USD
EUR
RUB

Մեծամորում հայտնաբերվել է մ.թ. II-III դարերով թվագրվող տղամարդու թաղում

 
 

Մեծամոր հնավայրի տարածքում օգոստոսի 31-ից վերսկսվել են հայ-լեհական հնագիտական արշավախմբի աշխատանքները: «Պահպանության ծառայություն» ՊՈԱԿ-ի հաղորդմամբ, պեղումները իրականացվում են Մեծամորի միջնաբերդից հյուսիս արևելք տարածվող քաղաքային թաղամասում: Առանձնացված երկու մեծ տեղամասերում պեղվում են մ.թ.ա XI-VIII մ.թ. I-IIIդդ. վերաբերող հնագիտական շերտեր: Բացվել են մեծ չափերի, ուղղանկյուն կառուցվածքով շինությունների մնացորդներ և սենյակներ:

Հայաստանում Եվրոպայի միության պատվիրակության ղեկավար, դեսպան Պյոտր Սվիտալսկին, ՀՀ մշակույթի նախարարի տեղակալ Տիգրան Գալստյանը, Պատմության և մշակույթի հուշարձանների պահպանության գործակալության պետ Արմեն Աբրոյանը «Պահպանության ծառայություն» ՊՈԱԿ-ի տնօրեն Արա Թարվերդյանի ուղեկցությամբ Մեծամորում ծանոթացել են հայ-լեհական արշավախմբի աշխատանքներին:

Արշավախմբի համանախագահներ` ՊՈԱԿ-ի գիտնական քարտուղար, պատմական գիտությունների դոկտոր, պրոֆեսոր Աշոտ Փիլիպոսյանը և Վարշավայի համալսարանի հնագիտության ինստիտուտի տնօրեն, հնագիտության պրոֆեսոր Քշիշտոֆ Յակուբյակը հյուրերին տեղեկացրել են, որ սենյակներից մեկի պահպանված պատերի հատվածում հայտնաբերվել է մ.թ. II-III դարերով թվագրվող տղամարդու թաղում (թվագրման համար հիմք է ծառայել անհատի հետ հայտնաբերված ապակյա տարատեսակ ուլունքահատիկներն ու ապակյա ամբողջական մի սրվակ): Քաղաքային թաղամասից 2 մետր հարավ արևելք բացվել է մոտ տաս տարեկան երեխայի թաղում, հայտնաբերվել է` ապակյա 2 սրվակ, 1 փոքր կավաման, բրոնզե մատանի:

Նախորդ տարվա պեղումների ժամանակ 1,20 մ բարձրությամբ կարաս էր բացվել: Արշավախմբի համանախագահ Աշոտ Փիլիպոսյանի խոսքով, այս տարի նույն կարասից մոտ 1 մ դեպի հյուսիս, չափերով ավելի փոքր, նոր կարաս է գտնվել: Հնագիտական արշավախումբը սկսել է պեղել նաև «Կարասային սենյակ»-ին կից քառանկյուն մեծ շինության տարածքը: Հայտնաբերվել և նախնական մշակման են ենթարկվել մեծ քանակությամբ խեցեղենի բեկորներ, կենդանիների ոսկորների մնացորդներ:

Եվրամիության պատվիրակության ղեկավար, դսպան Պյոտր Սվիտալսկին հնավայրի տարածքում շրջայցից հետո «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ղեկավարության հետ քննարկել է համատեղ ծրագրերի իրականացման հարցը: Պ. Սվիտալսկին մեկ անգամ ևս շեշտել է հետագա գործակցության պատրաստակամությունը, միաժամանակ նշել, որ 2018 թ. Եվրամիության ուշադրությունը սեւեռվել է Շիրակի, Լոռու և Տավուշի մարզերում մշակութային ծրագրերի իրականացմանը:

ՊՈԱԿ-ի գիտնական քարտուղար Աշոտ Փիլիպոսյանը խոսել է Մեծամորում մշակութային-պատմական կենտրոն կյանքի կոչելու մասին, որը կընդգրկի տարբեր ճյուղեր:

ՊՈԱԿ-ի տնօրեն Արա Թարվերդյանն առաջարկել է ծրագիրը Եվրամիության ֆինանսավորմանը ներկայացնել որոշակի աշխատանքների իրականացումից հետո:Պյոտոր Սվիտալսկին հետաքրքրվել է զբոսաշրջիկների հոսքով: ՊՈԱԿ-ի տնօրեն Արա Թարվերդյանը նշել է, որ ենթակառուցվածքների զարգացման խնդիր կա:

«Վատ ճանապարհի պատճառով այցելուները քիչ են: ՏԻ մարմինների հետ հարցը քննարկվել է և ճանապարհի բարեկարգումից հետո պատկերն էապես կփոխվի ու զբոսաշրջիկները հնարավորություն կունենան ծանոթանալ «Մեծամոր» պատմահնագիտական արգելոց-թանգարանի բացառիկ ցուցանմուշներին», -իր խոսքը եզրափակել է «Պահպանության ծառայություն ՊՈԱԿ-ի տնօրեն Արա Թարվերդյանը:

Աղբյուր՝ Panorama.am:

Լրահոս
Ամերիկյան կինոակադեմիան որոշել է «Օսկարի» մրցանակակիրներին Մայր Աթոռում գումարվեց Ազգային-Եկեղեցական Ժողովի Սոցիալական հանձնախմբի առաջին նիստը Ֆրանսահայ անվանի երաժիշտը «Մեր հայրենիքի» մասին մի ամբողջ «դոսյե» ունի Մենք ունենք անմահ հոգի, խիղճ և ընտրության հնարավորություն Մեկնարկեց Հայ կոմպոզիտորական արվեստի 10-րդ փառատոնը Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Ավետիք Իսահակյան․ Երջանկության իմաստը Վահագն Դավթյան՝ Համո Սահյանին Բրազիլիայի կառնավալին հազարավոր մարդիկ «Կեցցե Հայաստան» կվանկարկեն Մարտակերտում կկայանա Փարաջանովին նվիրված ցուցահանդես. կներկայացվեն բացառիկ նմուշներ Պատվիրանները մարդու մարդկային որակի ուղենիշներն են «Մշակույթի նախարարության հայտարարությունն ագրեսիայի, ստախոսության ու ամբարտավանության հավաքական գլուխգործոց է». «Պարալլելս Ֆիլմպրոդաքշն» ընկերություն Ամենայն հայոց կաթողիկոսը ցավակցել է Լուիզ Մանուկյան Սիմոնի վախճանման առիթով Հարություն Խաչատրյան. «Միությունը պատրաստ է իրավաբանական ծառայություն տրամադրել Հովհաննես Գալստյանին» «Մաեստրո Մանսուրյանի» և երևանյան պրեմիերայի մասին Մահացել է Էլմիրա Հեքեքյան-Աբրահամյանը Լավագույնս պատկերացում են տալիս հայ գրքի և գրատպության անցած ուղու մասին Գարեգին Բ և Արամ Ա կաթողիկոսները միասնական աղոթք են հնչեցրել Էջմիածնում «Եվ երբ պրոֆեսիոնալ երաժիշտ դարձա, կոնսերվատորիա ավարտեցի, նոր հասկացա, թե Կոմիտաս կատարելն ինչ բան է» Մեջբերումներ Թումանյանի մասին Հովհաննես Թումանյան․ Ուրախ գիշեր Ազգ-բանաստեղծ Եթե միայն այս կյանքի համար ենք հույս դրել ի Քրիստոս, ողորմելի ենք, քան բոլոր մարդիկ Փորձագետները կասկածում են, որ «Աշխարհի փրկիչ» կտավի հեղինակը Լեոնարդո դա Վինչին է Mezzo հեռուստաալիքը ֆիլմ է պատրաստել դիրիժոր Սերգեյ Սմբատյանի մասին Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից»
website by Sargssyan