USD
EUR
RUB

Մեր օպերան վերջին 25 տարիների ընթացքում տակնուվրա կյանք է ապրել. Բաբազյան

 
 

«Հայաստանի մշակութային քաղաքականության մեջ վերջերս բարելավումներ եմ նկատել»,- այս մասին այսօր մամուլի ասուլիսի ժամանակ ասաց փարիզաբնակ ռեժիսոր, դերասան Ժիրայր Բաբազյանը։

«Բավականին երկար ժամանակ հին, սովետական մտածելակերպով աշխատաձևեր կային, որոնք ինձ բացարձակ դուր չէին գալիս և խուսափում էի, բայց երբ որ 2016 թվականին պատահաբար հանդիպեցի այն ժամանակ Համազգային թատրոնի տնօրեն Վարդան Մկրտչյանին, զրուցեցինք, հասկացա, որ սերունդը փոխվել է։ Այդ սերնդափոխությունն ինձ խանդավառեց, այն դերասան-դերասանուհիների, որոնց հետ ծանոթացրեց նա, հասկացա, որ ուրիշ սերունդ է։ Նախորդ սերունդը մի քիչ ինքնահավան էր»,- պատմեց ռեժիսորը։

Նա հայտնեց, որ օգօստոսի 16-ին տեղի կունենա իր բեմադրությամբ Լևոն Չուքազյանի «Կարին» օպերայի պրեմիերան։ Բաբազյանը հատուկ շեշտեց, որ ներկայացման մեջ ներառել է երիտասարդ սերնդի արտիստներին։

«Պրեմիերան մայիսի 12-ին էր նախատեսված, սակայն երկրում տեղի ունեցող իրադարձությունների պատճառով հետաձգվեց։ Փորձեր չկարողացանք անել, կիսատ-պռատ եղան որոշ փորձեր, մոտենալ չէինք կարողանում Օպերայի շենքին։ Բեմադրությունը արևմտահայերենով է, և այն կլինի այս շրջանի միակ արևմտահայերեն լեզվով մատուցված գործը»,- ասաց Ժիրայր Բաբազյանը։

Նա հիշեցրեց, որ «Կարին» օպերան առաջին անգամ բեմադրել է ֆրանսերեն լեզվով Փարիզում՝ 2010 թվականին, այնուհետև մինչև 2015 թվականը ներկայացրել են Ֆրանսիայի այլ քաղաքներում. «Դահլիճներն ավելի շատ օտար հանդիսատեսով էր լցված, քան հայերով»։

Հարցին, թե այստեղ բեմադրության կազմակերպման ժամանակ ի՞նչ դժվարությունների է հանդիպել, փարիզաբնակ ռեժիսորը պատասխանեց. «Նախ աշխատաձևը շատ տարբեր է, հետո գումարի հետ կապված հարցրեր կան, ամեն մի փորձը գումար է։ Այստեղի օպերան ռեպերտուարային թատրոն է, մի գիշեր «Կարմեն» են երգում, մի գիշեր՝ «Տոսկա», և իրենց կենտրոնացումը մաքուր չի լինում։ Իսկ եթե այսպիսի մեծ մասշտաբային ռեպերտուարով օպերա ենք ցանկանում պահել, պետք է գոնե երկու խումբ լինի։ Օպերան վերջին 25 տարիների ընթացքում այնքան տակնուվրա կյանք է ապրել, որ մեկ երկու տարվա մեջ խնդիրները չեն լուծվի։ Այնտեղ փորձասենյակ չկա մարդավարի։ Երբ բեմը զբաղված է, զուգահեռ աշխատանք տանելու համար փորձասենյակ է պետք»։

Նրա կարծիքով՝ պետության և մշակույթի աշխատողների միջև մտածողությունը լուրջ ուսումնասիրության ենթարկված չէ։

Աղբյուր՝ Panorama.am:

Լրահոս
«Առաւօտ լուսոյ»․ «Գեղարդ» երգչախումբ Հովհաննես Բադալյան․ «Գարեգին Նժդեհ» «Չախու» Ռաֆայել Պատկանյան.«Արաքսի արտասուքը» «Սպարտակը» կցուցադրվի Աթենքի հնագույն ամֆիթատրոնում Համերգ՝ նվիրված «Նեմեսիս» գործողության մասնակիցներին Նիկոլա Ազնավուր. Իմ հայրը գերմարդ էր Հայաստանյան պրեմիերա՝ Յուրի Բաշմետի և «Մոսկվայի մենակատարներ»-ի համերգին Մոնթե Մելքոնյան Տէր ողորմեա. Հայր Աղան Երնջակյան Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին Ո՞ւր Մնաց Օրօր Մանրադիտակային քանդակների հեղինակների աշխատանքները՝ կողք-կողքի Հայոց ցեղասպանության թանգարան-ինստիտուտի ժամանակավոր ցուցադրությունների սրահում բացվեց նոր երկու ցուցադրություն՝ «Ապրելու կամքը և փրկելու առաքելությունը» և «Գրիգոր Ճօլօլեան. Փարիզի հայ լուսանկարիչը» Ամենայն Հայոց Կաթողիկոսը հանդիպում ունեցավ նորաօծ եկեղեցականների հետ Ալեքսանդր Կոտի «Սպիտակ» ֆիլմը Հայաստանի կողմից ներկայացվել է «Օսկար»-ի Թուրք լրագրող. «Ինչու՞ չկա Կոմիտասի հուշարձանը իր ծննդավայր Քյութահյայում. նրա համար, որ հա՞յ է». Էրմենիհաբեր Հայաստանում ելույթ կունենա Գալան տրիոն «Լեգենդ և իրականություն» Մասոնները՝ Հայաստանում «Մի՜ տխրիր, Ե՜ս եմ Քո ընկերը»...Ֆորշ Բարձր գրականություն Արքմենիկ Նիկողոսյանի հետ. Պարույր Սևակ Արևի լույսը «Երդիկն ի վար» Հենրիկ Էդոյան. Գիշերվա նախադռան առջև Պատարագ. Մակար Եկմալյան Նա, ով ողջախոհություն, չափավորություն, ժուժկալություն չի իմացել, չի կարող ներս մտնել Բենքսին ցույց է տվել, թե ինչպես է պատրաստվել կտավի ինքնաոչնչացմանը «Ժառանգած բարձրագույն մշակույթը պահելու հիմքը դրվում է ուսանողական տարիներից» Նարեկ Հախնազարյան. Հոկտեմբերի բոլոր համերգները նվիրված կլինեն Ազնավուրի հիշատակին «Սիրուն քո աչքերի մեջ կորցնում եմ ես ինձ» «Միայն Էդուարդ Տեր-Ղազարյանին հաջողվեց մեծ հանճարներին տեղավորել ասեղի անցքի մեջ» Բինգյոլ Հայոց լեզու Հոգևոր զրույցներ. Նարեկաբուժություն Ով երանելիդ «Չնայած ապրում եմ Ֆրանսիայում, ճամփորդում աշխարհով մեկ, իմ ազգայինից երբեք չեմ օտարվում» Կամերային նվագախմբի և երգչախմբի համերգը նվիրվեց Շառլ Ազնավուրի հիշատակին Մոմերով երթ` նվիրված Ազնավուրի հիշատակին Սրտի մաքրութիւն. Սուրբ Հակոբ Մծբնա հայրապետ
Ամենաընթերցված
website by Sargssyan