյումրու հումոր»,- ասաց ռեժիսորը՝ շեշտելով, որ իր համար խիստ կարևոր է՝ ինչպես ներկայացումը կընդունի երևանցի հանդիսատեսը:

Ներկայացման երաժշտության հեղինակ, կոմպոզիտոր Հայկոն իր հերթին նշեց, որ Գյումրիում՝ ներկայացման ժամանակ, իր հուզմունքը շատ մեծ էր, սակայն այսօր հուզմունքն առանձնակի մեծ է, քանի որ այն ներկայացվելու է Երևանում՝ Մայր թատրոնում:

«Ինձ համար շատ յուրահատուկ աշխատանք էր, կյանքի շրջան, որն ապրեցի ամբողջ անձնակազմի հետ: Մի տեսակ մտել եմ այդ ներկայացման մեջ: Առաջին անգամ եմ աշխատել թատրոնի համար: Շատ կուզենայի, որ նման աշխատանքներ էլի լինեին: Թատրոնի հետ աշխատելը յուրահատուկ հաճույք է»,- ասաց կոմպոզիտորը:

Աղբյուր՝ Panorama.am:

Լրահոս
«Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում «Մի՜ տխրիր, Ե՜ս եմ Քո ընկերը»...Ֆորշ Բարձր գրականություն Արքմենիկ Նիկողոսյանի հետ. Պարույր Սևակ Արևի լույսը «Երդիկն ի վար» Հենրիկ Էդոյան. Գիշերվա նախադռան առջև Պատարագ. Մակար Եկմալյան Նա, ով ողջախոհություն, չափավորություն, ժուժկալություն չի իմացել, չի կարող ներս մտնել Բենքսին ցույց է տվել, թե ինչպես է պատրաստվել կտավի ինքնաոչնչացմանը «Ժառանգած բարձրագույն մշակույթը պահելու հիմքը դրվում է ուսանողական տարիներից» Նարեկ Հախնազարյան. Հոկտեմբերի բոլոր համերգները նվիրված կլինեն Ազնավուրի հիշատակին «Սիրուն քո աչքերի մեջ կորցնում եմ ես ինձ» «Միայն Էդուարդ Տեր-Ղազարյանին հաջողվեց մեծ հանճարներին տեղավորել ասեղի անցքի մեջ» Բինգյոլ Հայոց լեզու Հոգևոր զրույցներ. Նարեկաբուժություն Ով երանելիդ «Չնայած ապրում եմ Ֆրանսիայում, ճամփորդում աշխարհով մեկ, իմ ազգայինից երբեք չեմ օտարվում» Կամերային նվագախմբի և երգչախմբի համերգը նվիրվեց Շառլ Ազնավուրի հիշատակին Մոմերով երթ` նվիրված Ազնավուրի հիշատակին Սրտի մաքրութիւն. Սուրբ Հակոբ Մծբնա հայրապետ
Ամենաընթերցված
website by Sargssyan