Բառարանները լռում էին․․․

Բառարանները լռում էին․․․

Մինչ բառարանները
լռում էին,
ես հորինեցի քեզ:
Դեռ լույս չտեսած լեզվով
ասացի՝ մենակ եմ:
Աղոթեցի դեռևս
անտիպ տառերով:
Բառարանները լռում էին,
գործը գլուխ եկավ՝
ինձ ապրելով:
Գիտնականները լռում էին,
հորինեցի «սրճարան»-ը:
Բոլորը եկան,
սրճեցին,
համբուրվեցին
ու հեռացան:
Հորինեցի սրճարանն ու էդպես էլ չխմեցի
անվանական սուրճը:
Հորինեցի սերն ու էդպես էլ չսիրեցի:
Բառարանները լռում էին,
ու դեռևս չհորինված
մահը վրա հասավ:

Անի ՅԱՎՐԵՆՑ

Հետևեք մեզ նաև Telegram-ում