USD
EUR
RUB

«Մշակույթը որպես սոցիալական փոփոխությունների բանալի» ծրագիրն ընդդեմ փողոցային մշակույթի

 
 

Հանգստի ու ժամանցի կենտրոնների, իսկ երբեմն նաև ֆինանսական միջոցների բացակայության պատճառով երեխաների ժամանցի միակ վայրը հաճախ դառնում է փողոցը: Սա հատկապես տարածված երևույթ է հեռավոր շրջանների համայնքներում: Եվ սա է պատճառը, որ երեխաներն իրենց ազատ ժամանակն օգտագործում են փողոցային վատ բարքերը յուրացնելով:

«Չկա դժվար երեխա, կա դժվար իրավիճակ, որը երեխայի համար ստեղծում են մեծերը, ծնողները, հասարակությունը, իսկ երեխայի վատ արարքը՝ գողություն, հանցագործություն, փողոցային վատ բարքերի յուրացում, այդ ամենի արձագանքն է»,-հավատացած է Քնարիկ Գարանֆիլյանը՝ «Ընտանիք և համայնք» ՀԿ-ի նախագահը. «Մշակույթն արդյունավետ միջոց է, որը երեխային դարձնում է հասարակության լիարժեք անդամ, ձևավորում որպես եզակի անհատականություն, որպես յուրահատուկ «բանալի», որը ունակ է բացել հասարակության համար փակ թվացող դռներ: Հենց այս տրամաբանությամբ էլ ընտրել ենք ծրագրի անունը՝ «Մշակույթը որպես սոցիալական փոփոխությունների բանալի»:

«Ընտանիք և համայնք» ՀԿ-ի և Քաղաքացիական զարգացման և համագործակցության հիմնադրամի գործընկերությամբ իրականացող «Մշակույթը որպես սոցիալական փոփոխությունների բանալի» մեկամյա ծրագրի մեկնարկի օրից արդեն անցել է մեկ տարի, և հիմա ժամանակն է ծրագիրն ամփոփելու: Հենց այս նպատակով սեպտեմբերի 24-25-ին հավաքվել էին այս ծրագիրն իրականացնող շահառու կառույցների անդամները:

Մեկ տարվա ընթացքում ծրագրի իրականացման պատասխանատուներին հաջողվել է զգալի արդյունքների հասնել, փոխել Մեծամոր, Իջևան և Նոյեմբերյան համայնքների ավելի քան 250 երեխայի կյանք՝ նրանց ներգրավելով մշակութային մի շարք խմբակներում՝ երգ, պար, նկարչություն, կավագործություն, տիկնիկային թատրոն, տիկնիկագործություն և կարպետագործություն: Դեռ մեկ տարի առաջ արվեստի այս ճյուղերից գրեթե անտեղյակ երեխաների մի մասն այսօր բավականին հմուտ նկարիչներ ու քանդակագործներ են, որոնց աշխատանքները հասցրել են մասնակցել ցուցադրությունների, ցուցահանդես-վաճառքների և արժանանալ ներկաների հիացմունքին ու գովասանքի խոսքերին:

Իջևանի և Մեծամորի երգի և տիկնիկային թատրոնի խմբակների երեխաները «Երեխաները երեխաների համար» մշակութային միջոցառումների շրջանակներում համերգային շրջագայություններ են ունեցել սահմանամերձ և հեռավոր գյուղերում, որտեղ երեխաները կտրված են ու ընդհանրապես հաղորդ չեն մշակութային կյանքին, և իրենց մշակութային ելույթներով վարակել են երեխաներին՝ նրանց համար ևս հասանելի դարձնելով մշակութային կյանքը:

Նոյեմբերյան համայնքի նկարչության խմբակի ուսուցիչ Ռուբեն Բարսեղյանն ասում է, որ սկզբնական շրջանում խմբակը երեխաների կողմից ընկալվել է զուտ որպես ժամանցը հետաքրքիր անցկացնելու միջոց, որն ունի իր բացատրությունը. Նոյեմբերյանում քիչ են երեխաների համար հետաքրքիր ժամանց ապահովող վայրերը, ինչպես նաև ոչ բոլոր ընտանիքներն ունեն բավարար միջոցներ երեխաներին վճարովի պարապմունքների ու խմբակների ուղարկելու համար:

«Մեր կարևորագույն նպատակը, որը սահմանել էինք ծրագրի մեկնարկի հենց առաջին օրից, այն էր, որ երեխան կտրվի փողոցից, ձեռք բերի հետաքրքրություններ, հաղորդակից դառնա արվեստին ու մշակույթին, ինչի հնարավորությունը մինչև խմբակի ստեղծումը շատերը չունեին»,-ասում է Ռուբեն Բարսեղյանը և հավելում,-եթե պարապմունքների առաջին օրերին երեխաներն անգամ մատիտը բռնելու ձևը չգիտեին, ապա այսօր նրանք հմտորեն օգտվում են նկարչական պարագաներից, համադրում գույները և ստանում գեղեցիկ պատկերներ: Երեխաներից շատերը մեկ տարի առաջ մտածել անգամ չէին կարող, որ իրենք ունեն նկարելու բնատուր ձիրք, որը զարգացնելով՝ կարող են այսպիսի գեղեցիկ նկարներ նկարել:

Անցնող մեկ տարվա ընթացքում վերոնշյալ համայնքներում ապրող խոցելի ընտանիքների շահառու երեխաներն այցելել են Հայաստանի ազգային պատկերասրահ, ծանոթացել անվանի նկարիչների ստեղծագործություններին, հարստացրել մշակույթի մասին ունեցած իրենց գիտելիքների պաշարը:

Եվրոպական միության «Աջակցություն ՀՀ քաղաքացիական հասարակության կազմակերպությունների կարողությունների հզորացմանը» նախագծի և Թուֆենկյան հիմնադրամի համաֆինանսավորմամբ և աջակցությամբ իրականացվող այս ծրագիրը երեխաներին հնարավորություն է տվել ամռանը ճամբարային հանգիստն անցկացնել Լոռվա գեղեցիկ բնության գրկում, որտեղ հանգստին զուգահեռ երեխաները մասնագետի օգնությամբ ձեռք են բերել համայնքային կյանքում ներգրավվելու կարևորագույն գիտելիքներ:

Այժմ, երբ ծրագիրն արդեն մոտեցել է ավարտին, կազմակերպիչները մտահոգվելու լուրջ առիթ ունեն: Քաղաքացիական զարգացման և համագործակցության հիմնադրամի տնօրեն Գագիկ Վարդանյանն ասում է.

«Կարող ենք ասել, որ «Մշակույթը որպես սոցիալական փոփոխությունների բանալի» ծրագիրը սուրբ առաքելություն է ունեցել: Արդյունքները, ինչ խոսք, ամբողջովին արդարացրել են բոլորիս սպասելիքները, նույնիսկ գերազանցել դրանց: Սակայն Մեծամոր, Իջևան, Նոյեմբերյան համայնքների՝ թվով շուրջ 250 երեխաները շատ փոքր կաթիլ են այն ծովի մեջ, որն ընդգրկում է Հայաստանի կարիքավոր ընտանիքների երեխաներին: Ես մտավախություն ունեմ, որ հիմա՝ ծրագրի ավարտից հետո, երեխաների մի մասը կարող է շատ արագ մոռանալ մեկ տարվա ընթացքում ձեռք բերած հմտություններն ու գիտելիքները, եթե չշարունակի զբաղվել իր նախընտրած արվեստով, իսկ մշակույթը մշտական աշխատանք է պահանջում:

Գագիկ Վարդանյանը նշեց, որ գրանցված հրաշալի արդյունքը կարող է չպահպանվել, եթե մոտ ապագայում այս խմբակները շարունակական չլինեն, ուստի պետք է մտածել այս հարցին ինչ-որ կերպ ռազմավարական և հեռանկարային լուծում տալու մասին, այնպիսի լուծում, որ խմբակները կընդլայնվեն և գործեն ավելի երկար:

Սոնա ՆԱՎԱՍԱՐԴՅԱՆ
Աղբյուր՝ Aravot.am:

Լրահոս
Վարդան Հակոբյան․ Քո սերը քո տունն է Վարդան Հակոբյան․ Կապույտը Հայտնի են Բեռլինի միջազգային կինոփառատոնի մրցանակակիրները Փառասիրության մասին «Երևանը»՝ 200 քանոնահարի կատարմամբ Ֆրանսիայի խորհրդարանը քննարկում է կրթության մասին նոր օրենքը Դանիել Վարուժան․ Հարճը Կոմիտասի քնարերգությունը Վարդգես ԱՀԱՐՈՆՅԱՆ. Ամենայն հայոց բանաստեղծը Ռեժիսորը դեռ հացադուլ է անում, իսկ Մակունցը՝ ֆռռիկներ «Տեսնել չլիներ` կույրի պես կլինեին, ճանաչել և սիրել չլիներ` անասունի պես կլինեին» Հայ Եկեղեցու ու նրա հոգևորականության վրա հարձակումների տարափը պետք է առավել միավորեն մեր հասարակությանը «Երկրագնդի վրա որևէ երկրորդ պետությունը չունի այդպիսի կոմպոզիտոր, ինչպիսին Կոմիտասն է» Հասմիկ Պապյանի և Սիմֆոնիկ նվագախմբի համատեղ համերգի հասույթը կփոխանցվի «Արմենակ Ուրֆանյան» հիմնադրամին Համո Սահյան «Վշտացել եմ ամեն ինչից» Կյանքի ծառը․ Կոմիտաս «Վալենտինոմանիա». կեղծքրիստոնեական, ապազգային և կոմերցիոն տոն «Կինոպարկում» տեղի է ունեցել Օսկարի հավակնորդ «Իշխանություն» ֆիլմի փակ ցուցադրությունը Մահացել է Ռուսաստանի ժողովրդական արտիստ Սերգեյ Զախարովը Տեառնընդառաջ Վերադարձնենք լույսի եւ ջերմության մեր պատառը Հրանտ Մաթեւոսյանին Մայր Աթոռում կատարվեց Տեառնընդառաջի նախատոնակը Ռեժիսոր. Մեր գործադիր իշխանությունը հումանիզմի տարրական չափաբաժին չունի Կալկաթայի մարդասիրական ճեմարան «Լավագույն օպերային ձայնագրություն» անվանակարգում հաղթող գործն առնչվեց հայի անվան հետ» Զարդերի վերածված Կիլիկիայի մանրանկարչությունը Լևոն Խեչոյան․ Սև գիրք, ծանր բզեզ Ժամանակի ոգով գրված գիրք՝ «Շիլափլավ եւ շիլաշփոթ» Կա դրվագ, որը հոգեբանորեն դժվար է խաղալը. Ալեքսանդր Խաչատրյանի «Գարուն ա» ֆիլմը Ապրիլյան պատերազմի մասին է. լուսանկար Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին «Նոր սերունդ, նոր անուններ» խորագրով ցուցահանդեսը նվիրվեց Հովհաննես Թումանյանի հոբելյանին «Ավրորան» Մատենադարանին տված դրամաշնորհը կուղղի հայկական գրչության կենտրոնների ինտերակտիվ քարտեզի ստեղծմանը Պետրոս Դուրյան․ Բանաստեղծություններ Վարդգես ԱՀԱՐՈՆՅԱՆ. Ամենայն հայոց բանաստեղծը Ամերիաբանկը Հայաստանում ներկայացնում է օպերային մեծանուն երգիչ Պաատա Բուրչուլաձեին Հայ Եկեղեցու 20-րդ դարի նշանավոր գործիչներին նվիրված գիտաժողով ԱՄՆ-ում Հիսուսի՝ տաճարին ընծայման տոն կամ Տեառնընդառաջ. փետրվարի 14-ին «Նոր Թումանյանի բացահայտման փուլ պետք է սկսվի» Ազգային կինոկենտրոնի քմայքները կամ վերաձևված կանոնակարգ Այսօր մրուրն է իրեն սերուցք հորջորջում, մարմինը գլխիվայր է տեղաշարժվում
website by Sargssyan