«Բերդ»-ի ցուցադրությունը թարմացնելու, նոր ցուցանմուշներով ներկայանալու առաջարկություն է արվել

«Բերդ»-ի ցուցադրությունը թարմացնելու, նոր ցուցանմուշներով ներկայանալու առաջարկություն է արվել

«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արա Թարվերդյանի հրամանով ստեղծված աշխատանքային խումբը` տնօրենի տեղակալ Լիանա Գևորգյան, գիտահետազոտական բաժնի վարիչ Կարինե Բազեյան և գիտաշխատող Խորեն Գրիգորյան, «Բերդ» պատմամշակութային արգելոցում էր:

ՊՈԱԿ-ից հայտնում են, որ նրանք կազմակերպության մասնաճյուղի ցուցասրահում ներկայացված և պահպանվող 790 թանգարանային առարկայի հաշվառման, գիտական նկարագրման, ծածկագրման աշխատանքներ են իրականացրել:

Սահմանամերձ գոտում գտնվող մշակութային օջախը հյուրընկալում է ոչ միայն տեղացիներին, այլև` օտարերկրացիներին: Հաշվի առնելով վերոնշյալ հանգամանքը` աշխատանքային խումբը ցուցադրությունը թարմացնելու, նոր ցուցանմուշներով ներկայանալու առաջարկ է ներկայացրել տնօրինությանը:

Աղբյուր՝ Panorama.am:

Հետևեք մեզ նաև Telegram-ում