USD
EUR
RUB

«Հովերը» հոգեւոր խմբերգային երաժշտության փառատոնից պլատինե մեդալ է բերել

 
 

«Հովեր» պետական կամերային երգչախումբը (գեղարվեստական ղեկավար եւ խմբավար՝ Սոնա Հովհաննիսյան) ռուսաստանյան հյուրախաղերից տպավորված է վերադարձել, նաեւ Չելյաբինսկի քաղաքապետի հանձնած պլատինե մեդալով ու դիպլոմով, որը շնորհեց Խմբերգային ասամբլեայի անունից:

Սեպտեմբերի 5-10-ը անցկացված համերգային շրջագայության ընթացքում «Հովերը» Կիշտիմ, Սատկա եւ Չելյաբինսկ քաղաքներում ունեցել է 3 համերգ: «Հովերը» մասնակցել է հոգեւոր խմբերգային երաժշտության միջազգային փառատոնի: «Առավոտը» «Հովերի» հիմնադիր եւ գեղարվեստական ղեկավար Սոնա Հովհաննիսյանին խնդրեց որեւէ տպավորիչ դրվագ պատմել հյուրախաղերից:

«Ամենաշատ տպավորված եմ ունկնդրով, ուղղակի անշլագ էր, դահլիճում, որ հատուկ ավելացված տեղեր կային, նաեւ կանգնած էին ունկնդրում մեր համերգները: Շատ բարդ ծրագիր էր, ժամանակակից երաժշտություն էինք տարել՝ եւ հոգեւոր, եւ երեւմտաեվրոպական: Ինձ ապշեցնում էր դահլիճի արձագանքը, պատրաստվածությունը: Կազմակերպիչներն ասում էին, որ իրենք են ունկնդրին այդպես դաստիարակել: Փաստորեն, այնքան հետեւողականորեն ստեղծել են այդ լսարանը, ձեւավորել հանդիսատեսին, որ հատկապես հետաքրքրված է խմբերգային երաժշտությամբ»,- նշեց տիկին Հովհաննիսյանը:

Նա ասաց, որ «Հովերն» ամեն տարի գարնանը լինում է Ռուսաստանում, Գերգիեւի Զատկի փառատոնին, ասում է՝ այնտեղ հեռավոր քաղաքները նույնպես հավասարաչափ տեղյակ են մշակութային անցուդարձից, եւ Մացուեւի, եւ Բաշմետի փառատոնը հասնում է մինչեւ ՌԴ խորքերը: «Այնպես են կազմակերպում, որ մարդիկ հեռավոր քաղաքներում էլ կարողանան ակադեմիական դասական երաժշտություն լսել: Այս ամենն ինձ համար շատ տպավորիչ էր: Եվ այն, որ նահանգները սերտ աշխատում են խմբավարի հետ, գիտեն, թե որ ամսին ինչ է նախատեսված… Շատ հոգնեցուցիչ էր շրջագայությունը, անընդհատ ավտոբուսներով էինք, բայց հաճելի էր, որ ունկնդիրը հետաքրքրված էր»,- հավելեց Սոնա Հովհաննիսյանը: Նրանից տեղեկացանք, որ տարբեր փառատոների մասնակցելու հրավերներ են ստացել: «Մեր աղջիկներից մեկը, որ մասնագիտությամբ խմբավար է, կմեկնի Լեհաստան, կաշխատի Կրակովի երգչախմբի հետ, այնուհետեւ այնտեղից դիրիժորը կգա Հայաստան, կաշխատի «Հովերի» հետ: Այ, այսպիսի փոխհամագործակցության պահեր եղան»,- նշեց «Հովերի» գեղարվեստական ղեկավարը:

Սոնա Հովհաննիսյանից տեղեկացանք նաեւ, որ «Հովերը» մասնակցելու է Ֆրանկոֆոնիական միջոցառումներին, նաեւ Կրակովի նվագախմբի հետ պետք է կատարի լեհ կոմպոզիտոր ու դիրիժոր Քշիշտոֆ Պենդերցկու Te Deum-ումը, մասնակցելու է Կոմիտաս փառատոնին` «Հովերի» կատարմամբ դեռեւս չհնչած կոմիտասյան շարաններով, ապա հոկտեմբերի 7-ին արական կազմով Կոմիտասի պատարագը հնչեցնելու է Հառիճավանքում:

«Այս տարի մինչեւ տարեվերջ ծանրաբեռնված ենք, օրինակ, նոյեմբերի 16-ին Բեռլիոզի Ռեքվիեմ պետք է կատարենք Հայաստանի պետական կամերային նվագախմբի հետ (գեղարվեստական ղեկավար եւ գլխավոր դիրիժոր՝ Վահան Մարտիրոսյան)»,- հայտնեց խմբավարը:

Սոնա Հովհաննիսյանը նշեց, որ ռուսաստանյան համերգներին «Հովերը» միայն մեկ դեմքով չէր ներկայացված, եւ արական կազմն էր, եւ իգական կազմը, հետո բոլորը միասին. «Հովերը» տարբեր գույներով է ներկայացել, ինչը հետաքրքիր էր դարձնում համերգը: Աղջիկների կազմը ղեկավարում է Նարինե Ոսկանյանը, որը աղջիկների ԼԵ խմբի խմբավարն է ու Զատկի փառատոնին փայլուն համերգներով է հանդես եկել «Հովերի» իգական կազմով: Տարբերությունը, որ համերգի ժամանակ լսում է ունկնդիրը, համերգը շատ ավելի հետաքրքիր է դարձնում»:

ԳՈՀԱՐ ՀԱԿՈԲՅԱՆ
Աղբյուր՝ Aravot.am:

Լրահոս
Հո՞ երթաս, մարդ Աստծո Վահագն Դավթյան․ Անկեզ մորենի Սփյուռքի նախարարության կենսական պահանջը կա. Սամվել Կարապետյան Ռոտերդամի միջազգային կինոփառատոնի «Կինոյի տաճարը» ծրագիրը նվիրվելու է Սերգեյ Փարաջանովին Երուսաղեմում նշվեց Սուրբ Ծնունդը «Օսկարի» հավակնորդները Աշոտ Ալեքսանյան․ Փորձեր և փորձություններ «Արարող ձեռքերը»՝ Գեւորգյան հոգեւոր ճեմարանում 1920-ականների գերմանական կինոն՝ Երևանում Հովհաննես Թումանյան․ Սպասում Մարդիկ բարի են գիտակցաբար Կոնստանտին Օրբելյան․ «Ծրագրերը շատ են, ակնկալում ենք աջակցություն թե՛ մասնավոր հատվածից, և թե՛ մեր պետությունից» «Հայկական մշակույթի շաբաթ»՝ Կիևում «Հայ ժողովրդական հեքիաթներ» ժողովածուն ներկայացվել է ընթերցողներին Վահան Տերյան․ Բանաստեղծությունների հավաքածու Վահան Տերյան․ Սին խոսքերի մեջ «Մաշան և արջը» մուլտֆիլմը հայտնվել է Գինեսի ռեկորդների գրքում Ռիո դե Ժանեյրոն հռչակվել է 2020թ. ճարտարապետության համաշխարհային մայրաքաղաք Լևոն Խեչոյան․ Շաբաթ, կիրակի Ռազմիկ Դավոյան․ Քամիները բոլոր Հայրենասիրական բանաստեղծություններ Դեյվիդ Բոուին՝ 20-րդ դարի մեծագույն էստրադային արտիստ Մկրտիչ Պեշիկթաշլյան. Բանաստեղծություններ Ամենայն Հայոց Կաթողիկոսն ընդունեց Հայաստանում ՄԱԿ-ի մշտական համակարգողին Տարցին թագաւորի կուսանք Պահանջում են կենտրոնացնել կինոյին տրվող պետական միջոցները այդ կառույցում. բաց նամակ «Ես չկարողացա աշխատել մարդկանց հետ, որոնք փող են տալիս ու քեզնից հիմարություններ են պահանջում» Բոլորն անխտիր ներքաշված են մի մեծ կեղծիքի մեջ Եղել են դագաղ բռնող, Ա տղամարդ, Բ տղամարդ, Ճ կին «Կինն Աստծու էակ է» Հրեշտակային Ռեժիսորը` նախարարության եւ թատրոնի փոխհարաբերության մասին. «Մամա ջան, գուցե ինձ կերակրեի՞ր» Հենրիկ Էդոյան․ Բանաստեղծությունների հավաքածու Պարանոյա Հայկական արվեստն անպայման պետք է ներկայացված լինի այստեղ. Արմեն Սարգսյան Մարդ չի կարող սուրբ լինի իր խոհանոցի մեջ... «Մեր ջահելության ռաբիսն անգամ չես համեմատի այսօրվա էժանագին երաժշտության հետ» Մեկնարկում են Սիլվա Կապուտիկյանի ծննդյան 100-ամյակին նվիրված միջոցառումները Գյումրու բաց երկնքի տակ գտնվող հուշարձանների պահպանության համար ոչ մի աշխատանք չի արվել. Վ. Ղուկասյան ՀՀ վարչապետի որոշմամբ ստեղծվել է Ռաֆայել Ջրբաշյանի հուղարկավորության կազմակերպման հանձնաժողով
Ամենաընթերցված
website by Sargssyan