Լուվրը հետաձգել է աշխարհի ամենաթանկ կտավի ցուցադրությունը
04/09/2018 21:34
Նմանատիպ
Հեղինակավոր Լուվր թանգարանի՝ Աբու Դաբիի մասնաճյուղն անորոշ ժամանակով հետաձգել է աշխարհի ամենաթանկ կտավի՝ Լեոնարդո դա Վինչիի վրձնին պատկանող «Սալվատոր Մունդի»-ի ցուցադրությունը:
Ինչպես նշում է BBC-ն, թանգարանի տնօրինությունը չի բացահայտել հետաձգման պատճառը:
Հայտնի է, որ Հիսուս Քրիստոսին պատկերող կտավը նախորդ տարվա նոյեմբերին աճուրդում վաճառվել էր ռեկորդային գնով՝ 450 մլն դոլարով: Ավելի ուշ պարզվել էր, որ այն գնել է Սաուդյան Արաբիայի արքայազներից մեկը:
Ինչ վերաբերում է Աբու Դաբիի Լուվրին, ապա այն բացվել է նախորդ տարի: Ծրագրված էր, որ «Սալվատոր Մունդի» կտավը պետք է ցուցադրության հանվեր սեպտեմբերի 18-ին:
Դա Վինչին մահացել է 1519թ.: Այժմ աշխարհում կա հանճարի՝ 20-ից էլ պակաս կտավ:
Աղբյուր՝ Tert.am:
Հետևեք մեզ նաև Telegram-ում