Հայաստանում ելույթ կունենա Գալան տրիոն

«Կոմիտաս» փառատոնի շրջանակներում Հայաստան կժամանի երաժշտական շրջանակներում հայտնի Գալան տրիոն՝ Հունաստանից: Այս մասին տեղեկանում ենք «Հայաստանի փոքրիկ երգիչների» ֆեյսբուքյան էջից։

Տրիոն հանդես կգա Կոմիտասի երկերի մեկնաբանմամբ, և աշխարհի 6 կոմպոզիորտորների համաշխարհային երաժշտության բարձրարժեք կատարումներով: Հայաստան կժամանեն կոմպոզիտորներ տարբեր երկրներից՝ Թոմաս Բրամելը (ԱՄՆ), Վինսենթ Քենեդին (Իռլանդիա), Ջոնաթան Օսթլունդը (Շվեդիա), Վասկո Պերեյրան (Պորտուգալիա), Հարալդ Վայսսը (Գերմանիա), Նիկոս Խանտուլիսը (Հունաստան) և Շվեյցարիայում բնակվող մեր հայրենակից ու ծրագրի նախաձեռնող՝ Դավիթ Հալաջյանը:

«Մեզ հայերիս համար առանձնակի հաճելի է, որ Գալան տրիոն կատարելու է 6 կոմպոզիտորների համատեղ գրված «Վեց հայացք Արարատին» անունը կրող վեց մասանի ստեղծագործություն»,- նշված է «Հայաստանի փոքրիկ երգիչների» ֆեյսբուքյան էջում:

Համերգը տեղի կունենա հոկտեմբերի 18-ին Կոմիտասի անվան կամերային երաժշտության տանը:

Աղբյուր՝ Panorama.am: