USD
EUR
RUB

«Եթե ԱԱԾ-ն Նարեկ Սարգսյանից բացի մյուսների տներն էլ մտնի, այնքան գողացված նկար կգտնի, որ կարող է մի մեծ պատկերասրահ լցվի»․Սամվել Գալստյան

 

Գյումրեցի ճանաչված գեղանկարիչ Սամվել Գալստյանի համոզմամբ, հայտնի նկարիչների աշխատանքը գողանալը մի նպատակ է հետապնդում. դրանք միմիայն փողի վերածել։ «Հաստատ համոզված եմ, որ Սարյանի կամ Մինասի նկարները գողանալով՝ չեն տանի իրենց պատից կախեն, իրենց նպատակը վաճառելն ու ահռելի գումարներ աշխատելն է։ Իրենք գործերից չեն հասկանում, գիտեն, որ Սարյանը թանկ է գնահատվում, Մինասը թանկ է գնահատվում, բայց այն, որ գողացողը խելագարվի, թե Մինասի գործը իր տան պատից պիտի կախվի, չկա էդպիսի բան։ Հասկացող, գնահատող մարդը կարող է վերին աստիճանի աղքատ լինել, բայց երազի մի հատ Մինաս ունենալ տանը։ Էդ օլիգարխը երբեք չի երազի Մինաս ունենալ, կմտածի Մինաս ունենամ, վաճառեմ»։

Գեղանկարչի ասելով, իրենից էլ մեծ թվով նկարներ են գողացել, սակայն այդպես է չի հայտնաբերվել, թե ո՞վ էր գողացողը։ «Ինձանից շատ են գողացել, անգամ մի հաղորդում եղավ՝ շատ լավ վերնագիր էին դրել․ հարցազրույցի ժամանակ ես ասել էի, որ ինձանից շատ աշխատանքներ են գողացվել, վերնագրել էին՝ Սամվել Գալստյանի աշխատանքներն ավելի շատ գողացվել են, քան ցուցադրվում են։ Ես անգամ ոստիկանություն եմ դիմել, դրանք համացանց մտած աշխատանքներ էին, գնահատված։ Անգամ մի աշխատանք կար, պայմանավորվել էինք, Ամերիկայից մի կոլեկցիոներ կար, նա արդեն գնել էր, ես պիտի տանեի, իրեն հանձնեի, «Եվրոպա» հյուրանոցում էինք պայմանավորվել , 15 րոպեի ընթացքում մեքենայի միջից գողացան նկարը, բավական էլ թանկարժեք նկար էր։

Շատերը գերադասում են գողացվածը գնելը, դա նույնպես գողություն է, երբ որ գիտես գողացված է․․․ Նպատակը ո՞րն է․ գողացված աշխատանքը վերավաճառել մեծ գներով։ Ես չեմ հասկանում, որ վերջերս Սարյանի գծանկարները տարել էին, տարե՞լ էին իրենց պատերից կախեի՞ն, աբսուրդ կլիներ, որ էդ մակարդակի մարդը Սարյան․․․ Էս էդ մարդուն էնքան կհարգեի,եթե էդպես լիներ, բայց ես գիտեմ, որ տարել է մեծ թվերով վաճառելու։

Եթե ԱԱԾ-ն մյուսների տներն էլ մտնի, միանշանակ գողացված նկարներ կհայտնաբերի, ազնվությամբ եմ ասում։ Նույնիսկ եթե խնդիր դնի, որ հատուկ նկարները պիտի նայեն, էքսպերտի միջոցով ճանաչեն, թե դրանք ում աշխատանքներն են, էնքան աշխատանք կգտնի, կարող է մի մեծ պատկերասրահ լցվի»,- ասում է գեղանկարիչը։

Նունե ԱՐԵՎՇԱՏՅԱՆ
Աղբյուր՝ Aravot.am:

Լրահոս
Մեդիալաբը ձեռնարկում է հանրային ֆինասավորման արշավ Նայեաց սիրով Ձեռագործ աշխատանքների ցուցահանդես Չարենցի տուն-թանգարանում Աննամակ ծրար․ Պարույր Սևակ Սերը և բաժանումը Ավետիք Իսահակյան․ Մայրիկ ՅՈՒՆԵՍԿՕ-ն՝ Սուրբ Սոֆիա տաճարի կարգավիճակի փոփոխության Էրդողանի մտադրության մասին Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին «Հայտնի չէ՝ եկեղեցիների վերականգնումը օգու՞տ է բերում որմնանկարներին, թե՞ վնաս» Արվեստի վերածված սուրճն ու կակաոն Նոր նշանակումներ «Մեծ լուսատուն` ցերեկը իշխելու համար, իսկ փոքր լուսատուն` գիշերը իշխելու համար» «Սա Բեռնհարդ Շլինկի տեսակետն է Հոլոքոստի մասին, որը նա մեծ վարպետությամբ գրականություն է դարձրել» Ինչո՞ւ Իրանում հետաքրքրվեցին «Բանկ Օտոմանով» 30 տարի անց «Քամին ունայնության» ֆիլմը վերադարձավ կինոյի տուն ՀԱՊ-ում բացվելու է Անատոլի Գրիգորյանի ստեղծագործությունների ցուցահանդեսը Վախթանգ Անանյան․ ՈՒշացած խոստովանություն Դավիթ Սամվելյան․ Լեռան տակի քարոզ Հայկական ավանդական երաժշտությունը և մշակութային անվտանգության հիմնահարցը. Ալեքսանդր Սահակյան Ամենայն Հայոց Կաթողիկոսը հանդիպում ունեցավ վերապատրաստման դասընթացների մասնակիցների հետ Հայաստանը մասնակցում է Հնագույն քաղաքակրթությունների ֆորումին Վարդան Հակոբյան․ Անվերադարձ աչքեր Դավիթ Հովհաննես․ Մեզանից հետո ուժեղ ու հաղթանդամ․․․ Զքէն խորհեցան Ավ. Իսահակյանի անվան գրադարանը «կտարածվի» Քրիստոնեական ներողամտության մասին Տնտեսի կիրակի (Մեծ պահքի չորրորդ կիրակի) Նանե․ Դու… կանգուն մնա… Վահան Թոթովենց․ Ես ծաղիկ չունիմ… Ամենայն Հայոց Կաթողիկոսն ընդունեց Տավուշի նորանշանակ մարզպետին Մարտի 21-ին Գառնիում ծիսական արարողություն և տոնախմբություն է Վարանդի «Բերդաքաղաքի» ձեռագիրը կարդալուց անմիջապես հետո և մեկ տարի անց «Հայաստանի պետական սիմֆոնիկ նվագախումբը ֆանտաստիկ կոլեկտիվ է». Կարմինե Լաուրի Բուենոս Այրեսում Հայոց ցեղասպանությանը նվիրված թանգարան կկառուցվի Ասել՝ սերիալներն այն չարիքն են, որ կործանում են մեզ և մեր երկիրը, մեծագույն սխալ է. Հրաչ Քեշիշյան Խարիկ Դաշտենց․ Լեռան ծաղիկները Մետաքսե․ Հուշերի մորմոք Աղոթքը հոգու շնչառություն է Այսօր կանգնեցաւ աւազան Մանսուրյան. Մեր երաժշտության մեջ բաց կար՝ բարձրագույն պոեզիան երգելու առումով
website by Sargssyan