«Կինոշոկում» կմրցեն նաև հայկական ֆիլմեր

«Կինոշոկում» կմրցեն նաև հայկական ֆիլմեր

Անապայում նախօրեին մեկնարկել է ԱՊՀ և Բալթյան երկրների «Կինոշոկ» 27-րդ կինոփառատոնը, որը կշարունակվի մինչև սեպտեմբերի 9-ը։

Նյուզռու.քոմ կայքը գրում է, որ փառատոնն ունի հինգ մրցութային ծրագիր՝ լիամետրաժ ֆիլմերի մրցույթ, կարճամետրաժ ֆիլմերի մրցույթ, վավերագրական ֆիլմերի մրցույթ, «ՏՎ-շոկ» (խաղարկային հեռուստաֆիլմեր), մանկական ֆիլմերի մրցույթ («Киномалышок»)։

Լիամետրաժ, կարճամետրաժ և վավերագրական մրցութային ֆիլմերը գնահատվում են ժյուրիի կողմից, հեռուստատեսային մրցութային ֆիլմերը՝ հանդիսատեսի քվեարկությամբ, իսկ մանկական ֆիլմերը՝ մանկական ժյուրիի։ Փառատոնի ընթացքում ցուցադրվելու է շուրջ 70 ֆիլմ։ Փառատոնն ունի նաև արտամրցութային ծրագիր։

Փառատոնի լիամետրաժ ֆիլմերի մրցութային ծրագրում ընդգրկված է 10 ֆիլմ, այդ թվում նաև հայ ռեժիսորների՝ Մաքսիմ Հայրապետովի «Արմենն И Я», Անահիտ Աբադի «Եվա» (հայ-իրանական համատեղ արտադրություն)։

Լիամետրաժ ֆիլմերի մրցույթի ժուրիի կազմում ընդգրկված է նաև հայ օպերատոր Վահագն Տեր-Հակոբյանը։

Կարճամետրաժ ֆիլմերի մրցույթում ընդգրկված է 23 ֆիլմ։ Այս մրցույթում ցուցադրվելու է Գուժ Թադևոսյանի «Մեկ օր» (Հայաստան-Ռուսաստան) ֆիլմը։

Վավերագրական ֆիլմերի մրցույթում ընդգրկված է 14 ֆիլմ։ Հայ ռեժիսոր Վահագն Խաչատրյանի 21 րոպեանոց «Լուսինը, արևը և հրացանակիրները» ֆիլմը նույնպես ընդգրկված է այս մրցույթում։

Աղբյուր՝ Panorama.am:

 

Հետևեք մեզ նաև Telegram-ում