USD
EUR
RUB

Հասմիկ Պապյան. «Ուրախ եմ վերադառնալ Մոնտե Կառլոյի օպերային թատրոն»

 

Մոնակոյում նախատեսված են Հայաստանի օրեր, որի շրջանակում կկայանա բարեգործական համերգ Օպերա դե Մոնտե Կառլոյում՝ նվիրված Արամ Խաչատրյանի 115-ամյակին, նաեւ կլինի հայկական կոնյակների և գինիների համտես, հայկական լյուքս դասի ապրանքանիշների ցուցադրություն: Այս մասին հուլիսի 16-ին «Արմենպրեսի» մամուլի սրահում կայացած ասուլիսում հայտնեց ARMENIAN COLLECTION 2018 MONTE-CARLO խորագրով միջոցառման նախաձեռնող և կազմակերպիչ Վրույր Փենեսյանը:

Նա պարզաբանեց, թե ինչու հենց այդ համերգասրահում. «1974 թ Արամ Խաչատրյանը հենց այդ համերգասրահում է առաջին անգամ հանդես եկել: Այժմյան համերգը նվիրված է Արամ Խաչատրյանի ծննդյան 115-ամյակին: Համերգասրահի նախասրահում համերգից առաջ կկազմակերպվի Արամ Խաչատրյանի լուսանկարների ցուցահանդես` միջազգային հեղինակությունների հետ: Համերգը բարեգործական բնույթ ունի»:

Արամ Խաչատրյանի տուն-թանգարանի տնօրեն Արմինե Գրիգորյանը նշեց, որ հրաշալի հնարավորություն կլինի հոբելյանական տարում մեր մաեստրոյին ներկայացնել Մոնակոյում: Նա հիշեցրեց, որ ապրիլ ամսին եւս նման մի ցուցահանդես էլ եղել է Մալթայի մայրաքաղաք Վալետայում, որը այս տարի Եվրոպայի մշակութային մայրաքաղաք է հռչակվել:

«Երբ 1973-ին Արամ Իլյիչը հյուրընկալվել էր Ֆրանսիայում` Ռոստրոպովիչի հետ, նրանք որոշել էին այցելել Մոնակո: Այդ այցը նախատեսված չէր, ու երկրի արքայազնը եւ իր տիկինը այդ պահին երկրում չէին, բայց երբ իմանում են, որ այդպիսի հյուրեր են ժամանել, ընդմիջում են իրենց այցը Լոնդոն, վերադառնում, որպեսզի հյուրընկալեն նման մեծանուն հյուրերի: Արքայազնը առաջարկել էր, որ Արամ Խաչատրյանը ոչ միայն փառատոնի մասնակցի, այլեւ ելույթ ունենա, նաեւ հատուկ փառատոնի համար մի գործ գրի: Եվ իսկապես, 1974 թ. Ռոստրոպովիչի հետ միասին Արամ Խաչատրյանը ելույթ ունեցավ հանրահայտ դահլիճում»,-պատմեց Արմինե Գրիգորյանը:

Հասմիկ Պապյանը նշեց, որ ուրախ է` Մոնտե Կառլոյի օպերային թատրոնում նման բացառիկ համերգի հնարավորության համար. «Այս օպերային թատրոնը Եվրոպայի թատրոնների եւ համերգասրահների մարգարիտներից մեկն է: Չեմ կարող երեւակայել, թե ինչպես է հաջողվել պարոն Փենեսյանին վարձակալել այդ թատրոնը նման միջոցառման համար»:

Օպերային երգչուհին հավելեց, որ սիրով է համաձայնել մասնակցել նախագծին, հավելեց, որ 2009-ին «Նորմա» է երգել նույն թատրոնում, այժմ ուրախ է, որ Հայաստանը ներկայանալու է բարձր մակարդակով եւ նշաձողով:

Փենեսյանի խոսքով, սա առաջին քայլն է Մոնակոյի հետ մշակութային եւ տնտեսական կապեր սկսելու նկատառումներով, եւ նման միջոցառումները ավանդական կդառնան:

Գոհար ՀԱԿՈԲՅԱՆ
Աղբյուր՝ Aravot.am:

Լրահոս
Մեդիալաբը ձեռնարկում է հանրային ֆինասավորման արշավ Նայեաց սիրով Ձեռագործ աշխատանքների ցուցահանդես Չարենցի տուն-թանգարանում Աննամակ ծրար․ Պարույր Սևակ Սերը և բաժանումը Ավետիք Իսահակյան․ Մայրիկ ՅՈՒՆԵՍԿՕ-ն՝ Սուրբ Սոֆիա տաճարի կարգավիճակի փոփոխության Էրդողանի մտադրության մասին Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին «Հայտնի չէ՝ եկեղեցիների վերականգնումը օգու՞տ է բերում որմնանկարներին, թե՞ վնաս» Արվեստի վերածված սուրճն ու կակաոն Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով
website by Sargssyan