USD
EUR
RUB

Տիգրան Հեքեքյանը ահազանգում է` հերթական հուշարձան շենքը հատուկ խարխլել են

 
 

Արամի 23 հասցեում գտնվող պատմամշակութային արժեք ներկայացնող շենքը, որտեղ անցկացվում են «Հայաստանի փոքրիկ երգիչներ» երգչախմբի փորձերը, փլուզման շեմին է: Սեպտեմբերի 17-ին «Բլից ինֆո» մամուլի ակումբում հայտարարեց երգչախմբի գեղարվեստական ղեկավար և դիրիժոր Տիգրան Հեքեքյանը: Նա ասաց նաեւ, որ խնդրի մասին իրազեկել են հնարավոր բոլոր ատյաններին:

«Մշակույթի փոխնախարար Տիգրան Գալստյանն ասաց, որ այս տարածքում` Բուզանդ-Արամի հատվածում, մնացել է 6 այդպիսի շենք, եւ որեւէ խոչընդոտ կամ արգելք չի կարող լինել պահելու այդ շենքերը: Ավելի կտրուկ է ասել, որ թույլ չեն տա վնասելու այդ շենքերը», - հավելեց մաեստրոն: Նշեց, որ աշխարհի լավագույն բեմերում հանդես եկած փոքրիկ երգիչները հուսալքված են, իր ձեւակերպմամբ, ասես հոգեհանգստյան արարողության եկած լինեն:

Տիգրան Հեքեքյանը հավելում է. «Սա նախորդ իշխանությունների գործունեության հետեւանք է, պողոտան ճանաչվել է գերակա շահ եւ այստեղ պետք է կառուցապատվեին հին Երեւանի տեսք ունեցող շենքերով, եղածներն էլ պետք է մնային: Սակայն ինձ բոլորովին չի համոզում դա, որովհետեւ հայտնի չէ, թե վերջերս քանդված շենքերի քարերը որտեղ են, ուր մնաց, թե 15-20 տարիներ առաջ քանդվածներինը հայտնի լինի»: Մաեստրոն շեշտում է` այս տարվա մայիս ամսից «Հին Երեւան» ՓԲԸ-ի կողմից սկսվել են փորման աշխատանքները, Տերյան փողոցը քանդել են եւ սկսել արագ կառուցել:

Տիգրան Հեքեքյանը պնդում, է, որ նորմատիվների խախտումով են տարածքը փորել, ու այնքան մոտ են փորել պատմամշակութային հուշարձանին, որ խարխլել են, մեկ օրվա մեջ պատերը մի քանի սանտիմետրով իրարից հեռացել են: «Երկու անգամ փլուզվել է շինարարության տարածքը` առավոտյան 5-ին, 6-ին մոտ, բարեբախտաբար, շինարարներ չեն եղել, այլապես զոհեր կլինեին: Միեւնույն ժամանակ բանվորները շարունակել են աշխատանքը: Վարչապետի վերահսկողությունից անձը եկել է եւ ասել է շինարարներին` ի՞նչ անվտանգության նորմեր եք կիրառում, պատասխանել են, թե գլխարկներ ենք դնում: Մինչեւ ԱԻՆ-ը մեզ չհանեց այդ շենքից, իրենց էլ չարգելեց, աշխատանքները չդադարեցրին»,-ասում է մաեստրոն:

«Հայաստանի փոքրիկ երգիչներ» երգչախմբի գեղարվեստական ղեկավարին ասել են, որ կանչել են կառուցապատողին, գրավոր նամակ են հանձնել, որ պետք է խարխլված շենքը շտապ վերականգնել, ապարները պահելու ձեւը գտնեն, բայց ոչ բոլոր մասնագետներն են վստահ, որ դա հեշտ է ու քիչ ֆինանսատար:

Տիգրան Հեքեքյանը հավելում է, որ թեեւ մշակույթի նախարարությունը սկզբում դանդաղեց հարցին լուծում տալու առումով, հիմա անհանգստացած է. «Միակ մարդը, որ գնում-գալիս է, փոխնախարարն է: Ես ասացի, որ եթե մարդ պետք է բուժվի, կարելի է հանդարտ բուժել, բայց եթե մահանում է, պետք է արագ վերակենդանացման հարցերը լուծել: Իսկ շենքն իսկապես փլուզվում է, մահանում: Ապացուցել չի լինի, բայց ով եկել-տեսել է, ասում են հատուկ են անում»: 

«Մեկ օրվա մեջ կառավարության որոշում է փոխվել, եւ որոշել են այդտեղ 4 հարկանի շենքեր կառուցել…Մինչդեռ չորս հարկանի Հին Երեւան չի լինում: Սա ուղղակի հերթական բիզնես պրոյեկտն է, ինչպես Հյուսիսային պողոտան ու մնացածը: Ի վերջո չգտնվեց այն մարդը, որ կասի` ոչինչ, թող փող դնեմ, բայց շահ չունենամ, միակը Թումոյի այգին է, որտեղ սրճարաններ չկան»,-փաստում է արվեստագետը:

Ասում է նաեւ, որ երբ 2002-ից այդ տարածքը հայտարարվեց պետական գերակա շահ, ինքը երաշխիքներ է պահանջել, որ շենքը չի քանդվելու: Իրեն էլ ասել են, որ բոլոր հին շենքերը մնալու են, ներառյալ իրենց շենքը: «Ասացին՝ դուք էլ պետք է մնաք այդ տարածքում, որ լինի մի միջավայր, որտեղ կարպետ են գործելու, խեցեգործություն է լինելու, դուք էլ երգելու եք…Ես տեղեկություն ունեմ, որ անձամբ Սերժ Սարգսյանը գնացել է արդեն մահամերձ Հակոբ Հակոբյանի մոտ ու խոսք է տվել, որ նա այդտեղ կունենա տուն-թանգարան, նույնը խոստացել է Սոս Սարգսյանին, ինձ երաշխիքներ են տվել նախարարը, բոլորը… Իսկ ճարտարապետն ասել էր` ոնց կասեն, էնպես էլ կնախագծենք, սպասում ենք հրահանգին», - հիշում է Տիգրան Հեքեքյանը:

Մանրամասները` տեսանյութում:

Գոհար ՀԱԿՈԲՅԱՆ
Աղբյուր՝ Aravot.am:

Լրահոս
Ամերիկյան կինոակադեմիան որոշել է «Օսկարի» մրցանակակիրներին Մայր Աթոռում գումարվեց Ազգային-Եկեղեցական Ժողովի Սոցիալական հանձնախմբի առաջին նիստը Ֆրանսահայ անվանի երաժիշտը «Մեր հայրենիքի» մասին մի ամբողջ «դոսյե» ունի Մենք ունենք անմահ հոգի, խիղճ և ընտրության հնարավորություն Մեկնարկեց Հայ կոմպոզիտորական արվեստի 10-րդ փառատոնը Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Ավետիք Իսահակյան․ Երջանկության իմաստը Վահագն Դավթյան՝ Համո Սահյանին Բրազիլիայի կառնավալին հազարավոր մարդիկ «Կեցցե Հայաստան» կվանկարկեն Մարտակերտում կկայանա Փարաջանովին նվիրված ցուցահանդես. կներկայացվեն բացառիկ նմուշներ Պատվիրանները մարդու մարդկային որակի ուղենիշներն են «Մշակույթի նախարարության հայտարարությունն ագրեսիայի, ստախոսության ու ամբարտավանության հավաքական գլուխգործոց է». «Պարալլելս Ֆիլմպրոդաքշն» ընկերություն Ամենայն հայոց կաթողիկոսը ցավակցել է Լուիզ Մանուկյան Սիմոնի վախճանման առիթով Հարություն Խաչատրյան. «Միությունը պատրաստ է իրավաբանական ծառայություն տրամադրել Հովհաննես Գալստյանին» «Մաեստրո Մանսուրյանի» և երևանյան պրեմիերայի մասին Մահացել է Էլմիրա Հեքեքյան-Աբրահամյանը Լավագույնս պատկերացում են տալիս հայ գրքի և գրատպության անցած ուղու մասին Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում «Եվ երբ պրոֆեսիոնալ երաժիշտ դարձա, կոնսերվատորիա ավարտեցի, նոր հասկացա, թե Կոմիտաս կատարելն ինչ բան է» Մեջբերումներ Թումանյանի մասին Հովհաննես Թումանյան․ Ուրախ գիշեր Ազգ-բանաստեղծ Եթե միայն այս կյանքի համար ենք հույս դրել ի Քրիստոս, ողորմելի ենք, քան բոլոր մարդիկ Փորձագետները կասկածում են, որ «Աշխարհի փրկիչ» կտավի հեղինակը Լեոնարդո դա Վինչին է Mezzo հեռուստաալիքը ֆիլմ է պատրաստել դիրիժոր Սերգեյ Սմբատյանի մասին Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից»
website by Sargssyan